Wuj Richin ri Q'axanri'il 3:2 - Kaqchiquel Bible

² Jare' ri kibi' ri e ruk'ajol ri Aarón: Ri nabey rubini'an Nadab; ri ruka'n rubini'an Abihú, ri rox ja ri Eleazar y ri rukaj ja ri Itamar.

Wuj Richin ri Q'axanri'il 3:2 ပူးပေါင်းရင်းမြစ်များ

Ex 6:23

Y ri Aarón xk'ule' rik'in ri Eliseba rumi'al ri Aminadab, rana' ri Nahasón. Y xek'oje' k'a e kaji' kalk'ual y re' xkibini'aj: Nadab, Abihú, Eleazar y ri Itamar.

Wuj Richin ri Q'axanri'il 26:60

Y ri Aarón xek'oje' chuqa' ralk'ual y rije' xkibini'aj: Nadab, Abihú, Eleazar y ri Itamar.

1 Crón 24:1

Ri e ruk'ajol ri Aarón chuqa' xkiben ri kisamaj chupan ri rachoch ri Dios, rije' kibini'an Nadab, Abihú, Eleazar y ri Itamar.

1 Crón 6:3

Jare' ri e oxi' ralk'ual kan ri Amram: Ri Aarón, ri Moisés y ri María. Jare' ri e kaji' ruk'ajol kan ri Aarón: Ri Nadab, ri Abihú, ri Eleazar y ri Itamar.

Ex 28:1

Chikikojol ri awinaq israelita, xtawoyoj k'a ri animal Aarón e rachibilan ri e ruk'ajol rija', ri Nadab, ri Abihú, ri Eleazar y ri Itamar; richin chi je rije' xke'ok kan nu-sacerdote.

Wuj Richin ri Chojmirisabelri'il 10:1

Y ek'o k'a e ka'i' chike ri e ruk'ajol ri Aarón kibini'an, Nadab y Abihú, y chikijujunal rije' xkiya' racheq-q'aq' chupan ri kiporobal-pom y k'ari' xkiya-el juba' pom pa ruwi'. Jak'a ri Dios man rubin ta chi tikikusaj xabachike racheq-q'aq'.

Wuj Richin ri Chojmirisabelri'il 10:12

Chirij ronojel ri' ri Moisés xubij chire ri Aarón y chike ri Eleazar y ri Itamar ri e ruk'ajol ri k'a xek'oje' kan: Tik'ama' k'a k'ej chire ri k'ej ri totajineq kan chire ri sipanik ri xsuj chuwech ri Jehová y tibana' kaxlan-wey rik'in, xaxe man tiya' ch'amilej-q'or rik'in y titija' chunaqaj ri porobel. Rix ri ix sacerdote ri xkixtijo, roma re' jare' ri ch'aron richin ri Dios.

1 Crón 24:2

Jak'a ri Nadab y ri Abihú xeken nabey chuwech ri kitata', y man jun kalk'ual xek'oje'. Roma ri' xaxe ri Eleazar y ri Itamar xe'ok kan sacerdote.