Wuj Richin ri Q'axanri'il 32:22 - Kaqchiquel Bible

²² Y toq xech'akatej yan kan, k'ari' xkixtzolej y yixtotej kan chuwech ri ijikiban chuwech ri Jehová y keri' chuqa' chikiwech ri ch'aqa' chik qawinaq. Keri' re ruwach'ulew re' xtok kan iwichin rix, y man jun xkixelesan-el chupan.

Wuj Richin ri Q'axanri'il 32:22 ပူးပေါင်းရင်းမြစ်များ

Wuj Richin ri Josúe 22:9

Keri' ri aj-labal e richin ri tzobaj richin ri Rubén, ri Gad y ri nik'aj tzobaj richin ri Manasés xkich'er k'a kan ki' kik'in ri kiwinaq israelita chiri' pa Siló ri k'o pa ruwach'ulew Canaán. Y rije' xkichop-el bey richin ye'apon pa kiruwach'ulew Galaad, ri ya'on kan chike richin xkichinaj achi'el xubij ri Jehová, toq k'a k'es na ri Moisés.

Wuj Richin ri Josúe 22:4

Roma rija' wakami xuya' yan uxlanenri'il chiqakojol achi'el ri rusujun chiqe. Wakami k'a kixtzolej pa taq iwachoch chupan ri iruwach'ulew ri ruya'on kan chiwe ri Moisés ri rusamajel ri Jehová. Kixtzolej k'a pan iruwach'ulew ri k'o-apo juk'an chire ri raqen-ya' Jordán.

Deut 3:20

Ke'ito' k'a ri qawinaq israelita, k'a toq xtikichinaj na kan ri ruwach'ulew ri xtuya' ri Jehová chike re k'o pe juk'an chire ri raqen-ya' Jordán. Toq ri Jehová xtuya' uxlanen chike achi'el ri xuya' yan chiwe rix, k'ari' xkixtzolej chik pe chupan re ruwach'ulew ri xinya' yan chiwe chi'ijujunal.

Wuj Richin ri Josúe 13:8

Ri tzobaj richin ri Rubén, ri Gad y ri nik'aj chik tzobaj richin ri Manasés, kan kik'ulun chik k'a kan ri kulew pa ruq'a' ri Moisés ri rusamajel ri Jehová. Y ri ruwach'ulew ri' k'o pa relebel-q'ij chire ri raqen-ya' Jordán.

Wuj Richin ri Josúe 1:15

Rix kan xqojito', k'a toq ri Jehová xtuya' na chiqe ri ulew richin xtiqichinaj achi'el ri xuya' yan chiwe rix; y k'ari' xkixtzolin-pe chupan re ruwach'ulew re' re iwichinan kan rix, re ruya'on kan ri Moisés ri rusamajel ri Jehová chiwe, re k'o pe kere' pa relebel-q'ij chire re Jordán, xcha' ri Josué.

Wuj Richin Bix Chire ri Dios 78:55

Kan xerelesaj k'a el ri winaqi' aj chiri' ri man nikitzeqelibej ta rija'. Xuch'er k'a ri kiruwach'ulew, chikiwech ri qati't-qamama', richin chi ri kalk'ual nikichinaj kan, chikijujunal rik'in ri kitzobaj.

2 Sam 3:28

Jak'a toq ri David xunabej ri xuben ri Joab, xubij chi rija' y ri ruq'atbal-tzij kan maneq kimak chuwech ri Jehová, roma ri rukamik ri Abner.

Wuj Richin ri Josúe 18:1

Konojel ri winaqi' israelita xkimol-ki' chiri' pa tinamit Siló y chiri' xkipaba-q'anej ri rachoch ri Jehová richin molojri'il, y re' xkiben toq xjach yan ri ruwach'ulew chike.

Wuj Richin ri Josúe 11:23

Keri' ri Josué y ri aj-labal xkich'ek ronojel ri ruwach'ulew, achi'el ronojel rubin ri Jehová chire ri Moisés. Ri Josué xujech k'a ri ulew chike ri ruwinaq richin xkichinaj chikijujunal, achi'el ri kitzobaj; y xok k'a kichin y xe'uxlan k'a chire ri labal.

Wuj Richin ri Josúe 10:42

Ri Josué y ri achi'a' xekikamisaj k'a kan konojel re rey re' richin xkich'ek kan ri kiruwach'ulew: Y re' kan xetikir xkiben pa jun bey, roma ri Jehová ri ki-Dios xbanon oyowal junan kik'in rije'.

Wuj Richin ri Josúe 10:30

Y ri Jehová chuqa' xujech pa kiq'a' ri Josué y ri achi'a', re tinamit re' y ri ru-rey; xekikamisaj k'a konojel chi espada y kan man jun xkiya' kan rik'in ruk'aslen. Chuqa' kan keri' xkiben rik'in ri rey achi'el xkiben rik'in ri rey richin Jericó.

Wuj Richin ri Josúe 2:19

Y xabachike k'a ri xtel-el chupan ri awachoch toq najin ri oyowal y xtiken, man qamak ta chik roj; y konojel ri xkek'oje' awik'in chupan ri awachoch, wi xkeken, kan roj xqojejqalen.

Wuj Richin ri Chojmirisabelri'il 14:34

Jare' ri ruchojmilal re ninya' yan chiwe richin niben toq ixk'o chik chupan ri ruwach'ulew Canaán: Wi ta yin ninben chi nibek'ulun-pe pus pa jun jay y ri pus ri' nutaluj-ri'.

Wuj Richin ri Q'axanri'il 32:21

Chuqa' ijikiban-itzij richin niq'axaj-apo ri raqen-ya' Jordán k'a toq ri Jehová xkerujech na pan iq'a' ri etzelanel qichin.