Wuj Richin ri Q'axanri'il 6:27 - Kaqchiquel Bible

²⁷ Y ri Dios xubij chik: Keri' rije' xtikinataj ri nubi' pa ruwi' ri nutinamit Israel y yin kan xtinya' ri urtisanik pa kiwi', xcha'.

Wuj Richin ri Q'axanri'il 6:27 ပူးပေါင်းရင်းမြစ်များ

Wuj Richin ri Rutikeribel 32:26

y xeri' ri achin xubij: Taya-el q'ij chuwe richin yibe, roma niseqer yan pe, xcha'. Jak'a ri Jacob xubij chire: Man xkatinya' ta el k'a toq in awurtisan chik kan, xcha'.

Wuj Richin ri Rutikeribel 32:29

K'ari' ri Jacob xuk'utuj y xubij chire: Taq'alajirisaj ri abi' chinuwech, xcha'. Y ri achin xubij: ¿Achike roma nak'utuj nubi'?, xcha'. Xeri' ri achin xrurtisaj kan ri Jacob ri chiri'.

2 Sam 7:23

Chuqa' kan man jun chik k'o ri achi'el ta roj ri atinamit Israel, roma kan ja rat ri xakolon-pe kichin ri qati't-qamama' chiri' pan Egipto richin xojok atinamit. Chuqa' kan xaben chi xnimer aq'ij toq xe'aben ri nimalej taq banobel ri kan nak'en rukiy richin chi xe'awelesaj-el ri winaqi' aj wawe' junan kik'in ri ki-dios, chikiwech ri qati't-qamama' toq xe'oqaqa re wawe'.

1 Crón 4:10

Ri Jabés kan xch'on rik'in ri Dios richin ri ruwach'ulew Israel, y xubij: Nink'utuj jun utzil chawe chi taya' urtisanik pa nuwi', y taya' jun nimalej ruwach'ulew chuwe, y xkinato' y xkinakol chuwech ri etzelal, richin keri' man nintej ta poqon, xcha'. Y ri Dios kan xrak'axaj ri ruk'utunik ri xuben.

2 Crón 7:14

Jak'a wi rix ri kan ik'uan ri nubi', kan xtiqasaj-iwi' chinuwech y xkixch'on wik'in y xkinikanoj y man niben ta chik itzel, yin kan xkixinwak'axaj k'a ri chila' chikaj, y kan xtinkuy ri imak y xtinkol ri iwulew.

Wuj Richin Bix Chire ri Dios 5:12

Roma rat Jehová, nawurtisaj ri choj ruk'aslen, ri awutzil nusutij-rij achi'el jun tobel.

Wuj Richin Bix Chire ri Dios 67:7

Nimalej Dios kan qojawurtisaj k'a, konojel k'a winaqi' richin chijun ruwach'ulew tikiya' aq'ij.

Ex 6:3

Jak'a yin ri' ri xink'ut-wi' chuwech ri Abraham, ri Isaac y ri Jacob, y xink'ut-wi' chikiwech achi'el RI DIOS RI NITIKIR NUBEN RONOJEL; y man jun bey xketamaj ta nuwech rik'in ri nubi' Jehová.

Wuj Richin ri Isaías 43:7

Kixanpe chi'iwonojel rix ri ik'uan ri nubi' yin, roma ja yin xik'iytisan iwichin, y yin xibanon iwichin, richin rix niya' nuq'ij yin.

Wuj Richin ri Jeremías 14:9

¿Achike roma naben achi'el jun achin ri sachineq ruk'u'x, achi'el jun aj-labal y xa man nitikir ta nuto' ri'? Jehová rat kan atk'o pa qanik'ajal roj y konojel kan ketaman chi roj oj atinamit. Roma ri' man k'a qojamalij kan, xecha'.

Wuj Richin ri Q'axanri'il 23:20

Yin kan nuk'ulun-wi-pe ch'abel richin chi ninya' urtisanik pa kiwi'. Ri Dios kan ruya'on-wi-pe urtisanik y yin man yitikir ta ninq'et.

San Mateo 28:19

Roma ri' re wakami kan ninbij-wi chiwe chi kixbiyin k'a ronojel ruwach'ulew y tibana' chi ri winaqi' ye'ok ta tzeqelibey wichin. Tiqasaj ya' pa kiwi' pa rubi' ri Dios Tata'ixel, pa nubi' yin ri K'ajolaxel y pa rubi' ri Loq'olej Espíritu.

Efesios 1:3

Tiqaya' k'a ruq'ij ri Dios rutata' ri qajaw Jesucristo. Y roma jun qabanon rik'in ri Cristo, ri Dios nuya' ronojel utzil richin chila' chikaj chiqe.

Deut 28:10

K'ari' ri tinamit richin chijun ruwach'ulew xtiketamaj chi rix kan ix richin ri Jehová y xtikixibij-ki' chiwech.