Wuj Richin ri Q'axanri'il 29:17 - Kaqchiquel Bible

^17-34 Chupan ri waqi' chik q'ij, xke'isuj ri sipanik junan rubanik rik'in ri nabey q'ij, xaxe k'a kan q'ij-q'ij k'o chi niwelesaj kan jujun nima-alaji' achija' wákix. Keri' xtiben chi wuqu' q'ij.

Wuj Richin ri Q'axanri'il 29:17 ပူးပေါင်းရင်းမြစ်များ

Wuj Richin Bix Chire ri Dios 40:6

Rat kan man yakikot ta k'a rik'in ri jalajoj kiwech sipanik. Man ak'utun ta ri chikop ri niporox jumul, ni ta ri kamelabel richin kuyubel-mak. Pa ruk'exel re', xaben chuwe richin xinwak'axaj ri ach'abel.

Wuj Richin Bix Chire ri Dios 69:31

Re' kan xtak'awomaj k'a rat Jehová más ke chuwech ri sipanik rik'in bóyix. Kan más niqa' chawech re', chuwech jun alaj achij wákix.

Ex 12:5

Ri ti chikop ri' k'o chi jun rujuna', achij y kan tz'aqet ri rubanik; xabachike k'a ri utz nikusaj, wi jun ti karne'l o jun ti tzuntzun.

Wuj Richin ri Isaías 1:11

¿Achike ta k'a nik'atzin chuwe ri janila chi kamelabel ri niben? Kan xik'o yan nuk'u'x rik'in ri poron taq karne'l, y ri kiq'anal ri e tiojirisan taq chikopi'. Man ninrayij ta chik ri kikik'el ri bóyix, ni kichin ri alaji' taq karne'l ni ri taq tzuntzun.

Os 6:6

Yin ninwajo' chi rix kan ta rik'in ronojel iwánima yiniwajo' y man ja ta ri kamelabel ri nisujula-pe chinuwech. Ri niya' wejqalen yin kan más rejqalen chikiwech ri poron chikopi'.

Wuj Richin ri Chojmirisabelri'il 23:36

Chi wuqu' k'a q'ij richin ri nimaq'ij ri' xtiporoj k'a sipanik chinuwech yin. Y chupan k'a ri ruk'isibel q'ij, xtimol chik iwi' y xtiporoj jun chik sipanik chinuwech yin. Re' kan jun molojri'il richin niya' nuq'ij y roma ri' kan man jun isamaj xtiben chupan ri q'ij ri'.

Wuj Richin ri Q'axanri'il 29:13

Ri nabey q'ij k'o chi nisuj jalajoj kiwech sipanik ri yeporox chijun, richin nijubulin chinuwech. Xtisuj k'a oxlajuj nima-alaji' achija' wákix, ka'i' achija' karne'l, kajlajuj nima-alaji' achija' taq karne'l ri jun kijuna' y ronojel re' k'o chi kan e tz'aqet.

Romanos 12:1

Wach'alal, roma janila nim ri rutzil ri Dios ri rubanon qik'in, achi'el ri k'a juba' tiqanataj-qa, nink'utuj utzil chiwe chi tijacha' ri ik'aslen pa ruq'a' rija', achi'el jun kamelabel ri kan k'es, loq'olej y kan niqa' chuwech ri Dios. Keri' nik'atzin richin niya' ruq'ij.

Hebreos 8:13

Y toq ri Dios xunataj ri k'ak'a' jikibel-tzij, rik'in ri' xq'alajin chi ri nabey jikibel-tzij xa man nik'atzin ta chik, roma xa napon yan ri q'ij chi nik'is.