Wuj Richin ri Q'axanri'il 35:33 - Kaqchiquel Bible

³³ Y man tiben chire ri itinamit ri akuchi yixbek'oje-wi richin nok man ch'ajch'oj ta roma ri kamik ri xiben, roma ri kik' nuben chi ri ruwach'ulew nok man ch'ajch'oj ta. Y ri ruwach'ulew xtok ch'ajch'oj k'a toq xtiken na ri kamisanel.

Wuj Richin ri Q'axanri'il 35:33 ပူးပေါင်းရင်းမြစ်များ

Wuj Richin Bix Chire ri Dios 106:38

Xekikamisaj k'a ri kalk'ual ri xa man jun kimak. Xekisuj k'a chikiwech ri wachibel ri e kibanon ri aj-Canaán. Y roma ri' xkitz'ilobisaj k'a ri ruwach'ulew ri' rik'in ri kik'.

Wuj Richin ri Miqueas 4:11

Y toq xtapon ri q'ij ri', xa xtikimol-ki' e k'iy winaqi' richin xkeyakatej chiwij. Y rije' xtikibij: Jare' ri qarayibel pa ruwi' ri tinamit Sión. Kan xtiqasex k'a ruq'ij, xkecha'.

Wuj Richin ri Isaías 26:21

Roma ri Jehová kan xtel-pe chiri' ri akuchi k'o-wi, richin chi nuya' ri ruk'ayewal pa kiwi' ri winaqi', roma ri kimak ri xkiben chuwech rija'. Y ri ruwach'ulew kan man xtrewaj ta chik jun kamik, jak'a xa kan xtuk'ut ronojel kamik ri e banon chuwech rija'.

2 Rey 24:4

Y chuqa' rija' xuben chi xbiyin kikik'el ri winaqi' ri maneq kimak. Roma ri' ri Jehová man xukuy ta ri rumak.

2 Rey 23:26

Man rik'in ri', ri Jehová man xqaqa ta ruwi' ri royowal, roma kan k'a royowal na chike ri aj-Judá roma ronojel itzel ri xuben ri Manasés ri xuben chi xuyek royowal ri Jehová.

Wuj Richin ri Chojmirisabelri'il 18:25

Roma k'a ri itzel taq banobel ri xekiben, kan xok man ch'ajch'oj ta ri kiruwach'ulew, y yin kan xinya' k'a ri rutojbalil-mak pa kiwi'; y roma ri' xinben chire ri ruwach'ulew richin xek'is ri winaqi' chuwech.

Wuj Richin ri Rutikeribel 9:6

Jun wineq kan achi'el nubanik yin, y wi k'o ta jun xtikamisan jun wineq, ri xtibanon xa kan xtiqaqa chuqa' pa ruq'a' jun chik wineq.

Wuj Richin Bix Chire ri Dios 106:28

Ri israelita xa xkisamajij ri dios Baal-peor. Xkitej ri sipanik ri e sujun chik chikiwech ri dios ri maneq kik'aslen.

Deut 21:23

ri ruch'akul man tik'oje' kan chiri' chijun aq'a'. Xa kan timuq kan chupan ri q'ij ri', roma chuwech ri Dios kan itzel ruwa-ruq'ij ri nitzeqebex chuwech jun che' y nik'oje' kan jun aq'a' chiri'. Wi keri' xtiben, kan man xtitz'ilobisaj ta k'a ri ruwach'ulew ri xtuya' ri Jehová ri qa-Dios chiwe, richin niwichinaj.

Wuj Richin ri Rutikeribel 4:10

Y ri Jehová xubij chire: ¿Achike xaben? Roma ri rukik'el ri achaq' ri xbiyin chuwech re ruwach'ulew, achi'el xa ta nich'on-pe wik'in richin nuk'utuj rutojbalil pan awi'.

Wuj Richin ri Q'axanri'il 35:32

Chuqa' man tik'ul méro chuwi-ruq'a' ri animajineq-el chupan ri tinamit richin tobel richin nikolotej, roma rija' xtitzolej chirachoch k'a ja toq xtiken na ri nimalej sacerdote.

Deut 19:10

Richin keri' man chaq xtitix ta kik' chaq keri' chuwech ri ruwach'ulew ri xtiberuya' ri Jehová ri qa-Dios chiwe, y man xtiqaqa ta pan iwi' rix ri mak ri xtibanatej.

Wuj Kichin ri To'onela' 9:24

Kere' xbanatej richin rutojbalil ri kikamik ri e ralk'ual ri Jerubaal; ri kikik'el ri xbiyin kan xqaqa pa ruwi' ri Abimélec ri xkamisan kichin, y pa kiwi' chuqa' ri aj-Siquem ri xeya'on ruchuq'a' ri Abimélec.

1 Rey 2:31

K'ari' ri rey xubij: Tabana' k'a achi'el xubij rija' chawe. Takamisaj k'a y tamuqu' kan. Rik'in keri' man ja ta chik roj ri oj aj pa rachoch kan ri David, ri nata' ri xqojejqalen ri kikamik ri e ka'i' achi'a' ri xa maneq kimak, ri xerukamisaj ri Joab.

Wuj Richin ri Isaías 24:5

Ri ruwach'ulew kan xok man ch'ajch'oj ta roma rije' kan man xkitaqej ta ri pixa'. Kan man xkiben ta ri xbix chike, y kan xkiq'ej ruwi' ri jikibel-tzij richin ri Dios.

Wuj Richin ri Jeremías 16:18

Kan xtinben chike chi xtikitoj ka'i' mul ri itzel taq kibanobal y ri kimak, roma rije' xkitz'ilobisaj ri nuruwach'ulew. Y rije' xekitorij kan ri itzel taq wachibel ri nikiya' kiq'ij achi'el ri kaminaqi' ri man e muqun ta. Xkiben chire chijun ri ruwach'ulew ri xinya' chike richin xkichinaj kan chi man jun rejqalen, roma xkiben itzel taq banobel chuwech ri kan man utz ta nintz'et yin, xcha' chuwe.

Wuj Richin ri Jeremías 26:15

Jak'a rix tiwetamaj re': Wi yinikamisaj, ja rix xkixejqalen. Roma kan yinikamisaj y xa maneq numak, roma kan ja ri Jehová ri xitaqon-pe richin xinya' re jun rutzijol re' chiwe, xicha' chike.

Deut 19:13

Man tipoqonaj ruwech ri kamisanel, richin keri' man jun mak xtiqaqa pa ruwi' ri ruwach'ulew Israel, richin keri' ronojel utz xtel chiwech.

2 Sam 3:29

Y xubij chuqa': Ri Joab y ri e aj pa rachoch kan xtikejqalej k'a re mak re'. Kan jantape' ta k'a xtikiq'axaj yabil, sokotajik ri jantape' xtipujan, ruyabilal ri ch'akulaj, q'ajtajik, kamik rik'in espada o wayjal, xcha'.

2 Sam 21:9

Y re wuqu' re' xejach-el pa kiq'a' ri gabaonita, y rije' xekitzeqeba' chiri' pa jun juyu' chuwech ri Jehová. Keri' xeken ri e wuqu' e rijatzul kan ri Saúl. Re' xbanatej k'a pa nabey taq q'ij, toq xchap ri q'atoj richin cebada.

2 Crón 23:15

Xkichop k'a y xkikusaj-apo akuchi ye'el-ye'ok-wi ri kiej chiri' pa rachoch ri rey y chiri' xkikamisaj-wi kan.