Wuj Richin ri Q'axanri'il 27:17 - Kaqchiquel Bible

¹⁷ ri kan nitikir yeruk'uaj y yeruk'en-pe; ri kan nok jun uk'uey kichin, richin keri' man xtikiben ta achi'el jun tzobaj karne'l ri maneq kiyuq'unel, xcha'.

Wuj Richin ri Q'axanri'il 27:17 ပူးပေါင်းရင်းမြစ်များ

Ez 34:5

Ri iwinaq xa xkitaluj-ki' achi'el ri karne'l ri xa man jun chik niyuq'un kichin y roma ri' xek'is k'a achi'el ri karne'l ri xetij koma k'uxunela' taq chikopi'.

Marcos 6:34

Toq ri Jesús xqaqa kan chupan ri barco, xutz'et k'a chi janila e k'iy ri winaqi' ri e oyobeyon richin ri chiri'. Rija' xujoyowaj k'a kiwech, roma ri kibanon achi'el xa ja ri karne'l toq man jun niyuq'un kichin. K'ari' rija' k'iy xuk'ut chikiwech chirij ri ruch'abel ri Dios.

1 Rey 22:17

K'ari' rija' xubij chire ri Acab: Yin nintz'et chi konojel ri winaqi' israelita kitalun-ki' pa ruwi' taq juyu', achi'el taq karne'l ri maneq kiyuq'unel. Y ri Jehová nubij k'a chi konojel re winaqi' re' xa maneq kajaw. Roma ri' taya' q'ij chike chi chikijujunal ketzolin chi taq kachoch rik'in uxlanibel-k'u'x, xcha' ri Micaías.

San Mateo 9:36

Y toq xerutz'et ri janila chi winaqi', kan xujoyowaj k'a kiwech, roma kan kiyon ek'o y kitalun-ki'; achi'el nikiben ri karne'l toq xa maneq ri niyuq'un kichin.

Wuj Richin ri Zacarías 10:2

Ri nikikuquba' kik'u'x kik'in wachibel xa kiyon rije' nikiq'ol-qa-ki'. Y ri nikibananej chi ketaman ri peteneq chiwech xa kan ruyon tz'ukun taq tzij ri yekibij. Nikibij chi k'o xk'utumej chikiwech, jak'a ri achik' ri' xa man jun nik'atzin-wi. Ri kich'abel richin kuqubabel-k'u'x xa man jun rejqalen. Roma ri' ri nuwinaq xkitalula-ki', achi'el nikiben ri tzobaj karne'l ri maneq niyuq'un kichin.

2 Crón 1:10

Wakami tabana' utzil taya' nuna'oj y wetamabal richin yenyuqej re winaqi' re', roma kan man jun chik k'a ri xtitikir ta xtiq'aton-tzij pa ruwi' ri atinamit re janila nim, xcha'.

Deut 31:2

wakami k'o chik 120 nujuna' y man yitikir ta chik yixink'uaj. Y pa ruwi' re' ri Jehová rubin chik chuwe chi yin man xtinq'axaj ta apo ri raqen-ya' Jordán.

1 Rey 3:7

Wakami k'a Jehová Dios wajaw yin, rat xinaya' pa ruk'exel kan ri nata' richin ninq'et-tzij, stape' k'a in ala' na y man jani k'o nuna'oj, y kan man jun wetamabal.

1 Sam 18:13

Y roma ri' man xrajo' ta chik xsamej ri David rik'in, xa xuteq-el nej y xuben-el chire richin xok aj-raqen pa kiwi' e 1,000 aj-labal, y ja rija' ri uk'uey kibey, toq ye'el-el y toq yetzolin.

1 Sam 8:20

Richin keri' roj chuqa' xqojok achi'el ri ch'aqa' chik ruwach'ulew. Ri qa-rey xtuq'et-tzij pa qawi' y chuqa' rija' ri xtik'o-el chiqawech chupan ri labal, xecha'.

1 Pedro 2:25

Rix ri rubanon kan, xa italun-iwi' achi'el taq karne'l ri e sachineq kan. Jak'a re wakami tzolejineq chik pe ik'u'x rik'in ri Yuq'unel iwichin y ri nichajin ri iwánima.

San Juan 10:9

Ja yin k'a ri achi'el ruchi' ri qejoj. Ri xtok k'a wik'in yin, kan xtikolotej. Ri wineq ri' achi'el jun karne'l nok y nel-pe chupan ri qejoj y nril ronojel ri nik'atzin chire.

San Mateo 15:24

Y ri Jesús xubij: Yin xitaq-pe xaxe chikikanoxik ri qawinaq judío ri man ek'o ta pa rajawaren ri Dios, xcha'.

San Mateo 10:6

Xa kan nabey k'a kixbiyin kik'in ri qawinaq judío ri man ek'o ta apo rik'in ri Dios. Roma rije' kibanon kan, achi'el nikiben ri karne'l toq nikisech kan ki'.

Wuj Richin ri Zacarías 13:7

Ri Jehová nubij: Kayakatej k'a rat, espada, kayakatej richin nakamisaj ri nuyuq'unel y wachibil. Richin keri' xketalutej ri karne'l. Y yin chuqa' xkiyakatej chikij ri taq karne'l ri'.

2 Crón 18:16

K'ari' rija' xubij chire ri Acab: Yin nintz'et chi konojel ri winaqi' israelita kitalun-ki' pa ruwi' taq juyu', achi'el taq karne'l ri maneq kiyuq'unel. Y ri Jehová nubij k'a chi konojel re winaqi' re' xa maneq kajaw. Roma ri' taya' q'ij chike chi chikijujunal ketzolin chi taq kachoch rik'in uxlanibel-k'u'x, xcha' ri Micaías.

2 Sam 5:2

Y kan qitzij na wi chi ja ri Saúl ri xq'aton-tzij pa qawi'. Jak'a xa kan ja rat ri at uk'uayon ri bey chikiwech ri aj-labal. Chuqa' ri Jehová rubin chawe chi rat xkatok yuq'unel y tata'al qichin roj tinamit Israel, xecha'.

2 Rey 11:8

Y kan xtisutij-rij ri rey, kan chi'ijujunal rik'in ri ikamisabal pan iq'a'; y xabachike k'a ri nok-apo chi'ikojol rix xtiken. Y kan xkixbe k'a chirij ri rey xabakuchi nrajo' nibe-wi, xcha' ri Joiadá.