Wuj Richin ri Q'axanri'il 28:6 - Kaqchiquel Bible

⁶ Re' kan jantape' k'a xtiporoj chinuwech, achi'el xsuj ri chiri' pa ruwi' ri juyu' Sinaí richin xjubulin chinuwech yin Jehová.

Wuj Richin ri Q'axanri'il 28:6 ပူးပေါင်းရင်းမြစ်များ

Am 5:25

Ri iwati't-imama' kan man xkisuj ta k'a sipanik chinuwech, toq xek'oje' kawineq juna' pa tz'iran ruwach'ulew.

Ez 46:14

Rik'in ri chikop ri', k'o chi nik'en-pe oxi' libra jalajoj ruwech ixin ri ke'en chik y jun litro aceite ri xtiya'ox chirij ri ke'en ri'. Re jun banobel re' kan k'o chi niban richin q'asen.

Wuj Richin Bix Chire ri Dios 50:8

Man yixinch'olij ta roma ri isipanik, ni man roma ta ri chikopi' ri ye'iporoj jumul, ri jantape' ek'o chinuwech yin.

Wuj Richin ri Esdras 3:4

Y chuqa' kan xkinimaq'ijuj ri nimaq'ij richin taq jay ri e banon rik'in ruq'a-che', achi'el ri tz'ibatel kan. Y xkiporoj chikop richin kamelabel ronojel q'ij achi'el ri k'o chi nikiben.

2 Crón 31:3

Chirij re' ri rey kan xeruya' k'a apo chikopi' ri yek'atzin richin ri sipanik ri yeporox chijun ri pa taq nimaq'a' y ri tiqaq'ij, chuqa' ri q'ij richin uxlanenri'il, ri nimaq'ij richin ri k'ak'a' ik', y ronojel ri nimaq'ij ri e rubin ri Dios chupan ri pixa'.

2 Crón 2:4

Wakami yin ninwajo' ninpaba-q'anej jun rachoch ri Jehová ri nu-Dios richin ninjech pa rusamaj, akuchi xtinbenporoj-wi ri jubulej pom chuwech, akuchi xtinuk'-wi pa cholaj ri kaxlan-wey, y richin ninsuj ri kamelabel ri niporox chijun ronojel nimaq'a' y tiqaq'ij, chuqa' chupan ri q'ij richin uxlanen, y toq yenimaq'ijux ri k'ak'a' taq ik' y ri ch'aqa' chik nimaq'ij toq niya'ox ruq'ij ri Jehová ri qa-Dios. Ronojel re' kan k'o chi xtiqataqej richin q'asen, qonojel roj ri oj aj-Israel.

Wuj Richin ri Chojmirisabelri'il 6:9

tubij chire ri Aarón y chike ri e rijatzul chi jare' ri ruchojmilal re kamelabel: Ri chikop richin kamelabel ri niporox jumul k'o chi nik'oje' kan jun aq'a' pa ruwi' ri porobel, y tikitz'eta' richin man nichup-qa ri q'aq' chuxe'.

Ex 31:18

Toq ri Jehová xtane' chi ch'owen rik'in ri Moisés chiri' pa ruwi' ri juyu' Sinaí, xujech-pe ri ka'i' tz'alem taq abej chire, ri akuchi nuq'alajirisaj-wi ri rurayibel rija'. Re tz'alem taq abej re' kan ja ri Dios ri xtz'iban-pe kiwech.

Ex 24:18

K'ari' ri Moisés xok-apo pa runik'ajal ri sutz' y xjote-el k'a pa rutza'n-q'anej ri juyu' y chiri' k'a xk'oje-wi kawineq q'ij y kawineq aq'a'.

Filipenses 2:17

Ri kuqubabel-ik'u'x y ri isamaj kan achi'el jun sipanik ri niya-apo chire ri Dios. Y rik'in juba' k'o ta chi xtibiyin nukik'el achi'el nitix ri kik' pa ruwi' ri sipanik ri'. Wi ta keri' nibanatej, yin roma ri' xkikikot, y xkikikot chuqa' iwik'in rix.

Wuj Richin ri Q'axanri'il 28:5

Y re' junan yesuj rik'in ri sipanik richin ri jalajoj ruwech ixin. K'o chi xtikisuj chuwe, ka'i' libra k'ej chayun xolon rik'in jun litro aceite richin olivo ri kan jebel ch'ajch'oj.

Wuj Richin ri Q'axanri'il 28:7

Y chuqa' k'o chi nisuj ri sipanik ri richin vino. Kan niq'ej k'a chirij ri kamelabel y jun litro k'a ri niq'ej pa ruwi' jujun nima-alaj achij karne'l. Ronojel re' kan ja ri pa wachoch yin niban-wi; re' kan richin k'a chi niya'ox nuq'ij yin Jehová.

Ez 46:15

Keri' ri alaj karne'l, ri sipanik richin jalajoj ruwech ixin y ri sipanik richin aceite richin yeporox jumul k'o chi yesuj chinuwech ronojel nimaq'a'.

Wuj Richin ri Chojmirisabelri'il 27:34

Ja ronojel k'a pixa' re' ri xuya' ri Jehová chire ri Moisés ri chiri' pa ruwi' ri Sinaí, richin chi kan tikitaqej ri ruwinaq, ri e rijatzul kan ri Israel.