Wuj Richin ri Q'axanri'il 30:2 - Kaqchiquel Bible

² Toq k'o jun achin ri nujikiba' rutzij chuwech ri Jehová k'o chi nuben y man tujel ri ruch'obonik.

Wuj Richin ri Q'axanri'il 30:2 ပူးပေါင်းရင်းမြစ်များ

Wuj Richin Bix Chire ri Dios 50:14

Ri abix richin matioxinik, jari' ta ri sipanik chire ri Dios. Kan tabana' k'a ronojel ri asujun chire ri nimalej Dios.

Wuj Richin Bix Chire ri Dios 116:14

Wakami kan xtinben k'a ri nusujun chire ri Jehová, y xkinkitz'et k'a konojel ri nuwinaq.

Wuj Richin ri Achin Job 22:27

K'ari' xkatikir k'a xkach'on rik'in, y rija' xkarak'axaj chuqa'; y man tamestaj taya' chire ri asujun chi naya' chire.

Hechos 23:12

Pa ruka'n q'ij chire ri tich'on ri ajaw Jesucristo rik'in ri Pablo, ek'o k'a chike ri judío ri pan ewel xkich'obola' achike ri xtikiben chire ri Pablo. Kan xkibij chi man xkewa' ta ni man xke'uk'ya' ta, wi man xketikir ta xtikikamisaj. Xkibij chuqa' chi kan ja ta k'a ri Dios ri xtiya'on ruk'ayewal pa kiwi', wi xtikiq'ej ri kitzij.

Hechos 23:21

Jak'a rat man tanimaj ri', roma ek'o más e kawineq achi'a' ri xkeq'eleben richin ri Pablo ri pa bey, y ri achi'a' ri' kan kibin k'a chi man xkewa-xke'uk'ya' ta, k'a jampe' xketikir xtikikamisaj, y chi ja ta ri Dios ri xtiya'on ruk'ayewal pa kiwi', wi xtikiq'ej kitzij. Wakami xaxe chik k'a koyoben ri achike xtabij-el rat, xcha' ri ala'.

Wuj Richin ri Nahum 1:15

Rix winaqi' aj-Judá titz'eta' ri achike k'amayon-pe ri utzilej rutzijol. Rija' kan peteneq k'a chuwa taq juyu'; kan peteneq k'a ri niq'alajirisan ri uxlanibel-k'u'x. Kan kixnimaq'ijun k'a rix aj-Judá; kan ke'iya' k'a ri isujun chire ri Jehová, roma man jun bey chik k'a xkepe chiwij ri e etzelanel iwichin. Rije' xa kan jumul k'a xkek'is-el.

Wuj Richin Etamabel-Tzij 20:25

Kan jun pikbel chire ri wineq toq kan k'o nusuj y xa man nuch'ob ta jebel rij ri nusuj, y kan k'a toq k'achojineq chik na ri k'o chi nuben, k'ari' nuch'ob rij jebel chi xa man utz ta ri xuben.

Wuj Richin Bix Chire ri Dios 116:18

Wakami kan xtinben k'a ri nusujun chawe, y xkinkitz'et k'a konojel ri nuwinaq,

Wuj Richin Bix Chire ri Dios 55:20

Ri wachibil xa kan xyakatej k'a chuwij, stape' junan qawech rubanon-pe. Y xa kan man xutaqej ta k'a ri rujikibel-tzij ri rubanon wik'in.

Wuj Richin Bix Chire ri Dios 22:25

Jehová, yin kan xtinbixaj k'a ri abi' chikikojol ri wach'alal. Ri nusujun chawe, kan xtinben chikiwech ri nikiya' aq'ij.

Wuj Richin ri Chojmirisabelri'il 5:4

o wi ta jun kan chi'anin nuya' rutzij, y man xuna' ta ri xubij y k'ari' xq'ax chuwech chi ri xubij xa man utz ta. Ri wineq ri' kan xtrejqalej k'a ri rumak.

