Wuj Richin ri Q'axanri'il 35:1 - Kaqchiquel Bible

^1-2 Ri Jehová xuya' chik k'a re jun ruchojmilal re' chire ri Moisés richin nuq'axaj chike ri ruwinaq ri chiri' pa Moab, chunaqaj ri raqen-ya' Jordán chuwech-pe ri Jericó y xubij: Rix kan k'o chi niya' kan juba' kulew ri e levita richin nikiben-q'anej kokoj taq kitinamit, y chuqa' juba' kulew richin nikiyuq'uj ri kawej ri ek'o chuchi' ri kitinamit. Y ri ulew ri' chikikojol ri kiruwach'ulew ri e kablajuj tzobaj winaqi'.

Wuj Richin ri Q'axanri'il 35:1 ပူးပေါင်းရင်းမြစ်များ

Wuj Richin ri Q'axanri'il 22:1

Chirij re', ri israelita xe'el-el chiri' y xebek'oje' ri chiri' pa taq'aj richin ri Moab, ri k'o pa relebel-q'ij chire ri raqen-ya' Jordán, chuwech-apo ri tinamit Jericó.

Wuj Richin ri Q'axanri'il 36:13

Jare' ri ruchojmilal ri xuya' ri Jehová chire ri Moisés, richin tubij chike ri ruwinaq pa taq'aj richin ri Moab chuchi' ri raqen-ya' Jordán chuwech-pe ri tinamit Jericó.

Wuj Richin ri Q'axanri'il 33:50

Ri Jehová xch'on chik rik'in ri Moisés pa taq taq'aj richin Moab, chuchi' ri raqen-ya' Jordán chuwech-apo ri tinamit Jericó y xubij chire:

Wuj Richin ri Q'axanri'il 31:12

Xekik'en-pe chikiwech ri Moisés y ri sacerdote Eleazar y chuqa' chikiwech ri kiwinaq israelita ri akuchi ek'o-wi-qa pa taq'aj richin ri Moab ri k'o chuchi' ri raqen-ya' Jordán ri k'o chuwech-apo ri Jericó.

Wuj Richin ri Q'axanri'il 26:63

Ri Moisés y ri sacerdote Eleazar, xekajlaj k'a konojel ri e rijatzul kan Israel ri chiri' pa taq'aj richin ri ruwach'ulew Moab, chunaqaj ri raqen-ya' Jordán, chuwech-apo ri Jericó.

Wuj Richin ri Chojmirisabelri'il 25:32

Jak'a wi ta jun levita nuk'ayij ri ruxoral ri k'o rachoch chupan, ri k'o pa kitinamit levita richin q'asen, k'o ruq'a' chire richin xabachike q'ij nukol chik kan jun bey.

Wuj Richin ri Q'axanri'il 26:3

Y ri Moisés y ri sacerdote Eleazar kan xech'on-wi kik'in ri kiwinaq ri chiri' pa taq'aj richin ri Moab, ri k'o chunaqaj ri raqen-ya' Jordán, chuwech-apo ri tinamit Jericó y xkibij k'a chike:

Wuj Richin ri Q'axanri'il 34:29

Jare' k'a ruchojmilal ri xuya-pe ri Jehová richin nich'ar ri ruwach'ulew toq xtikichinaj kan ri israelita pa ruwach'ulew Canaán.

Wuj Richin ri Josúe 14:5

Keri' xkiben ri israelita richin xkijech ri ruwach'ulew Canaán chikiwech rije', achi'el ri rubin ri Jehová chire ri Moisés.

Wuj Richin ri Josúe 21:1

Ri aj-raqen richin ri tzobaj richin ri Leví xebe pa tinamit Siló richin xebech'on kik'in ri sacerdote Eleazar, ri Josué y ri e tata'al kichin ri e kablajuj tzobaj.

1 Crón 6:64

Y keri' k'a ri ch'aqa' chik israelita xekiya' chike ri e levita ri tinamit ri' y ri kisoq'olbal.