Wuj Richin ri Q'axanri'il 7:88 - Kaqchiquel Bible

⁸⁸ Ri kajlabal ri chikopi' richin ri sipanik richin nuq'alajirisaj chi junan kiwech rik'in ri Dios, e juwineq kaji' bóyix, e oxk'al achija' taq karne'l, e oxk'al achija' taq tzuntzun y e oxk'al nima-alaj achija' taq karne'l ri k'o jujun kijuna'. Jare' ri kisipanik ri xkisuj pa ruwi' ri porobel. Ronojel re' xbanatej toq xya'ox yan aceite pa ruwi' re porobel re' richin xjach pa ruq'a' ri Dios.

Wuj Richin ri Q'axanri'il 7:88 ပူးပေါင်းရင်းမြစ်များ

Wuj Richin ri Chojmirisabelri'il 3:9

Ri rajaw ri chikop richin ri sipanik richin nijunamatej-ruwech wik'in, k'o chi nusuj chinuwech jun sipanik ri niporox: Nusuj ri chijun ri ruq'anal, chijun ri rujey ri qupin-pe chunaqaj ri che'el-rij, ri q'en ri k'o chirij ri rixkolob y chuqa' ri k'o chirij ri rupan,

Wuj Richin ri Q'axanri'il 7:1

Toq ri Moisés xtane' chubanik ri rachoch ri Dios ri xban rik'in tzieq, xuchikaj juba' aceite chirij richin xujech pa ruq'a' ri Dios. Keri' chuqa' xuya' aceite pa ruwi' ri porobel y chuqa' pa ruwi' ronojel ri samajibel richin ri jay ri'.

Wuj Richin ri Q'axanri'il 7:10

Toq xya'ox aceite chirij ri porobel richin xjach pa rusamaj ri Dios, jari' toq ri aj-raqen pa kiwi' ri kablajuj tzobaj xkik'amala-pe ch'aqa' chik sipanik y xkiya' k'a apo chuwech ri porobel ri'.

Wuj Richin ri Q'axanri'il 7:84

Ja sipanik re' ri xkiya' ri e aj-raqen richin ri tinamit Israel, sipanik ri xkiya-apo ri q'ij toq xya'ox aceite pa ruwi' ri porobel richin xjach chire ri Dios: Kablajuj leq e banon rik'in saqipueq y kablajuj k'ojelibel richin kik' ri e banon rik'in saqipueq. Y yepajon oxk'al libra; y kablajuj k'ojelibel richin pom ri e banon rik'in q'anapueq ri yepajon oxi' libra. Y re' xe'etex rik'in ri etabel ri k'o chupan ri rachoch ri Dios.

Wuj Richin ri Q'axanri'il 7:87

Ri kajlabal ri chikopi' richin sipanik ri yeporox chijun, e kablajuj nima-alaj achija' taq wákix, e kablajuj achija' taq karne'l, e kablajuj nima-achija' taq karne'l ri jun kijuna', kachibilan ri k'ej chayun xolon aceite rik'in. Chuqa' xkiya-apo e kablajuj achija' taq tzuntzun richin ri kamelabel richin ri kuyubel-mak.