Wuj Richin ri Q'axanri'il 34:11 - Kaqchiquel Bible

¹¹ y niq'ax-pe pa tinamit Riblá, ri k'o pa relebel-q'ij chire ri ralaxbel-ya' Ain. Choj napon k'a pa taq'aj chuchi' ri choy richin Quinéret,

Wuj Richin ri Q'axanri'il 34:11 ပူးပေါင်းရင်းမြစ်များ

2 Rey 23:33

Y ri Necao rey richin Egipto xuya' pa cárcel ri chiri' pa tinamit Riblá, ri k'o pa ruwach'ulew Hamat. Xrelesaj richin man niq'aton ta chik tzij pa Jerusalem. K'ari' xuben chike ri aj-Judá chi xkiya' ri k'o chi nitoj chire, y k'o chi xkitoj jumuch' quintal saqipueq y oxk'al wo'o' libra q'anapueq.

2 Rey 25:6

Toq kichapon chik k'a ri Sedequías, xkik'uaj k'a rik'in ri Nabucodonosor chiri' pa tinamit Riblá richin nubij chire ri achike nuk'uluwachij.

Wuj Richin ri Jeremías 52:10

Ri rey richin Babilonia, kan chuwech k'a ri Sedequías, xuteq kikamisaxik ri e ralk'ual y chuqa' xuteq kikamisaxik konojel aj-raqen richin ri tinamit Judá.

Wuj Richin ri Jeremías 52:9

Jak'a ri aj-Babilonia xkichop kan ri rey Sedequías y xkik'uaj-el chuwech ri rey richin Babilonia chiri' pa tinamit Riblá ri k'o pa ruwach'ulew Hamat. Y chiri', ri Nabucodonosor xubij achike niban rik'in rija'.

Wuj Richin ri Q'axanri'il 34:10

Ri k'ulba't ri k'o pa relebel-q'ij nitiker-el pa Hasar-enán y napon k'a pa xokon chire ri tinamit Sefam,

Wuj Richin ri Q'axanri'il 34:12

y niq'ax-qa chupan ri raqen-ya' Jordán. Y nibek'is k'a pa Tzayi-Choy. Jare' ri iwulew y ri ruk'ulba't ri ek'o chi'inaqaj, xcha' ri Jehová.

San Mateo 14:34

Y rije' xeq'ax k'a pa ruwi' ri ya' ri', y xe'apon k'a pa ruwach'ulew Genesaret.

San Lucas 5:1

Xbanatej k'a chi toq ri Jesús k'o chiri' chuchi' ri choy Genesaret,*f11* janila k'a winaqi' xe'apon rik'in, y kan nikinimila-ki', roma nikajo' nikak'axaj ri ruch'abel ri Dios.

San Juan 6:1

Toq e banatajineq chik ronojel re', ri Jesús y ri rutijoxela' xebe k'a juk'an ruchi' ri choy richin Galilea, ri chuqa' nibix Tiberias chire.

Deut 3:17

Ri ruk'ulba't ri ruwach'ulew nitiker-el pa qajbel-q'ij chire ri raqen-ya' Jordán, nel-pe rik'in ri choy richin Quinéret*f2* y napon k'a rik'in ri Tzayi-Choy, ri k'o chuxe-pe ri juyu' Pisgá.

Wuj Richin ri Josúe 11:2

y chuqa' chike ri rey ri ek'o chuwa taq juyu' ri ek'o pa xaman, ri ek'o pa taq'aj kojol juyu' ri k'o pa xokon chire ri choy richin Quinéret, ri ek'o pa taq'aj chuwech ri palou y ri ek'o pa tinamit Nafot-dor ri k'o pa qajbel-q'ij chire ri ruwach'ulew,

Wuj Richin ri Josúe 12:3

Y chuqa' xuq'et-tzij pa kiwi' ri winaqi' ri ek'o pa taq'aj ri k'o chunaqaj ri raqen-ya' Jordán, ri nitiker-pe chuchi' ri choy richin Quinéret ri k'o pa xaman y napon k'a pa Tzayi-Choy, y re' k'o pa ruchojmilal ri bey ri nibe pa tinamit Bet-jesimot ri k'o pe chuxe' ri ruwi-juyu' Pisgá.

Wuj Richin ri Josúe 13:27

Y chupan ri taq'aj richin ri raqen-ya' Jordán, chuqa' xkichinaj ri tinamit Bet-aram, ri tinamit Bet-nimrá, ri tinamit Sucot, ri tinamit Safón, y ri ch'aqa' chik tinamit ri xek'oje' pa ruq'a' ri Sihón, rey richin ri Hesbón. Ri jun k'ulba't napon pa qajbel-q'ij chire ri raqen-ya' Jordán y ri jun chik k'ulba't napon pa xaman chire ri ruchi' ri choy richin Quinéret.

Wuj Richin ri Josúe 19:35

Jare' ri tinamit ri e sutin-kij rik'in tz'aq, ri xya'ox chike: Sidim, Ser, Hamat, Racat, Quinéret,