Wuj Richin ri Q'axanri'il 34:15 - Kaqchiquel Bible

¹⁵ Ri ulew ri xkichinaj rije' k'o pe kere' chuchi' ri raqen-ya' Jordán, chuwech-pe ri tinamit Jericó ri k'o pa qajbel-q'ij, xcha'.

Wuj Richin ri Q'axanri'il 34:15 ပူးပေါင်းရင်းမြစ်များ

Wuj Richin ri Q'axanri'il 32:32

y chi xtikik'uaj-el ri kikamisabal richin yeq'ax-apo pa Canaán y chuqa' chi xtok kan kichin ri juk'an-pe chire ri raqen-ya' Jordán.

Wuj Richin ri Q'axanri'il 34:14

Roma ri tzobaj richin kan ri Rubén, ri Gad y ri nik'aj tzobaj richin kan ri Manasés xkik'ulumaj yan ri ulew ri k'o chi xkichinaj.

Wuj Richin ri Q'axanri'il 34:16

Ri Jehová xch'on chik rik'in ri Moisés y xubij chire:

Deut 4:38

Chuqa' xerelesaj-el ri nima'q taq tzobaj winaqi' etzelanel qichin ri más kuchuq'a' chiqawech roj, richin yixbek'oje' chuwech ri kiruwach'ulew rije' achi'el ri nibanatej wakami.

Wuj Richin ri Q'axanri'il 32:33

Keri' ri Moisés xuya' chike ri tzobaj richin kan ri Gad, ri Rubén y ri nik'aj tzobaj richin ri Manasés, ri ruwach'ulew ri akuchi xq'aton-wi-tzij ri Sihón rey kichin ri amorreo y ri ruwach'ulew Basán ri akuchi xq'aton-wi-tzij ri rey Og.