Os 10:13 - Kaqchiquel Bible

¹³ Jak'a rix xa kan ja ri etzelal ri itikon-qa. Kan man jun ruchojmilal ri niwachij, kere' nik'uluwachij roma xa xikuquba' ik'u'x kik'in carruaje richin labal y kik'in ri janila chi aj-labal.

Os 10:13 ပူးပေါင်းရင်းမြစ်များ

Wuj Richin ri Achin Job 4:8

Roma ri nutz'eton chupan ri nuk'aslen yin, chi ja ri yetiko etzelal y ri yetiko oyowal, jari' ri nibanon chike chi k'o nikik'uluwachij.

Wuj Richin Bix Chire ri Dios 33:16

Ri rey man ronojel ta mul yech'akon, stape' ek'o e k'iy aj-labal kik'in. Jun aj-labal man nich'akon ta xa roma janila ruchuq'a'.

Wuj Richin Bix Chire ri Dios 52:7

Titzu' ri xuk'uluwachij ri wineq ri man xukuquba' ta ruk'u'x rik'in ri Dios. Xa kan rik'in k'a ri rubeyomel ri xukuquba-wi ruk'u'x. y jantape' xk'oje' chupan ri rumak.

Wuj Richin Bix Chire ri Dios 62:10

Man tikuquba' ik'u'x rik'in ri banoj kamik, ni man ninimirisaj-iwi' roma ri iweleq'. Wi nik'iyer-q'anej ri ibeyomel, man tikuquba' ik'u'x rik'in.

Wuj Richin Etamabel-Tzij 1:31

Rix xa kan xtik'ul yan k'a ri ruk'amon chi nik'ul roma ri itzel ibanobal, y roma kan janila k'iy ruk'exel ri itzel pixabanik ri xtik'ul, kan xtik'o ik'u'x chire.

Wuj Richin Etamabel-Tzij 12:19

Ri ch'abel ri yerubij jun wineq ri xaxe ri qitzij ri nubij, kan yeyaloj k'a; jak'a ri ch'abel ri yerubij jun wineq ri xa tz'ukuy-tzij, xaxe ok richin jun ti ramaj.

Wuj Richin Etamabel-Tzij 13:2

Toq niwachin jebel ri kich'abel ri choj kik'aslen, jari' nok achi'el kiway; jak'a ri winaqi' ri kan nikiq'ej ri kitzij, ri nok achi'el kiway ja ri oyowal.

Wuj Richin Etamabel-Tzij 19:5

Jun wineq ri xa nutz'uk ri banobel ri yeruq'alajirisaj chirij jun wineq, xa xtiqaqa ruk'ayewal pa ruwi'; y kan qitzij wi chi ri wineq ri nitz'ukun-tzij, man xtikolotej ta el.

Wuj Richin Etamabel-Tzij 22:8

Ri wineq ri nutik etzelal, kan etzelal chuqa' ri xtuk'ul ri chuwech-apo; y kan achi'el ri rukowil ronojel ri ch'abel ri yerubij, kan keri' chuqa' ri xtiqaqa pa ruwi' rija'.

Wuj Richin ri Molojri'il 9:11

Chuwech re ruwach'ulew kan k'o chik k'a ri xinwetamaj: Chi toq niban jun anin, man xaxe ta ri jun ri más anineq nanin ri nich'akon. Chuqa' toq k'o jun labal man xaxe ta ri aj-labal ri kan ik'owineq kuchuq'a' ri xkech'akon; ri nitij q'ij-q'ij man xaxe ta kichin ri achi'a' aj-na'oj; ni ri beyomel man xaxe ta kichin ri etamanela', y chuqa' man ronojel ta ri rutzil xaxe ta kichin ri jebel yech'obon, roma xa qonojel roj niqil ronojel re'.

Wuj Richin ri Isaías 17:11

Chupan k'a ri q'ij toq rix niben-qa ri itiko'n, kan nichajij. Niben chire chi ri jun chik q'ij nik'iy-pe. Man rik'in ri' ri iqejoj ri' man jun xtuq'ajuj, roma xtipe itzel yabil chiwij, y kan man jun chik raq'omal. Ri winaqi' israelita nikibixaj:

Os 11:12

Rije' xa kan xaxe k'a tz'ukuj-tzij nikiben chuwech. Kan ruyon k'a q'oloj nikiben. Ri aj-Judá kan kich'aron k'a kan ki' chire ri Dios. Wakami xa jak'a ri wachibel ri xkitzeqelibej.

Os 4:2

Ri Dios nubij: Xa kan ruyon k'a tz'ukuj taq tzij k'o chikikojol, xaxe yekamisan, ye'eleq', nikibanala' ixoqinik y ch'aqa' chik itzel taq banobel. Kan jantape' k'a chi kamik nibanatej chupan ri ruwach'ulew Israel.

Os 4:8

Rik'in k'a ri sipanik ri nuya' ri tinamit richin nikuyutej kimak, rik'in ri' e k'es-wi. Roma ri' rije' kan nikirayij chi ri nutinamit nimakun ta más.

Os 7:3

Rik'in k'a ri itzel taq kibanobal nikiya' kikoten chire ri ki-rey. Ri e tata'al kan yekikot k'a rik'in ri tz'ukuj-tzij ri nikiben ri winaqi'.

Os 8:7

Ri israelita xkitik k'a kaq'iq'; xtikiwachij k'a surkum. Man jun k'a ruwech tiko'n xtikik'ol chire ri ruwi' trigo, kan man xtiban ta k'a k'ej; y wi ta xtiban ri k'ej, xa winaqi' e aj juk'an chik xketijo-el.

1 Sam 24:14

¿Achike k'a atzeqeliben rat rey richin Israel? ¿Achike ri awojqan? ¡Yin xa maneq wejqalen! Yin xa in achi'el jun kamineq tz'i' o xa in achi'el jun ti k'eq.