Wuj Richin ri Q'axanri'il 35:32 - Kaqchiquel Bible

³² Chuqa' man tik'ul méro chuwi-ruq'a' ri animajineq-el chupan ri tinamit richin tobel richin nikolotej, roma rija' xtitzolej chirachoch k'a ja toq xtiken na ri nimalej sacerdote.

Wuj Richin ri Q'axanri'il 35:32 ပူးပေါင်းရင်းမြစ်များ

Apocalipsis 5:9

Y ri achi'a' ri' k'o jun k'ak'a' bix nikibixaj chire ri Karne'l. Y ri bix ri' nubij: Rat kan ruk'amon-wi richin xabek'ama-pe ri wuj, kan ruk'amon-wi chi ja rat yatelesan ri e tz'apeben-wi kan; roma rat kan xakamisex, kan rik'in ri akik'el xojakol qonojel richin xojok richin ri Dios. Xojakol stape' oj richin jalajoj ijatzul, ch'abel, tinamit y ri ruwach'ulew.

Gálatas 3:22

Jak'a ri ruch'abel ri Dios nubij chiqe chi kan qonojel roj winaqi' kan oj aj-maki-wi; richin keri' tiqetamaj chi k'o chi niqakuquba' qak'u'x rik'in ri Jesucristo richin niqak'ul ri rusujun kan ri Dios.

Gálatas 2:21

Yin man xtinwixowaj ta ri rutzil ri Dios, roma wi xaxe rik'in ri pixa' man jun qamak yojk'ulun chuwech ri Dios, ri Cristo man jun ta xk'atzin-wi chi xken.

Hechos 4:12

Y kan man jun chik k'a ri nilitej ta kolotajik rik'in. Roma chuwech re ruwach'ulew xa kan man jun chik ri ya'on ta pe chiqe roj winaqi' richin yojkolotej ta, xcha' ri Pedro.

Wuj Richin ri Q'axanri'il 35:31

Chuqa' man jun bey tik'ul méro chuwi-ruq'a' ri kamisanel richin nukol ruk'aslen, roma rija' k'o chi xtelesex-el ri ruk'aslen.

Wuj Richin ri Q'axanri'il 35:33

Y man tiben chire ri itinamit ri akuchi yixbek'oje-wi richin nok man ch'ajch'oj ta roma ri kamik ri xiben, roma ri kik' nuben chi ri ruwach'ulew nok man ch'ajch'oj ta. Y ri ruwach'ulew xtok ch'ajch'oj k'a toq xtiken na ri kamisanel.

2 Sam 21:4

Y ri gabaonita xkibij: Ni ri q'anapueq ni ri saqipueq man nuq'i' ta richin nutojbej ri ruk'ayewal ri xuben ri Saúl y ri aj pa rachoch chiqe, jak'a chuqa' man niqajo' ta chi niken jun chiwe rix, roma re' xa kan nik'o chik ruwi', xecha'. K'ari' ri David xubij chike chi ri xtikibij rije', jari' ri xtibanatej.