Wuj Richin ri Q'axanri'il 30:13 - Kaqchiquel Bible

¹³ Ronojel ri rusujun y ri ya'on tzij ri rubanon rik'in ronojel ránima, ja ri rachijil ri xtibin wi nuben o man nuben ta.

Wuj Richin ri Q'axanri'il 30:13 ပူးပေါင်းရင်းမြစ်များ

Wuj Richin ri Esdras 8:21

Y chiri' chunaqaj ri raqen-ya' Ahavá, xinbij chi tiqach'ara' jun q'ij richin yojmewayin, richin chi niqaqasaj-qi' chuwech ri qa-Dios, y richin niqak'utuj chire chi utz ta yojbe, y keri' ri qalk'ual chuqa', y keri' rik'in chuqa' ri k'o qik'in.

Wuj Richin Bix Chire ri Dios 35:13

Jak'a toq yeyawej rije', yin kan ninkusaj ri nutziaq richin bis. Yin kan yibison k'a koma rije', y kan yimewayin.

Wuj Richin ri Isaías 58:5

Man keri' ta rubanik ri meway ri niqa' chinuwech yin. Man keri' ta ri rubanik ri q'ij toq rix niqasaj-iwi' chinuwech. Man ninwajo' ta chi rix nilukuba-iwi' chinuwech, achi'el nuben jun q'ayis pop nipa'e' chik el jun bey toq xik'o yan qa ri kaq'iq'. Niben ich'at qiriqoj y yixkotz'e' pa chaj, y xa chire ri' nibij q'ij richin meway. ¿Kan niqa' kami chinuwech yin re'?

Wuj Richin ri Chojmirisabelri'il 16:29

Jak'a ruchojmilal re' ri xinya' chiwe richin jantape' niben y xtiben chupan ri q'ij lajuj chire ri ik' wuqu'. Chupan ri q'ij ri' man k'a yixsamej ta, nichajij-iwi' y man k'a yixwa' ta, roma ri q'ij ri' kan janila rejqalen, keri' niben rix y keri' chuqa' ri man e iwinaq ta ri ek'o chi'ikojol.

Wuj Richin ri Chojmirisabelri'il 23:27

Ri lajuj q'ij chire ri ruwuq ik', ja q'ij ri' richin nink'en chik iwech, y k'o k'a chi niben jun molojri'il richin niya' nuq'ij y niporoj jun sipanik chinuwech. Nichajij k'a iwi' y man yixwa' ta chupan ri q'ij ri'.

Wuj Richin ri Chojmirisabelri'il 23:32

Re' kan q'ij richin uxlanen chiwe rix: Xtichajij k'a iwi' y man yixwa' ta toq nik'is-qa ri q'ij beleje' y nibetane' tiqaq'ij chire ri lajuj q'ij, xcha' ri Jehová.

Wuj Richin ri Q'axanri'il 29:7

Ri q'ij lajuj chire ri ruwuq ik' chuqa' niben jun molojri'il richin niya' nuq'ij y kan man xkixwa' ta y man jun kowilej samaj ri xtiben.

Wuj Richin ri Q'axanri'il 30:12

Jak'a wi ri rachijil man xqa' ta chuwech, ri ixoq kan man tuben k'a y ri Jehová kan man xtuch'ojij ta chire.

Wuj Richin ri Q'axanri'il 30:14

Y wi ri rachijil man jun xtubij chire y keri' niq'ax ri q'ij, nel chi tzij chi kan xqa' chuwech ri rusujun ri rixjayil, roma man jun ch'abel xubij.

1 Corintios 11:3

Yin kan ninwajo' chi rix niwetamaj chi ri Dios ja rija' ri jolomaj pa ruwi' ri Cristo. Y ri Cristo jari' ri jolomaj pa kiwi' ri achi'a', y ri achi'a' ja rije' ri e jolomaj pa kiwi' ri kixjayilal.

1 Corintios 11:9

Keri' ri Dios kan xuben-wi k'a ri ixoqi' richin ri rachijil, y man xuben ta ri achin xaxe koma ri rixjayil.

1 Corintios 7:5

Roma ri' ri k'ulan taq winaqi' man tikiq'et-ki' chi e ka'i'. Jak'a wi rije' nikajo' yech'on rik'in ri Dios, utz chi nikiya' chikiwech chi nikiq'et-ki' chire ri kirayibel richin jun ka'i-oxi' q'ij. Jak'a man utz ta chi richin k'iy q'ij nikiben keri', roma rik'in juba' ri Satanás nuya' pa kich'obonik richin nibekikanoj jun chik.