Wuj Richin ri Q'axanri'il 27:3 - Kaqchiquel Bible

³ Ri qatata' xken kan pa tz'iran ruwach'ulew, achi'el ri ch'aqa' chik winaqi'. Y rija' man jun k'a ruk'ajol ri xk'oje' ta. Jak'a man xken ta roma xok ta kachibil ri tzobaj winaqi' richin ri Coré, ri tzobaj ri xech'on chirij ri Jehová.

Wuj Richin ri Q'axanri'il 27:3 ပူးပေါင်းရင်းမြစ်များ

Ez 18:4

Roma kan konojel k'a ri winaqi' e wichin yin, chi tata'aj chi alk'ualaxela' kan e wichin yin; y roma ri' ri wineq ri nimakun, xaxe rija' k'o chi niken roma ri rumak.

Wuj Richin ri Q'axanri'il 14:35

Yin, Jehová, kan nubin wi k'a, chi kan keri' ri xtinben kik'in konojel ri winaqi' ri e banoy etzelal; rije' kan xeyakatej chuwij re wawe' chupan re tz'iran ruwach'ulew y roma ri' kan xkek'is y xkeken kan re wawe', xcha'.

Wuj Richin ri Q'axanri'il 16:19

Y toq ri Coré e rumolon chik k'a ri e 250 rachibil y e pa'el chik chiri', jari' toq xorepero' ri rusaqil ri ruk'ojlemal ri Jehová chikiwech konojel rije'.

Wuj Richin ri Q'axanri'il 16:49

Konojel k'a ri winaqi' ri xeken e 14,700 y chikikojol rije' man xe'ajlex ta ri xeken roma ri yakatajinenri'il richin ri Coré.

Wuj Richin ri Q'axanri'il 27:2

Rije' xe'apon k'a chikiwech ri Moisés, ri sacerdote Eleazar y ri e aj-raqen richin ri tinamit, ri chiri' chuchi' ri rachoch ri Dios richin xech'ojin chikiwech y xkibij:

Wuj Richin ri Q'axanri'il 27:4

Y roma ri' man ruk'amon ta chi niyojtej ri rubi' ri qatata' chikikojol ri rach'alal, xaxe roma man xk'oje' ta jun ruk'ajol. Wakami k'a niqajo' chi ja roj ri yojichinan kan ri ulew chikikojol ri e rach'alal kan ri qatata', xecha'.

San Juan 8:21

Jun bey chik, ri Jesús xubij k'a chike: Yin kan xkitzolin-wi k'a, y toq rix k'ari' xkinikanoj, man k'a xkiniwil ta. Xa kan chupan k'a ri imak xkixken-wi. Y ri akuchi yibe-wi yin, rix man yixtikir ta yixapon, xcha' ri Jesús.

San Juan 8:24

Kan roma ri' xinbij k'a chiwe chi chupan ri imak yixken-wi. Y wi xa man ninimaj ta chi ja yin ri' ri kan jantape' ink'o, kan xkixken na wi chupan ri imak, xcha'.

Romanos 5:12

Ri mak xaxe k'a roma jun achin rubini'an Adán toq xok kan chuwech re ruwach'ulew. Y ri mak kan jari' k'a ri xk'amon-pe ri kamik. Roma ri' kan qonojel k'a winaqi' ri k'o chi yojken, roma xa kan qonojel oj aj-maki'.

Romanos 5:21

Achi'el k'a chi qonojel roj winaqi' xojok pa ruq'a' ri kamik, keri' chuqa' re wakami ri nimalej rutzil ri Dios nuk'en-pe ri k'aslen ri man k'isel ta, roma nuben chiqe chi man jun qamak yojk'ulun chuwech rija'. Y ja ri qajaw Jesucristo ri niya'on ri k'aslen ri'.

Romanos 6:23

Roma ri rutojbalil ri mak xa kamik nuk'en-pe chiqe. Jak'a ri Dios nusipaj ri k'aslen ri man k'isel ta chiqe roj. Y ja k'aslen re' ri nisipex chiqe roma ri qajaw Cristo Jesús.