Wuj Richin ri Q'axanri'il 4:12 - Kaqchiquel Bible

¹² Y richin chi nuk'uex-el ri samajibel ri yek'atzin chupan ri wachoch yin, k'o chi yepis chupan jun raxroj tzieq y k'ari' nipis-el rik'in jun sale'y ri jebejoj rubanik y nikiya-el chuwech jun nim ruwech tz'alem richin chi utz nuk'uex-el.

Wuj Richin ri Q'axanri'il 4:12 ပူးပေါင်းရင်းမြစ်များ

1 Crón 9:29

Y ri ch'aqa' chik, yekichajij ch'aqa' chik samajibel ri e jachon chire ri Dios, y man xaxe ta ri'; chuqa' nikiyek ri k'ej, ri vino, ri aceite, ri pom y ri jalajoj ruwech jubulej taq aq'om.

2 Crón 4:19

Chuqa' ri Salomón xuteq rubanik ch'aqa' chik samajibel ri yek'atzin chupan ri rachoch ri Jehová, y ronojel re' xeban rik'in q'anapueq: Ri nimalej porobel-pom y ri kokoj porobel-pom, ri mesa ri niya'ox ri kaxlan-wey pa ruwi' ri nisuj chire ri Dios, ri candelabro ri nibe aceite chupan junan rik'in ri taq ki-lámpara ri xeruya' chuwech ri akuchi nik'oje-wi ri Jehová, richin nitzij achi'el ri pixa' richin chojmirisabel ri ruya'on kan ri Dios, ri taq ruwachibel kotz'i'j, ri ch'aqa' chik lámpara, ri chapbel-q'aq', ri chupbel kiq'aq'al ri lámpara, ri nima'q taq leq, ri cuchara, ri ruchi' ri akuchi niban-wi oken chupan ri rachoch ri Jehová, ri ruchi' ri akuchi nik'oje-wi ri Jehová y ri jun chik ruchi' ri k'o chupan ri rachoch ri Dios.

2 Crón 4:11

Ri Huram xk'achoj k'a chubanik ronojel ri samajibel richin ri rachoch ri Jehová achi'el ri xbix chire roma ri rey Salomón: Ri jalajoj kiwech bojo'y, ri cuchara, ri chapbel-ti'ij y ri nima'q taq leq, ri ka'i' pilar y ri ka'i' retz'aba'l ruwi' ri kan seteseq kibanik, ri achi'el ya'l pa ruwi' ri retz'aba'l, ri e 400 ruwachibel granada ri ka'i' cholaj rubanon richin xutz'apej ruwi' ri ka'i' retz'aba'l ri seteseq kibanik ri ruwi' ri pilar, ri carretón richin ruch'okolibal ri kokoj yakbel taq ya', ri nimalej yakbel-ya' y ri kablajuj kiwachibel bóyix ri yetemen richin. Ronojel samajibel re' xuchilabej ri rey Salomón chire ri Huram richin ri rachoch ri Jehová. Ronojel re' rik'in q'enq'oj-pueq xban-wi y kan yerepelun k'a.

Wuj Richin ri Q'axanri'il 4:9

Rik'in jun raxroj tzieq nikitz'apej-el-rij ri candelabro, ri taq candil ri yetz'uye' pa ruwi', ri chojmirisabel ri taq kiq'aq'al, ri k'ulbel-chaj y ri yakbel aceite.

Wuj Richin ri Q'axanri'il 4:7

Richin chi nuk'uex ri mesa ri nik'oje' ri kaxlan-wey pa ruwi' ri nisuj chuwe yin, nabey nirik' jun tzieq pa ruwi' y k'ari' nikiya-el ri leq, ri pajbel, ri bojo'y, ri xára y ri kaxlan-wey ri kan jantape' k'o pa ruwi' ri mesa ri'.

Wuj Richin ri Q'axanri'il 3:8

Keri' rije' xkekisamajij ri ch'aqa' chik y xkek'oje' pa kiwi' ri samajibel ri k'o pa wachoch richin molojri'il.

Ex 31:10

Xtikiben chuqa' ri kemon tzieq ri xtukusaj ri Aarón y ri tzieq ri xkekikusaj ri e ruk'ajol, ri xtik'atzin chike toq nikiben ri samaj richin sacerdote.

Ex 25:9

Y ri rubanik ri xtikiben chire, kan achi'el ri rubanik ri xtink'ut yin chawech. Keri' chuqa' rubanik xtikiben chire ronojel ri xkebek'atzin chupan ri wachoch, richin niya' nuq'ij.

Ex 25:5

chuqa' rusale'y karne'l aq'oman rik'in keq, ri kisale'y ri chikopi' ri nibix tejón chike y che' acacia.

Wuj Richin ri Q'axanri'il 4:6

Y k'ari' nikiya' chik el jun sale'y chirij ri kan jebejoj ok rubanik y pa ruwi' chik ri' nikirik' chik el jun raxroj tzieq y k'ari' nikiju-el ri che' pa taq ruxikin richin chi utz nuk'uex.

Wuj Richin ri Q'axanri'il 4:11

Y richin nuk'uex-el ri porobel-pom ri banon rik'in q'anapueq, nikiya' k'a el jun raxroj tzieq pa ruwi' y chirij chik ri' nikiya' chik el jun sale'y jebejoj rubanik. Y k'ari' nikiju-el ri che' pa taq ruxikin richin chi utz nuk'uex-el.

Wuj Richin ri Q'axanri'il 4:13

Richin chi nuk'uex-el ri porobel richin ri kamelabel, rije' nikelesaj k'a kan ri chaj chupan y k'ari' nikitz'apej-el-rij rik'in jun raxroj tzieq.

1 Crón 9:28

Ek'o chike rije' ya'on kan ri samajibel pa kiq'a' ri yekusex toq yesamajin chupan ri rachoch ri Dios; y k'o chi yekelesaj-pe y yekiyek y yekajlaj kan.