Wuj Richin ri Q'axanri'il 32:1 - Kaqchiquel Bible

¹ Ri e rijatzul kan ri Rubén y ri Gad k'o janila k'iy kawej; y xkitz'et chi ri ruwach'ulew Jazer y ri Galaad k'o akuchi nikiya-wi ri kawej y roma ri' kan xqa' chikiwech richin yek'ase' chiri'.

Wuj Richin ri Q'axanri'il 32:1 ပူးပေါင်းရင်းမြစ်များ

Wuj Richin ri Q'axanri'il 21:32

Y toq ri Moisés e rutaqon chik el achi'a' richin xbeketamaj kan jebel ri rubanik ri tinamit Jazer y kan e tzolejineq chik pe ri achi'a' ri'; jari' toq ri israelita xekichop ri kokoj taq tinamit ri ek'o chiri', y xekelesaj-el ri winaqi' amorreo.

Wuj Richin ri Q'axanri'il 32:35

ri Atarot-sofán, ri Jazer, ri Jogbehá,

Wuj Richin ri Q'axanri'il 32:3

Ri ruwach'ulew Atarot, Dibón, Jazer, Nimrá, Hesbón, Elalé, Sebam, Nebo y Beón

1 Juan 2:16

Y ronojel re' man richin ta ri Qatata' Dios: Ri itzel taq rayinik richin ri ch'akulaj, rayibel richin nik'oje' awik'in ronojel ri natz'et, y ri nimirinen roma k'o beyomel, ronojel re' xa e richin ri ruwach'ulew.

Wuj Richin ri Miqueas 7:14

Jehová, tabana' utzil ke'ayuq'uj ri awinaq rik'in ri awutzil. Tayuq'uj re tzobaj karne'l re' re kan e awichin rat. Roma xa kiyon-ok ek'o pa k'echelaj ri e sutin-rij rik'in qasanbel taq ulew. Tabana' utzil ke'ayuqej chik ri awinaq, achi'el xaben ri ojer kan, toq xe'ayuq'uj chupan ri soq'olbel richin ri Basán y ri Galaad.

Wuj Richin ri Jeremías 50:19

Xtinben chi rix xkixtzolin pan iruwach'ulew. Y chiri' kan jebel xkixwa' achi'el jun karne'l ri nik'oje' k'iy ruq'os chiri' pa juyu' Carmelo, pa ruwach'ulew Basán, pa k'echelaj richin Efraín y chiri' pa Galaad.

2 Sam 24:5

Xe'el k'a el pa Jerusalem y xkiq'axaj ri raqen-ya' Jordán, y xe'apon pa tinamit Aroer. Chiri' k'a xkichop-wi-el ri tz'iban bi'aj pa xokon chire ri tinamit ri k'o pa nik'aj chire ri taq'aj. Chirij ri' xebe pa xaman pa ruwach'ulew Gad y k'ari' xe'apon pa tinamit Jazer.

Wuj Richin ri Josúe 13:25

Ri xkichinaj rije' ja ri tinamit Jazer y ronojel tinamit richin Galaad y nik'aj chire ri kiruwach'ulew ri amonita, ri napon k'a pa tinamit Aroer ri k'o-apo chuwech ri tinamit Rabá,

Wuj Richin ri Q'axanri'il 32:26

Jak'a ri qalk'ual, ri qixjayilal y ri qawej xkek'oje' kan wawe' pa ruwach'ulew Galaad.

Ex 12:38

Xebe chuqa' janila kiwech winaqi' chikij, xekik'uaj ronojel ri kawej, chi wákix, chi karne'l y tzuntzun chuqa'.

Wuj Richin ri Rutikeribel 47:4

Roj oj peteneq k'a richin yojok'oje' chupan re ruwach'ulew re', roma chupan ri qaruwach'ulew Canaán xa maneq chik kiway ri qakarne'l. Ri wayjal chiri' janila nim, roma ri' niqak'utuj jun nimalej utzil chawe, qajaw, richin taya' q'ij chiqe richin yojk'oje' chupan ri ruwach'ulew Gosen, xecha'.

Wuj Richin ri Rutikeribel 29:32

Y ri Lea kan xyawej k'a kan chirij ak'ual y toq xk'oje' ri ak'ual xubini'aj Rubén. Y re bi'aj re' nel chi tzij titz'eta'. Y chuqa' xubij: Ri Jehová xutz'et chi yin janila xibison, y roma ri' xk'oje' re ti wal re', y wakami kan xkinajowex roma ri wachijil, xcha'.

