Wuj Richin ri Q'axanri'il 33:55 - Kaqchiquel Bible

⁵⁵ Jak'a wi rix man xke'ikamisaj ta ri winaqi' aj chiri', ri winaqi' ri' xkek'oje' kan iwik'in y xa xtuben chiwe achi'el toq nok jun ruk'aj che' pa runaq'-iwech y achi'el jun k'ix toq nok pan ich'akul.

Wuj Richin ri Q'axanri'il 33:55 ပူးပေါင်းရင်းမြစ်များ

Wuj Kichin ri To'onela' 2:3

Roma ri' yin ninbij chiwe chi roma man xe'iwoqotaj ta el re winaqi' re' chi'ikojol, ni man xe'iwelesaj ta el ri ki-dios chi'ikojol, xa xke'ok k'a pikbel chiwe rix, xcha'.

Deut 7:16

Y rix kan xke'ik'is konojel ri e nima'q taq tinamit ri xkeruya' ri Jehová ri qa-Dios pan iq'a'; man tikuy kimak y man tiya' kiq'ij ri ki-dios, roma jari' ri xtok jun pikbel chiwe rix.

Deut 7:4

Roma wi keri' xtiben, rije' xtikiben chike ri iwalk'ual richin xtikiya' kan ri Dios y xtikiya' kiq'ij ch'aqa' chik dios, y keri' xtipe royowal ri Jehová chiwe y xkixruk'is chi'anin.

Ex 23:33

Kan man k'a tiya' q'ij chike re winaqi' re' chi yek'ase' chi'ikojol, roma rije' xa xtikiben chiwe chi yixmakun chinuwech. Y wi rix kan xke'isamajij ri ki-dios, jari' ri xtibanon chiwe chi xkixtzaq, xcha'.

Ez 28:24

Richin keri', ri winaqi' israelita kan man jun bey chik xtiberutija' poqon pa kiq'a' ch'aqa' chik ruwach'ulew ri ek'o chunaqaj. Man jun bey chik xtikiben achi'el k'ix ri chaq yekineq ri nuwinaq israelita. K'ari' xtiketamaj chi ja yin Jehová ri ink'o pa ruwi' ronojel.

2 Corintios 12:7

Yin kan janila k'a e nima'q ri e ruq'alajirisan ri Dios chinuwech. Jak'a richin chi ronojel re' man tikiben chuwe richin ninnimirisaj nuq'ij, roma ri' toq k'o jun yabil ya'on chire ri nuch'akul. Y ri Satanás nukusaj re yabil re' achi'el jun k'ix richin chi nintej poqon pa ruq'a'.

Wuj Richin ri Q'axanri'il 33:56

K'ari' toq xtinben chiwe achi'el ri xinch'ob pa kiwi' rije', xcha' ri Jehová.

Wuj Richin ri Josúe 23:7

richin man nixol ta iwi' kik'in ri winaqi' richin ri tinamit ri k'a ek'o na kan chupan re ruwach'ulew re'. Man tiya' itzij pa kibi' ri ki-dios, ni man ke'isamajij, ni man tiya' kiq'ij y man ke'inataj.