Wuj Richin ri Q'axanri'il 33:54 - Kaqchiquel Bible

⁵⁴ Ja yin xkich'aron chiwech ri ulew ri xtiwichinaj kan. Xtiwichinaj kan achi'el ri kajlabal ri aj pan iwachoch. Achi'el ri rubanik ri tzobaj kichin ri ite-itata', keri' xtiya'ox kan chiwe.

Wuj Richin ri Q'axanri'il 33:54 ပူးပေါင်းရင်းမြစ်များ

Wuj Richin ri Josúe 18:11

Ri nabey sakinik xuk'ulumaj k'a ri tzobaj richin ri e rijatzul kan ri Benjamín, y xya'ox k'a chike achi'el ri kajlabal chi kach'alal-ki'; y xkik'ulumaj ri ruwach'ulew ri k'o chikikojol ri kiruwach'ulew ri tzobaj richin ri Judá y ri kiruwach'ulew ri e rijatzul kan ri José.

Wuj Richin ri Q'axanri'il 35:8

Y kere' ri rujachik ri xtiban chire: Ri tzobaj ri e k'iy winaqi' ek'o chupan k'o chi nikelesaj kan k'iy tinamit richin nikiya' chike ri levita y ri tzobaj ri xa e juba' ok, k'o chi nikelesaj kan juba'. Chikijujunal chike ri tzobaj nikiya' kan juba' kulew richin kitinamit ri e levita, xcha'.

Wuj Richin ri Josúe 13:6

Yin kan xkenk'is k'a chiwech rix, konojel ri aj-Sidón y ri ek'o chuwi' taq juyu' ri nitiker k'a pa Líbano y napon k'a pa Misrefot-maim. Wakami k'a xtajech chike ri awinaq richin keri' xtikichinaj kan jumul, achi'el ri nubin chawe.

Wuj Richin ri Josúe 14:2

Ri ruwach'ulew ri xkichinaj kan, xjach rik'in sakinik chike ri beleje' tzobaj rik'in nik'aj, achi'el ri rubin ri Jehová chire ri Moisés.