Wuj Richin ri Q'axanri'il 29:6 - Kaqchiquel Bible

⁶ K'o chi nisuj ri sipanik ri' rachibilan ri sipanik ri nisuj ronojel ik' y ri sipanik ri nisuj q'ij-q'ij e rachibilan ri sipanik richin jalajoj ruwech ixin y ri vino. Ronojel re sipanik re' richin yeporox y kan nijubulin chinuwech.

Wuj Richin ri Q'axanri'il 29:6 ပူးပေါင်းရင်းမြစ်များ

Wuj Richin ri Esdras 3:4

Y chuqa' kan xkinimaq'ijuj ri nimaq'ij richin taq jay ri e banon rik'in ruq'a-che', achi'el ri tz'ibatel kan. Y xkiporoj chikop richin kamelabel ronojel q'ij achi'el ri k'o chi nikiben.

Wuj Richin ri Chojmirisabelri'il 6:9

tubij chire ri Aarón y chike ri e rijatzul chi jare' ri ruchojmilal re kamelabel: Ri chikop richin kamelabel ri niporox jumul k'o chi nik'oje' kan jun aq'a' pa ruwi' ri porobel, y tikitz'eta' richin man nichup-qa ri q'aq' chuxe'.

Wuj Richin ri Q'axanri'il 15:24

Y wi kan qitzij chi rix imestan ri pixa' ri' y kan chi'iwonojel rix man iwetaman ta chi mak ri xiben, kan k'o k'a chi nisuj jun nima-alaj achij wákix richin jun sipanik ri niporox chijun. Y re' kan xtijubulin k'a chinuwech. Y kan k'atzinel chi rik'in ri sipanik ri', niya' ri sipanik richin k'ej y ri vino achi'el nubij chupan ri ruchojmilal. Chuqa' k'o chi nisuj jun achij tzuntzun richin nikuyutej ri imak.

Wuj Richin ri Q'axanri'il 15:4

Y wi nik'en-pe jun nima-alaj chikop chike ri kokoj taq iwawej, k'o chi nisuj ka'i' libra k'ej chayun ri xolon rik'in jun litro aceite olivo.

Wuj Richin ri Q'axanri'il 28:27

Xtisuj k'a sipanik ri yeporox chijun, richin nijubulin chinuwech yin Jehová. Xtisuj k'a ka'i' nima-alaji' achija' taq wákix, jun achij karne'l y e wuqu' alaji' achija' karne'l ri jun kijuna'.

Wuj Richin ri Q'axanri'il 29:5

Chuqa' nisuj-apo jun achij tzuntzun richin nikuyutej imak chinuwech y nijunamatej iwech wik'in.

Wuj Richin ri Q'axanri'il 9:14

Y wi k'o jun wineq chi'ikojol ri xa man iwinaq ta y rija' nrajo' nunimaq'ijuj ri q'ij ri', utz ninimaq'ijun, xaxe k'o chi nuben ri ruchojmilal ri niben rix, xcha' ri Jehová.