Wuj Richin ri Q'axanri'il 4:25 - Kaqchiquel Bible

²⁵ Ja rije' k'a xke'uk'uan ri nima'q taq peraj tzieq ri richin ruxe' ri wachoch richin molojri'il, ri peraj tzieq ri nitz'apen ri ruwi', ri nima'q taq peraj tz'um ri nibe chuqa' pa ruwi' y ri peraj tzieq richin ri ruchi' ri wachoch.

Wuj Richin ri Q'axanri'il 4:25 ပူးပေါင်းရင်းမြစ်များ

Ex 26:1

Ri wachoch xtikiben k'a rik'in lajuj peraj kemon tzieq. Ri peraj tzieq ri' xkeban k'a rik'in ri betz' lino ri jebel rubatz'ixik, ri raxroj, ri q'eqq'oj-keq y keq yetzu'un. Y chuwech k'a ri' xtitz'is kiwachibel querubín y kan jebejoj ok rutz'isik xtiban chike.

Ex 26:14

Y chuqa' xtaben chi keban ka'i' chik nimalej kuchubel-ruwi' ri wachoch; ri jun xtiban rik'in rusale'y achij karne'l ri kaqarisan rik'in aq'om, y ri jun chik xtiban rik'in kisale'y chikopi' ri nibix tejón chike.

Ex 40:19

K'ari' xrik'-q'anej ri tzieq kuchubel-ruwi' ri rachoch ri Dios y pa ruwi' chik ri' xrik'-q'anej nima'q taq peraj sale'y, achi'el rubin ri Jehová chire ri Moisés.

Wuj Richin ri Q'axanri'il 1:50

Roma ri levita jari' ri xkebesamej chupan ri wachoch richin ri nujikibel-tzij y xkek'oje' chuqa' pa ruwi' ri samajibel y ronojel ri ch'aqa' chik ri ek'o chiri'. Ja chuqa' rije' ri xke'uk'uan ri wachoch banon rik'in tzieq y ronojel ri k'o chupan, toq k'o chi nuk'uex-el juk'an chik. Kan ja wi k'a rije' ri e aj samaj ri pa wachoch y ri kachoch rije' kan chunaqaj ok ri wachoch yin xkekipabala-wi.

Wuj Richin ri Q'axanri'il 4:24

Ri kisamaj k'a rije' ja ri nikik'uaj ejqa'n richin ri wachoch.

Wuj Richin ri Q'axanri'il 4:6

Y k'ari' nikiya' chik el jun sale'y chirij ri kan jebejoj ok rubanik y pa ruwi' chik ri' nikirik' chik el jun raxroj tzieq y k'ari' nikiju-el ri che' pa taq ruxikin richin chi utz nuk'uex.