Wuj Richin ri Q'axanri'il 35:19 - Kaqchiquel Bible

¹⁹ Ri rach'alal ri k'o más naqaj chire ri xkamisex, jari' ri xtiya'on ruk'exel chire ri kamisanel. Toq xtril kan xtukamisaj k'a.

Wuj Richin ri Q'axanri'il 35:19 ပူးပေါင်းရင်းမြစ်များ

Wuj Richin ri Rutikeribel 4:14

Wakami xa nawelesaj ri uchuq'a' pa nuq'a' pa ruwi' ri ulew y yin k'o chi ninwewaj-el-wi' chawech y akuchi na xkibe-wi pa ruwi' ri ruwach'ulew, y xabachike k'a xkik'ulun xkirukamisaj kan, xcha'.

2 Sam 14:11

K'ari' ri ixoq xuk'utuj utzil chire chi tujikiba-rutzij chuwech ri Jehová chi wi k'o ta jun ri najowan nikamisan richin ri ral, kan tubana' chire chi man chik tuben keri'. Toq ri David xrak'axaj keri', kan xujikiba' k'a chuwech ri Jehová chi kan man jun rusumal-ruwi' ri ral, xtitzaq pan ulew.

2 Sam 14:7

Y wakami konojel ri qach'alal e yakatajineq chuwij, y nikibij chi tinjacha-el chike ri xkamisan ri rach'alal richin chi nikikamisaj. Re' xa roma k'a nikajo' chi nikik'en kan ri k'o chi nrichinaj kan ri wal ri k'es. Y wi xtikiben keri', kan xtikichup k'a qa ri ruk'isibel ruxaq-q'aq' ri k'a k'o kan wik'in, y keri' xtik'is-qa ri rijatzul ri wachijil y man jun xtinatan richin chuwech re ruwach'ulew, xcha'.

2 Sam 3:27

Y toq ri Abner xapon chik pan Hebrón, jari' toq ri Joab xuk'uaj-el chuchi' ri tinamit richin nitzijon rik'in pa ruyonil. Jari' toq xuchuq'ij chirupan. Y ri Abner xken kan chiri'. Y keri' ri Joab xuben ruk'exel chire roma xukamisaj ri Asael ri rach'alal.

2 Sam 3:30

Keri' xubij ri David roma ri Joab y ri Abisai xkikamisaj ri Abner, stape' ri Abner xa pan oyowal xukamisaj ri Asael ri kach'alal, ri chiri' pa Gabaón.

Wuj Richin ri Q'axanri'il 35:12

Y ja tinamit ri' richin tobel, ri akuchi xtuto-wi-ri' ri wineq, chuwech ri nrajo' nuben ruk'exel chire, chiri' k'a nik'oje-wi, k'a toq ri e aj-raqen richin ri tinamit xtikichojmirisaj ri kamik ri xuben.

Wuj Richin ri Q'axanri'il 35:20

Chuqa' wi k'o ta jun wineq nunim jun chik wineq, roma xa itzel nuna' chire, o wi k'o ta jun xuk'eq chirij y xa pa rubanik xuben chire y kan xken,

Wuj Richin ri Q'axanri'il 35:21

o wi xa k'o etzelanik chikikojol y xuya' q'a' chire, y wi re wineq re' kan xken, ri kamisanel ri' chuqa' xtikamisex, roma jun ach'alalri'il.

Wuj Richin ri Q'axanri'il 35:24

ri aj-raqen richin ri tinamit richin tobel, xtikiq'et-tzij pa ruwi' ri xbanon ri kamik. Y wi k'o ta jun rach'alal nrajo' nuya' ruk'exel, k'o chi nuben achi'el nuq'alajirisaj ri pixa'.

Wuj Richin ri Q'axanri'il 35:27

y ri niya'on ruk'exel chire ri kamisanel niberuk'ulu' ta pe ri kamisanel chirij-el ruk'ulba't ri tinamit ri', y ri banoy ruk'exel xtukamisaj k'a ri kamisanel, re' kan man jun xtiban chire.

Deut 19:12

K'ari' ri achi'a' ri k'o kiq'ij richin ri rutinamit xtikiteq ruk'amik chiri' chupan ri tobel. Xtijach-pe ri xbanon ri kamik pa kiq'a' ri rach'alal ri kamineq richin chi nikamisex chuqa' rija'.

Deut 19:6

Rik'in juba' k'o jun rach'alal ri xken ri nrajo' nuben ruk'exel chire, y nroqotaj rik'in janila royowal richin nukamisaj. Wi ta xaxe jun tinamit richin tobel k'o, y roma ri tinamit ri' kan janila nej k'o-wi, ri rach'alal ri xken kan xtuq'i' y xtukamisaj. Re' xa man ruk'amon ta richin nikamisex roma xa kan qitzij man jun rumak y chuqa' xa man jun bey xketzelaj ta ki'.

Wuj Richin ri Josúe 20:3

richin keri' chiri' nuto-wi-ri' ri wineq ri nukamisaj jun chik wineq ri xa man ruch'obon ta richin keri' nuben. Re tinamit re' kan xtik'atzin k'a richin tobel chuwech ri nich'ojin pa ruwi' ri wineq ri xken.

Wuj Richin ri Josúe 20:5

Wi k'o ta jun wineq ri nich'ojin pa ruwi' ri kamineq y rutzeqeliben-el ri xbanon ri kamik, kan man xtijach ta pe chire roma xa chaq k'ate' keri' xuben chire ri rachpochel y man roma ta k'ululanik xuben keri'.

Wuj Kichin ri To'onela' 8:19

Y rija' xubij chike: ¡Ri' kan e wach'alal, kan e ral wi ri nte'! Chuwech ri Jehová ninbij, wi rix man ta xe'ikamisaj, yin chuqa' man ta yixinkamisaj, xcha'.