2 Corintios 1:23

Ninwajo' chi rix niwetamaj achike roma man in apowineq ta iwik'in. Xa roma k'a man xinwajo' ta chi xibech'on kow iwik'in. Ri Dios retaman chi kan qitzij ri ninbij chiwe.

Wuj Richin Bix Chire ri Dios 76:11

Jak'a roj kan xtiqaya' ri xtiqasuj chire ri Jehová; konojel ri ek'o chunaqaj, tikik'ama-pe sipanik chire ri kan k'o-wi rukiy.

Hechos 23:14

Rije' xe'apon kik'in ri aj-raqen kichin ri e sacerdote y ri achi'a' ri k'o kiq'ij, y xbekibij chike: Roj qach'obon chik k'a chi niqakamisaj ri Pablo, y kan qabin chik chi man xqojwa-xqojuk'ya' ta, k'a jampe' xqojtikir chirij, y wi xtiqaq'ej ri qatzij ja ta k'a ri Dios xtiya'o-pe ruk'ayewal pa qawi'.

San Mateo 23:18

Rix nibij chi toq niya' itzij y ninataj ri porobel, man kan ta k'atzinel chi niben. Jak'a toq ninataj ri sipanik ri k'o chuwech ri porobel, jari' toq kan k'atzinel chi niben.

San Mateo 23:16

Chuqa' kan toq'ex k'a iwech rix ri yixbin chi ix uk'uey-bey y xa ix moyi'. Rix nibij chi toq niya' itzij y ninataj ri rachoch ri Dios, man kan ta k'atzinel chi niben. Jak'a toq ninataj ri q'anapueq ri k'o pa rachoch ri Dios, jari' toq kan k'atzinel chi niben.

Wuj Richin Bix Chire ri Dios 119:106

Xinya' nutzij y xinjikiba', chi kan jantape' xtintaqej ri apixa' ri kan choj-wi.

Wuj Richin Bix Chire ri Dios 56:12

Roma ri' xtintaqej k'a ri nusujun chawe nu-Dios yin. Kan xtinya' k'a sipanik richin matioxinik chawe.

Wuj Kichin ri To'onela' 11:39

Toq xtz'aqet k'a ri ka'i' ik' xtzolej rik'in ri rutata', y ri rutata' kan xuben k'a, achi'el ri rubin chi nuben chuwech ri Jehová. Y re xten re' kan man jun bey xk'oje' ta rik'in achin.

Wuj Kichin ri To'onela' 11:11

Jari' ri Jefté xpe kik'in ri achi'a' ri k'o kiq'ij richin Galaad, y xukamuluj rubixik chuwech ri Jehová chiri' chunaqaj ri Mispá, ronojel ri ruch'abel ri rubin-pe chike rije'. Y ri winaqi' e richin ri ruwach'ulew ri' xkiben chi xok aj-raqen pa ruwi' ri tinamit, y chuqa' pa kiwi' ri aj-labal.

Wuj Richin ri Q'axanri'il 30:10

Wi k'o ta jun ixoq k'ulan, ri k'o ta nusuj-apo y kan nuben chi nuya' rutzij,

Wuj Richin ri Q'axanri'il 21:2

Y xeri' ri israelita kan xkibij k'a chire ri Jehová, chi wi xkerujech ri winaqi' ri' pa kiq'a', kan xkekik'is ri kitinamit.

Ex 20:7

Man chaq tinatala' ri nubi' yin Jehová ri i-Dios chaq keri'. Yin kan man xtinben ta chiwe chi maneq imak wi chaq ninatala' ri nubi' y man niya' ta wejqalen.

Wuj Richin Bix Chire ri Dios 15:3

ri kan man nitz'ukun ta tzij, ni man jun itzel nuben chire ri rachpochel, ri jantape' utz kik'in ri rachk'uljay;

Wuj Richin ri Q'axanri'il 32:24

Wakami k'a tichojmirisaj-q'anej ri itinamit y chuqa' tibana-q'anej ki-coral ri iwawej, xaxe kan tibana' k'a ri achike ri xibij, xcha' chike.