Os 10:15 - Kaqchiquel Bible

¹⁵ Keri' k'a xtuben chiwe rix winaqi' ri ixk'o pa Betel, keri' xtuben chiwe roma ri nimalej imak. Ri rey richin Israel xa kan kamineq chik k'a toq xtiseqer-pe, ncha' ri Dios.

Os 10:15 ပူးပေါင်းရင်းမြစ်များ

Os 10:5

Ri winaqi' aj-Samaria xa kan xtikixibij-ki', roma ri ruwachibel ri alaj achij wákix ri xk'oje' pa Bet-aven. Kan xkebison k'a roma xa xtuk'uex-el chikiwech. Ri winaqi' y ri sacerdote kan xke'oq' k'a, roma xa xtik'is-el ronojel ri ruwaq'ijaj ri xk'oje' kik'in.

Os 10:7

Ri rey richin Samaria xa kan xtik'is k'a jumul. Xa kan xtuben k'a el achi'el ri woqoq pa ruwi' ri ya'.

Romanos 7:13

¿Xtinbij ta k'a chi ri utzilej pixa' nuk'en-pe kamik chuwe? Man keri' ta. Jak'a ri mak xukusaj ri utz richin xuk'en-pe ri kamik. Y rik'in ri' xuk'ut k'a chinuwech achike ri' ri mak. Keri' ri mak xukusaj ri pixa' richin niq'alajin chi ri mak kan itzel-wi.

Os 10:3

Rije' xtikibij k'a: Wakami xa maneq qa-rey, kere' xqak'uluwachij roma man xqanimaj ta rutzij ri Dios. Stape' k'o ta qa-rey, ¿achike ta k'a xtitikir xtuben ta pa qawi' rija'?, xkecha'.

Wuj Richin ri Isaías 16:14

Jak'a re wakami, ri Jehová nubij chi chupan-apo oxi' juna', ri runimirinen ri Moab kan xtiqasex ruwi'. Y stape' janila chi winaqi' ri ek'o chiri', xa kan e juba' ok ri xkek'oje' kan. Y ri xkek'oje' kan xa kan xtik'is ri kuchuq'a'. Y ri q'ij richin xtibanatej re' kan ja yan re wakami xtajlex-el, achi'el nrajlaj ruq'ij jun achin ri nisamej chi q'ij.

Os 10:14

Roma ri' ri winaqi' ri ek'o pa taq itinamit xa kan xtisach k'a kik'u'x. Ronojel ri jay richin tobel ri tz'apen-kij chi tz'aq xa xkewulex, achi'el xuben ri rey Salman chire ri tinamit Bet-arbel chupan ri labal, toq ri teja' xekamisex junan kik'in ri taq kal.

Os 11:1

Ri Dios nubij: Toq ri winaqi' israelita k'a juba' kek'iy-q'anej, yin kan janila xenwajo'. Keri', kan k'a pan Egipto xenwoyoj-wi ri e achi'el nuk'ajol.