Wuj Richin ri Q'axanri'il 6:18 - Kaqchiquel Bible

¹⁸ Y k'ari' ri wineq ri' nusokaj-el ri rusumal-ruwi' ri chiri' akuchi niban-wi oken chupan ri wachoch y nuk'uaj-apo ri rusumal-ruwi' ri rujachon chuwe yin, k'a chupan ri q'aq' ri k'o chuxe' ri sipanik ri nuq'alajirisaj chi junan ruwech wik'in.

Wuj Richin ri Q'axanri'il 6:18 ပူးပေါင်းရင်းမြစ်များ

Hechos 21:24

Ke'ak'uaj k'a el, tich'ajch'ojirisaj-iwi' kik'in y tiya' chire ri Dios ri nubij ri pixa'. Y ja rat kaloq'o ronojel ri nik'atzin. K'ari' rije' xtikijuk'-el ri rusumal taq kiwi'. Wi rat xtaben ronojel ri xqabij chawe, ri qawinaq xtiketamaj k'a chi xa man qitzij ta ri nitzijox chawij; xa xtikibij k'a chi kan at nimanel-wi richin ri pixa'.

Wuj Richin ri Q'axanri'il 6:9

Wi k'o ta jun niken chaq k'ate' chunaqaj rija', kan nuben chire ri rusumal-ruwi' chi man ch'ajch'oj ta chik chinuwech yin. Y rija' chuqa' man ch'ajch'oj ta, roma ri rusumal-ruwi' jari' ri retal chi rujachon-ri' chuwe yin. K'o k'a chi nroyobej wuqu' q'ij richin nich'ajch'ojir. K'ari' chupan ri ruk'isibel q'ij nusokaj-el ri rusumal-ruwi'.

Hechos 18:18

Ri Pablo k'iy k'a q'ij ri xk'oje' na qa ri chiri' kik'in ri qach'alal pa Corinto. Y toq ch'owineq chik kan chike ri qach'alal, xbe richin niberuchapa-pe jun barco richin nibe k'a pa ruwach'ulew Siria. Y e rachibilan k'a el ri Priscila y ri Áquila. Ri Pablo k'o ri rusujun chire ri Dios. Roma ri' toq xe'apon pa Cencreas, ri tinamit ri k'o chi ye'ok-el pa barco, ri Pablo xujuk'-el ri rusumal taq ruwi', richin retal chi rija' xuk'is yan pa ruwi' ri rusujun chire ri Dios chi nuben.

Efesios 1:6

Tiqaya' ruq'ij-ruk'ojlen ri Dios roma ri utzil ri qak'ulun rik'in, roma ri ruk'ajol, ri kan janila wi nrajo'.

Hechos 21:26

Pa ruka'n q'ij ri Pablo xeruk'uaj k'a el ri kaji' achi'a' ri' y xebe pa rachoch ri Dios, richin nikichop-el q'ij richin ri kich'ajch'ojirisanik, y xbekibij kan jampe' xtitz'aqet ri q'ij richin ri ch'ajch'ojirisanik ri', roma chikijujunal xtikiya' chire ri Dios ri nik'atzin chi nikiya'.

San Lucas 17:10

Xa kan keri' chuqa' rix toq ibanon chik ri samaj ri rubin ri Dios chiwe, tibij: Roj oj samajela' ri man jun ok yojk'atzin-wi. Roma xaxe ok ri bin chiqe, xaxe ri' ri xqaben, kixcha', xcha' ri Jesús chike ri rutijoxela'.

Wuj Richin ri Q'axanri'il 6:5

Ronojel ri q'ij ri rujachon-ri' chuwe yin, man nusokaj ta ri rusumal-ruwi', jak'a nuya' q'ij richin nik'iy-qa, roma rija' kan rujachon-ri' chuwe yin. Kan k'o chi nibiyin pa ruchojmilal chinuwech k'a toq nik'is na ri q'ij ri rubin.

Hechos 21:23

Más k'a utz tabana' re xtiqabij chawe: Ek'o k'a kaji' qach'alal achi'a' ri k'o kisujun chire ri Dios ri k'o chi nikiben.

Wuj Richin ri Q'axanri'il 6:17

Chirij re' nusuj-apo ri achij karne'l ri niq'alajirisan chi ri wineq ri' junan ruwech wik'in. Chuqa' ri sacerdote nusuj-apo ri chakech ri k'o kaxlan-wey chupan y ri sipanik richin jalajoj ruwech ixin y chuqa' ri vino.