Wuj Richin ri Q'axanri'il 36:6 - Kaqchiquel Bible

⁶ Jare' ri rubin ri Jehová chike ri rumi'al ri Selofhad: Kan xkek'ule-wi, jak'a kik'in ri aj pa kachoch kan ri e tzobaj richin kan Manasés.

Wuj Richin ri Q'axanri'il 36:6 ပူးပေါင်းရင်းမြစ်များ

Wuj Richin ri Q'axanri'il 36:12

Y xek'ule' k'a kik'in ri aj pa rachoch ri e rijatzul kan ri Manasés, ri ruk'ajol kan ri José. Y ri ulew ri xkichinaj rije' xok kan kichin ri tzobaj Manasés.

2 Corintios 6:14

Rix man tijunamatej-iwech kik'in ri winaqi' ri man kikuquban ta kik'u'x rik'in ri Cristo. Roma xa kan man nuk'uaj ta ri' jun k'aslen choj rik'in jun ri xa man choj ta. Ri nibiyin pa saqil man nitikir ta nibiyin rik'in jun ri nibiyin pa q'equ'm.

Wuj Richin ri Rutikeribel 24:3

richin chi naya' atzij chuwe yin y chuwech ri Jehová ri Dios, ri rajaw ri kaj, y ri rajaw re ruwach'ulew, richin chi man taya' q'ij chi ri nuk'ajol Isaac nik'ule' ta rik'in jun xten aj wawe' pa Canaán.

Wuj Richin ri Q'axanri'il 27:7

Ri e rumi'al ri Selofhad kan pa ruchojmilal-wi ri nikibij. Y kan qitzij wi chi k'o chi nikichinaj kan jun ulew junan kik'in ri e rach'alal kan ri kitata'. Kan chike k'a rije' naya-wi ri ulew ri xrichinaj ta ri kitata'.

Wuj Richin ri Q'axanri'il 36:5

K'ari' ri Jehová xch'on rik'in ri Moisés y rija' xuteq rubixik chike ri ruwinaq israelita chi ri tzobaj richin ri Manasés kan pa ruchojmilal-wi ri yech'on. Y rija' xubij:

1 Crón 23:22

Ri Eleazar xken y man jun ruk'ajol xk'oje'. Xaxe xek'oje' rumi'al, y xek'ule' kik'in ri kach'alal, ri e ruk'ajol ri kich'utitata' rubini'an Cis.