Wuj Richin ri Rutikeribel 13:5

Chuqa' ri Lot ri beneq rik'in rija', ek'o chuqa' e kokoj y e nima'q rawej y ri rachoch banon rik'in tzieq.

Wuj Richin ri Rutikeribel 13:2

Y rija' kan janila k'a beyom, roma janila e k'iy rawej, chuqa' k'iy saqipueq y q'anapueq k'o rik'in.

Wuj Richin ri Q'axanri'il 32:2

K'ari' rije' xech'on rik'in ri Moisés, rik'in ri sacerdote Eleazar y kik'in chuqa' ri e aj-raqen pa kiwi' ri kiwinaq, y xkibij:

Deut 33:21

Rix xixk'oje' kan rik'in ri jebelej ruwach'ulew, ruwach'ulew ri kan ruk'amon chi nok kichin ri e aj-raqen. Xixnabeyej k'a chikiwech ri ch'aqa' chik iwinaq, toq ri aj-raqen xekimol konojel ri tinamit. Kan xiben pa ruchojmilal achi'el xubij ri Jehová chiwe, kan xitaqej ri pixa' ri ya'on chike konojel ri tinamit.

Wuj Richin ri Josúe 22:9

Keri' ri aj-labal e richin ri tzobaj richin ri Rubén, ri Gad y ri nik'aj tzobaj richin ri Manasés xkich'er k'a kan ki' kik'in ri kiwinaq israelita chiri' pa Siló ri k'o pa ruwach'ulew Canaán. Y rije' xkichop-el bey richin ye'apon pa kiruwach'ulew Galaad, ri ya'on kan chike richin xkichinaj achi'el xubij ri Jehová, toq k'a k'es na ri Moisés.

Wuj Kichin ri To'onela' 5:16

Rije' xa más utz xuben chikiwech chi xek'oje' kan chupan ri coral. Xa más xqa' chikiwech chi xkak'axaj kan ri kich'abel ri kikarne'l. Kan xq'alajin chi k'o xibinri'il kik'in ri tzobaj richin ri Rubén.

Wuj Richin ri Jeremías 22:6

Ri awachoch rat rey achi'el ri jebelej ruwach'ulew Galaad, achi'el ruwi' ri juyu' Líbano. Jak'a kan xtinben k'a chire richin xtok tz'iran ri man jun wineq ri xtik'oje' chuwech.

Wuj Richin ri Josúe 22:13

K'ari' ri israelita xkiteq-el ri Finees ri ruk'ajol ri sacerdote Eleazar richin xbe pa Galaad kik'in ri e ka'i' tzobaj rik'in nik'aj.

2 Sam 24:6

K'ari' xebe pa ruwach'ulew Galaad y xe'apon pa tinamit Cadés richin Siria. K'ari' xe'apon-q'anej pa Dan, y chirij ri' xebe pa Sidón ri k'o pa qajbel-q'ij.

1 Crón 4:41

jak'a pa ruq'ijul ri rey Ezequías aj-Judá, xepe ri achi'a'. Rije' kan xkiwulaj kan jumul ri taq kachoch ri ek'o-wi-qa ri winaqi' camita, y xek'oje' kan chiri' pa kik'exel, roma k'o jebel soq'olbel richin yekiyuq'uj ri kawej.

Wuj Richin ri Jeremías 8:22

K'ate' ta k'o jun raq'omal richin yek'achoj, achi'el ri k'o chiri' pa ruwach'ulew Galaad. K'ate' ta k'o jun aq'omanel kichin. ¿Achike roma man yek'achoj ta q'anej ri nuwinaq?

Wuj Richin ri Jeremías 48:32

Rix aj-Sibmá janila ix beyoma' achi'el ri juwi-uva ri k'o janila ruwech. Y ri ibeyomel ri' napon k'a pa tinamit Jazer ri chiri' pa xaman y napon k'a chuchi' ri Tzayi-Choy ri k'o pa qajbel-q'ij, achi'el ri ruq'a' ri juwi-uva. Jak'a xa xtik'is y yin janila xkinoq', achi'el nikiben ri winaqi' aj-Jazer roma ri ki-uva.