Wuj Richin ri Q'axanri'il 31:23 - Kaqchiquel Bible

²³ y ronojel ri nukoch' niq'ax pa q'aq', k'o chi nik'owisaj pa q'aq' y k'ari' nich'ej rik'in chik ya'. Jak'a ri ch'aqa' chik ri xa man yekoch'on ta ri yeq'ax pa q'aq', xaxe k'a rik'in ya' xtich'ajch'ojirisaj-wi.

Wuj Richin ri Q'axanri'il 31:23 ပူးပေါင်းရင်းမြစ်များ

Wuj Richin ri Q'axanri'il 19:9

K'ari' jun chik achin ri kan ch'ajch'oj, niberujoko-pe ri ruchajul ri wákix y niberuya' kan k'a chuchi-el ri akuchi ek'o-wi-qa, ri akuchi kan ch'ajch'oj-wi. Xtuyek k'a richin nik'atzin chike ri ch'aqa' chik iwinaq, richin chi nikiya' chupan ri ya' richin ri ch'ajch'ojirisanik y richin chuqa' nikikusaj richin kuyubel-mak.

Wuj Richin ri Q'axanri'il 19:17

Ri nik'atzin k'a chire ri wineq ri man ch'ajch'oj ta, juba' ruchajul kan ri chikop ri xporox. Jari' ri niya'ox pa jun k'ojelibel, y nuq'ej ya' chuwech ri k'a juba' niwelesaj-pe pa pozo.

1 Corintios 3:13

Ja k'a kan xtapon ri q'ij toq xtiq'alajin ri qasamaj chiqajujunal, wi utz ó man utz ta; kan achi'el xa ta xtiqaqa q'aq' pa ruwi' ri jay ri xqapaba-q'anej.

San Mateo 3:11

Yin, xaxe k'a ya' ninqasaj pa kiwi' ri winaqi' toq nitzolej-pe kik'u'x rik'in ri Dios. Jak'a re chiqawech-apo xtipe jun ri xtuqasaj ri Loq'olej Espíritu rachibilan q'aq' pa kiwi' ri winaqi'. Ri' kan man achi'el ta ok yin. Roma yin kan man ruk'amon ta ni richin nink'uaj ri ruxajab. Ri jun ri' nim ruq'ij y nim ruchuq'a'.

Wuj Richin ri Isaías 43:2

Toq xkixq'ax chupan ri palou, yin xkik'oje' iwik'in. Toq xkixq'ax chupan raqen taq ya', kan man xkixruk'uaj ta el. Y toq xkixq'ax chupan nimalej taq q'aq', man xkixk'at ta, ni ri ruxaq q'aq' man xkixrumej ta.

Apocalipsis 3:18

Roma ri' ninbij chiwe chi kan tiloq'o' k'a q'anapueq ri k'o wik'in yin ri kan k'owisan chik pa q'aq' richin keri' kan yixok qitzij beyoma'. Chuqa' kan tiloq'o' k'a ri seq tzieq richin chi nukuch ri ik'ix. Y tiloq'o' chuqa' ri aq'om richin niya' pa taq runaq'-iwech richin yixtzu'un chik jebel.

1 Pedro 4:12

Wach'alal ri yalan yixinwajo', man achike la tina' rix toq ixk'o pa tijoj-poqonal y nina' chi kan achi'el pa q'aq' richin tejtobenik ixk'o-wi.

1 Pedro 3:21

Y ri ya' ri' jun retal richin ri qasan-ya' ri niqak'ul wakami, ri nikolon. Jak'a man richin ta nuch'ajch'ojirisaj ri qach'akul xa kan richin nuk'ut chi roj niqajo' niqaben ri utz chuwech ri Dios roma ri ruk'astajibal ri Jesucristo.

1 Pedro 1:7

Ronojel re' kan nik'atzin richin niq'alajin, wi kan qitzij ikuquban ik'u'x rik'in ri Dios. Achi'el ri q'anapueq ri nik'owisex pa q'aq' richin nitz'et wi utz o man utz ta. Keri' chuqa' rix k'o chi yixtejtobex richin niq'alajin chi ri ikuqubabel-k'u'x utz o man utz ta. Y toq xixtejtobex yan y xikoch' ronojel, xtiya'ox k'a iq'ij y xtibix chiwe chi jebel ri xiben, toq ri Jesucristo xtok'ulun-qa.

Efesios 5:26

Keri' xuben ri Cristo richin chi ri tzobaj ri' xe'ok loq'olej. Y re' xuben rik'in ri ruch'abel y ri qasan ya'.

Wuj Richin ri Zacarías 13:9

Y ri xkek'ase' kan, xkenq'axaj pa q'aq', achi'el toq niya'erisex ri saqipueq. Xkentejtobej k'a achi'el nitejtobex ri q'anapueq. K'ari' rije' xtikik'utuj to'onik chuwe, y yin kan xkenwak'axaj. Y chupan ri q'ij ri', xtinbij chike: Nutinamit yin, y rije' xtikibij chuwe: Qa-Dios roj.

Wuj Richin ri Q'axanri'il 8:7

Nachikaj ri ya' richin kuyubel-mak pa kiwi' rije' y tabij chike chi nikisokaj ri rusumal chijun ri kich'akul y chuqa' tikich'aja' ri kitziaq.

Wuj Richin ri Chojmirisabelri'il 15:17

Y xabachike tzieq, o xabachike sale'y ri achoq chuwech nitzaq kan juba' ri achi'el ya' ri', kan xkech'aj y xke'ok kan man ch'ajch'oj ta chijun ri q'ij ri' k'a toq nok-pe ri aq'a'.

Wuj Richin ri Chojmirisabelri'il 11:32

Y chuqa' achoq pa ruwi' xtitzaq-wi ri ruch'akul jun chike re chikopi' re' xtok man ch'ajch'oj ta; wi ta xtitzaq-qa pa ruwi' jun samajibel ri banon rik'in che', o chirij jun tzieq, o chirij jun tz'um, o chirij jun costal o chirij xabachike k'ojelibel o samajibel, re' xtiya' k'a pa ya' richin nich'ajch'ojirisaj. Y man rik'in ri' man ch'ajch'oj ta chijun q'ij k'a toq xtiq'equmer-qa.

Wuj Richin ri Q'axanri'il 31:22

Ronojel k'a ri e banon rik'in q'anapueq, saqipueq, q'enq'oj-pueq y jalajoj kiwech pueq.

Wuj Richin ri Q'axanri'il 31:24

Y chirij ri ruwuq q'ij, k'ari' xtich'ej ri itziaq y keri' kan ix ch'ajch'oj chik. K'ari' ruk'amon chik yixok chupan ri akuchi ojk'o-wi-qa, xubij ri Jehová, xcha' ri Eleazar.

Ex 19:10

Y k'ari' ri Jehová xubij chik k'a chire ri Moisés: Kabiyin kik'in ri awinaq y tabana' k'a chike chi kan tikijacha-ki' chuwe yin chupan re q'ij re' y ri q'ij chua'q. Chuqa' kan tikich'aja' ri kitziaq.

Ex 19:14

K'ari' ri Moisés xqaqa k'a pe pa ruwi' ri juyu' y kan xuben chike ri winaqi' chi tikijacha-ki' chire ri Dios y tikich'aja' ri kitziaq.