Wuj Richin ri Q'axanri'il 31:50 - Kaqchiquel Bible

⁵⁰ Wakami k'a jare' qak'amon-pe chiqajujunal jun sipanik chire ri Jehová. Ja ri jalajoj ruwech taq wiqobel e banon rik'in q'anapueq. Y wakami niqasuj chire ri Jehová richin matioxinik, xecha'.

Wuj Richin ri Q'axanri'il 31:50 ပူးပေါင်းရင်းမြစ်များ

Wuj Richin Bix Chire ri Dios 107:15

Rije' k'o chi nikimatioxij chire ri Jehová, roma ri rajowabal man k'isel ta, y roma ri nima'q taq banobel ri nuben kik'in ri winaqi'.

Wuj Richin Bix Chire ri Dios 116:12

¿Achoq ik'in ta k'a xkitikir xtintojbej chire ri Jehová, pa ruk'exel ronojel ri rutzil ri rubanon wik'in?

Wuj Richin Bix Chire ri Dios 116:17

Kan xtinsuj jun sipanik richin matioxinik chawe. Jak'a ri abi' rat ri xtinnataj beneq ruwech.

Ex 30:12

Toq xke'awajlaj k'a konojel ri awinaq, chikijujunal k'o chi nikiben jun tojoj chuwe yin roma ri kik'aslen, richin chi man jun ruk'ayewal tiqaqa pa kiwi' ri ruk'amon-pe kamik.

Ex 35:22

Kan chi achi'a' chi ixoqi' k'a xepe y konojel kik'amon-pe sipanik rik'in ronojel kánima. Kik'amon-pe ri wiqobel ri banon rik'in q'anapueq, ri wiqobel ri yetz'arabex chuwech ri tzieq, ri lipq'a', ri retz'aba'l ri kitza'n y ri ichinaj.

Wuj Richin ri Chojmirisabelri'il 17:11

Ri kik' jari' ri ruk'exewach ri kik'aslen konojel ri e k'es. Roma ri' nubin chiwe chi ri kik' richin ri kamelabel, k'o chi niya'ox pa ruwi' ri porobel richin nijunamatej-iwech wik'in. Ri kik' ri', ruk'exewach ri ik'aslen, richin nuben chi nijunamatej-iwech wik'in.

Wuj Richin ri Q'axanri'il 31:49

y xkibij chire: Qajaw, xeqajlaj ri aj-labal ri ek'o pa qaq'a' y qonojel k'a ojk'o y man jun xken kan chiqe.

Wuj Richin ri Q'axanri'il 31:51

K'ari' ri Moisés y ri sacerdote Eleazar xekik'ul k'a kan ri jalajoj ruwech wiqobel banon rik'in q'anapueq.