Os 10:6 - Kaqchiquel Bible

⁶ Jajun ri ruwachibel ri alaj achij wákix xtuk'uex-el pan Asiria. Kan xtok k'a jun sipanik chire ri nimalej rey, keri' ri winaqi' aj-Israel xa xkek'ixbitej k'a. Rije' xa xkek'ixbitej roma ri wachibel ri kibanon.

Os 10:6 ပူးပေါင်းရင်းမြစ်များ

Os 5:13

Ri Israel kan xtuna' k'a rukiy ri ruk'ayewal, keri' chuqa' ri Judá kan xtuna' k'a rukiy ri ruyabilal. Xtibekik'utuj k'a to'onik pan Asiria, xtibekik'utuj k'a utzil chire ri nimalej rey. Jak'a rija' xa man xtitikir ta xkeraq'omaj y man xkeruto' ta.

Wuj Richin ri Isaías 30:3

Jak'a pa ruk'exel ri ruto'onik, rija' xa xkixruk'ixbisaj. Roma kan nito-iwi' rik'in ri ruwach'ulew Egipto, xa kan xtuqasaj iq'ij.

Dn 11:8

Xkekik'uaj k'a el ri e ruwachibel ri ki-dios ri aj-Siria, ri banon rik'in saqipueq y q'anapueq. Y toq xketzolin pan Egipto, kan k'iy k'a juna' ri man xtikineq ta ri Siria.

Wuj Richin ri Jeremías 7:24

Jak'a rije' man xkak'axaj ta, ni man xkinimaj ta nutzij. Xa kan ja ri itzel taq rurayibel ri kánima ri xuk'uan kichin. Pa ruk'exel chi xetzolin ta pe wik'in, xa xkipiskolij-el-ki' chinuwech.

Wuj Richin ri Miqueas 6:16

Xtibanatej ronojel re' roma xitzeqelibej achi'el xuben kan ri pa ruq'atbal-tzij ri Omrí. y xa ibanon achi'el xkiben ri e aj pa rachoch kan ri Acab. Roma ri' xtitole' kan ri itinamit. Y ri winaqi' richin ri ch'aqa' chik ruwach'ulew xketze'en chiwij, y kan ja k'a rix xkixejqalen ri ruk'ixbilal.

Os 8:6

Re wachibel re' kan richin chuqa' ri Israel. Re' xa achin xbanon richin, xa kan xtik'ajix k'a roma xa man dios ta.

Os 4:19

Xtapon k'a ri q'ij toq xtipe achi'el jun surkum chikij y kan xkeruk'uaj. Xtoqaqa k'a chikik'u'x ri kamelabel ri yekisujula' y xa xkek'ixbitej roma ri', ncha' ri Dios.

Os 4:7

Rokik más xek'iyer-q'anej ri sacerdote, keri' chuqa' más xk'iyer-q'anej ri mak chinuwech yin. Yin kan xtinben k'a chi pa ruk'exel ri ruwaq'ijaj ri kik'uan, xa kan xtikiya' k'a kik'ix.

Ez 36:31

K'ari' k'a xtoqaqa chi'ik'u'x ronojel ri xe'iben y kan itzel xtina-qa, roma ri itzel taq banobel ri xe'ibanala' y ri yalan xixetzelan.

Wuj Richin ri Jeremías 48:13

K'ari' rix aj-Moab xkixk'ixbitej roma ri i-dios Quemós*f11* achi'el xkiben ri winaqi' israelita roma ri ki-dios ri k'o pa Betel, ri kan kikuquban kik'u'x rik'in.

Wuj Richin ri Isaías 45:16

Kan xkek'ixbitej konojel ri yebanon kiwachibel ch'aqa' chik Dios. Rije' xke'uk'uex-el pa ximonri'il rik'in k'ixbilal.

Wuj Richin ri Isaías 1:29

Y rix kan xkixk'ixbitej k'a roma xe'iya' kiq'ij wachibel chuxe' paten taq che'. Xtiqasex iq'ij roma ri qejoj ri xe'iben richin xiya' kiq'ij ri i-dios.

Wuj Richin ri Achin Job 18:7

Ri maneq Dios chikiwech xa kan man xketikir ta chik xtikiya' nima'q taq kixaka'l, y ronojel ri ch'abel ri nikibij richin yekito' ri wineq, xa jari' ri xtibanon chike chi xketzaq.

2 Rey 17:3

Chirij re' xbeyakatej k'a pe ri Salmanasar rey kichin ri aj-Asiria, y ri Oseas y ri aj-Israel kan xech'akatej koma rije'. Y ri Oseas kan k'o chi nutoj chire ri rey aj-Asiria.

Ez 16:28

Chuqa' man xaxe ta ri', rat xa kan xasuj-awi' chikiwech ri aj-Asiria richin xamakun kik'in y man xaruben ta k'a rik'in ri'.