Wuj Richin ri Q'axanri'il 32:23 - Kaqchiquel Bible

²³ Jak'a wi man xtiben ta keri', tiwetamaj k'a richin xixmakun chuwech ri Jehová y k'o jun q'ij xtiqaqa ri ruk'ayewal pan iwi' roma ri imak.

Wuj Richin ri Q'axanri'il 32:23 ပူးပေါင်းရင်းမြစ်များ

Wuj Richin ri Isaías 59:12

Ri winaqi' nikibij: Roj kan janila oj makuwineq chawech rat Jehová, roma ri' yojaya' pa k'ayew. Ri qamak kan jantape' k'o chiqawech roj, y kan niqaya' chiqij.

Wuj Richin Etamabel-Tzij 13:21

Ri winaqi' e aj-maki' kan maneq k'a juba' uxlanen ri nikil pa ruq'a' ri etzelal; jak'a ri winaqi' ri kan choj ri kik'aslen, kan k'o k'a utz ri nikil pa kik'aslen.

Wuj Richin ri Rutikeribel 44:16

Ri Judá xubij chire: ¿Achike k'a xtiqabij wakami? ¿Achi'el toq xtiq'alajin chi man oj aj-maki' ta? Ri Dios xril ri qamak ri qabanon. Wakami k'a, jare' ojk'o pan aq'a', xqojok k'a asamajela' junan rik'in ri achoq ik'in xilitej-wi ri qumbel, xcha' ri Judá.

Wuj Richin Bix Chire ri Dios 90:8

Ri qamak kan ronojel k'a natz'et-pe. Ri itzel taq qabanobal, kan ronojel k'a tik'il chawech rat.

1 Corintios 4:5

Roma ri' rix man kixnabeyej yan chuq'atik tzij. Nik'atzin chi tiwoyobej na ri q'ij toq xtipe chik jun bey ri Cristo Jesús. Rija' kan xkerelesaj-pe chuwa-saqil ri banobel ri man yeq'alajin ta y xkeruq'alajirisaj-pe ri achike k'o pa taq qánima. Y ri Dios jari' toq xtubij chiqe chiqajujunal roj chi utz ri xeqabanala'.

Wuj Richin ri Rutikeribel 4:7

Roma toq ja ri utz ri naben, nak'ul ri aq'ij; ja wi xa ja ri itzel ri naben, ri mak kan at ruq'eleben k'a y nrajo' yaruchop. Jak'a rat k'o chi yach'akon chirij, xcha'.

Romanos 2:9

Kan konojel k'a winaqi' ri yebanon etzelal, k'ayew xtikik'uluwachij y xtikitej poqon. Nabey xtiqaqa ri ruk'ayewal pa kiwi' ri nuwinaq judío, y k'ari' pa kiwi' ri man e nuwinaq ta.

Wuj Richin ri Isaías 3:11

Jak'a toq'ex kiwech ri winaqi' ri maneq Dios chikiwech, roma ronojel man utz ta xtel chikiwech; roma achi'el ri kibanobal, keri' ri rutojbalil ri xtikik'ul.

Wuj Richin Bix Chire ri Dios 140:11

Ri winaqi' e tz'ukuy tzij kan man ta k'a xkejike' chuwech re ruwach'ulew. Ri etzelal, jari' ta ri xtitzeqeliben kichin ri kamisanela'.

Wuj Richin Bix Chire ri Dios 139:11

Wi yin ninch'ob ta ninwewaj-wi' pa q'equ'm richin yirewaj; o wi ri saqil nok ta q'equ'm,

Wuj Richin ri Rutikeribel 13:13

Y ri winaqi' ri ek'o chiri' pa Sodoma janila ketzelal y e aj-maki' chuwech ri Jehová.

Wuj Richin ri Josúe 7:18

Y toq xban chi xejel-apo ri achi'a' ri ek'o chupan ri tzobaj richin ri aj pa rachoch ri Zabdí, jari' toq xcha'ox k'a kan ri Acán ruk'ajol ri Carmí, rumam ri Zabdí, ruxikin-rumam ri Zérah y rijatzul ri Judá.

Wuj Richin Etamabel-Tzij 5:22

Ri achin aj-mak, xa ja ri itzel rubanobal ri nibanon chire chi man nitikir ta nel-pe chupan ri mak ri', xa ruyon k'a rija' nusuq' kan ri' chupan.

Wuj Richin ri Jonás 1:7

Y ri Jonás kan xbejote' k'a pe kik'in, y konojel xkibila' k'a qa chikiwech chi achike roma nikik'uluwachij re jun ruk'ayewal re yakatajineq pa kiwi'. Y xkibij k'a chi nikisakij richin nikitz'et achoq pa ruwi' xtiqaqa-wi. Y keri' xkiben y xqaqa pa ruwi' ri Jonás.

2 Sam 3:39

Jak'a yin stape' qasan aceite pa nuwi' richin xinok rey, wakami ninna' chi xa man jun wuchuq'a' k'o, roma ri Joab y ri Abisai xa kan ik'owineq chik ruwi' kuchuq'a' chinuwech yin. Y roma ri' ninbij chi kan ja ta k'a ri Jehová xtiya'on rutojbalil chike roma ri itzel ri xkiben, xcha'.

1 Rey 2:32

Kan ja ri Jehová xtiya'on ruk'ayewal pa ruwi' ri Joab roma xerukamisaj chi espada ri Abner, ruk'ajol ri Ner, y ri Amasá, ruk'ajol ri Jéter, y rije' kan más k'a e utz chuwech rija'. Jak'a ri nata' kan man xretamaj ta toq ri Joab xerukamisaj ri e ka'i' achi'a' ri': ri Abner, aj-raqen kichin ri aj-labal richin ri Israel, y ri Amasá, aj-raqen pa kiwi' ri aj-labal richin ri Judá.

1 Rey 2:33

Richin keri' ri Joab y konojel ri rijatzul, kan jantape' xtikejqalej re mak re'. Jak'a ri Jehová kan jantape' xtuya' uxlanibel-k'u'x kik'in ri e rijatzul kan ri David ri xkek'oje' chupan ri q'atbel-tzij, xcha' ri Salomón.

Wuj Richin Etamabel-Tzij 24:16

Ri wineq ri kan choj, stape' nitzaq wuqu mul rik'in ri ruk'aslen, kan chi'anin niyakatej chik el; y man keri' ta ri wineq itzel, roma toq rija' nitzaq, q'asen nik'oje' kan chiri'.