Wuj Richin ri Q'axanri'il 28:16 - Kaqchiquel Bible

¹⁶ Chupan ri q'ij kajlajuj richin ri nabey ik' chire ri juna', jari' toq ninimaq'ijuj ri aq'a' toq yin choj xinik'o-el pan iwi' richin xixinkol-pe.

Wuj Richin ri Q'axanri'il 28:16 ပူးပေါင်းရင်းမြစ်များ

Ex 12:18

Chupan k'a re nabey ik' re' xtitej ri kaxlan-wey ri maneq ch'amilej-q'or rik'in, nitikeriba-el ri tiqaq'ij richin ri q'ij kajlajuj chire re ik' re', y yixtane' k'a tiqaq'ij chire ri q'ij juwineq jun.

San Mateo 26:17

Y chupan k'a ri nabey q'ij richin ri nimaq'ij toq nitij kaxlan-wey ri maneq ch'amilej-q'or rik'in, ri tijoxela' xe'apon rik'in ri Jesús, y xkik'utuj k'a chire: ¿Akuchi k'a nawajo' naben-wi ri wa'in richin niqanataj ri Solbelri'il; richin nibeqabana' kan rutzil ronojel ri nik'atzin?, xecha'.

San Mateo 26:2

Rix kan iwetaman-wi chi pa ka'i' apo q'ij niqanataj toq ri Jehová xuya' ri Solbelri'il. Chupan k'a ri q'ij ri' toq yin ri xiqaqa-pe achi'el wineq chi'ikojol kan xkijach-wi-el richin chi yibajix chuwech cruz richin chi xkiken, xcha' chike.

Ex 12:1

Ri Jehová xch'on k'a kik'in ri Moisés y ri Aarón chiri' pan Egipto y xubij:

Ex 23:15

Xtinimaq'ijuj k'a ri q'ij richin ri kaxlan-wey ri maneq ch'amilej-q'or rik'in y wuqu' k'a q'ij xtitej re jun ruwech kaxlan-wey re', achi'el ri nubin chiwe. Xtiben k'a re nimaq'ij re' chupan ri ik' Abib, roma chupan ri ik' ri' toq xixel-pe pan Egipto. Y kan man jun k'a chiwe rix ri xtipe chinuwech yin y man jun sipanik ruk'amon-pe chuwe.

Ex 34:18

Kan xtichajij k'a ri nimaq'ij richin ri kaxlan-wey ri maneq ch'amilej-q'or rik'in; wuqu' k'a q'ij xtitej ri kaxlan-wey ri', kan achi'el ri nubin chik chiwe, kan xtinimaq'ijuj k'a chupan ri ik' Abib, roma ja ik' ri' toq xixel-pe pan Egipto.