Wuj Richin ri Q'axanri'il 36:4 - Kaqchiquel Bible

⁴ Y pa ruwi' ri', toq napon ri juna' richin nitzolix ronojel, ri ulew ri kichinan kan ri xtani' xtelesex chuwi-kiq'a' ri kachijil; y keri' ri kulew rije' xtelesex kan chire ri tzobaj richin ri kitata', xecha'.

Wuj Richin ri Q'axanri'il 36:4 ပူးပေါင်းရင်းမြစ်များ

Wuj Richin ri Isaías 61:2

Xiruteq-pe richin ninq'alajirisaj ri juna' richin ri rutzil ri Jehová, ri q'ij toq rija' xtuya' ruk'exel chike ri e etzelanel richin. Xiruteq-pe richin ninkuquba' kik'u'x ri ek'o pa bis.

Wuj Richin ri Chojmirisabelri'il 25:23

Man k'a tik'ayij ri iwulew richin q'asen, roma ri ulew ri akuchi ixk'o-wi kan wichin yin, roma rix xa ix q'axel y man ja ta rix ri ix rajaw.

Wuj Richin ri Q'axanri'il 36:3

Jak'a wi rije' yek'ule-el kik'in jun chik tzobaj winaqi' israelita, ri ruwach'ulew ri kik'ulman kan nelesex kan chuwi-kiq'a' rije' y niya'ox kan chire ri tzobaj kichin ri kachijil. Keri' xtelesex kan juba' chire ri ronojel ri qichinan kan roj.

Wuj Richin ri Q'axanri'il 36:5

K'ari' ri Jehová xch'on rik'in ri Moisés y rija' xuteq rubixik chike ri ruwinaq israelita chi ri tzobaj richin ri Manasés kan pa ruchojmilal-wi ri yech'on. Y rija' xubij:

Wuj Richin ri Chojmirisabelri'il 25:8

Xtiwajlaj k'a wuqu' mul ri wuqu' juna': Y re' kan xtiberuya' k'a kawineq beleje' juna'.