Wuj Richin ri Q'axanri'il 27:16 - Kaqchiquel Bible

¹⁶ Rat Jehová Dios, ri at rajaw ronojel k'aslen kichin ri winaqi': Tacha' k'a jun achin richin naya' pa kiwi' re winaqi' re',

Wuj Richin ri Q'axanri'il 27:16 ပူးပေါင်းရင်းမြစ်များ

Wuj Richin ri Q'axanri'il 16:22

Jak'a ri Moisés y ri Aarón, kexukuk xeqaqa pan ulew chuwech ri Jehová richin yech'on rik'in y xkibij chire: Qa-Dios roj, rat ri at rajaw ri qak'aslen qonojel, ¿kan pa kiwi' kami konojel ri awinaq israelita nawelesaj-wi ri awoyowal, toq xa jun ok chike ri achi'a' ri xmakun chawech?, xecha'.

Hebreos 12:9

Toq roj k'a oj kokoj na, ri qatata' xojkipixabaj, y man xeqetzelaj ta roma ri'. Xa kan xqaya' kiq'ij. ¿Y man más ta kami ruk'amon chi niqanimaj rutzij ri qatata' Dios, richin niqil ri k'aslen?

Wuj Richin ri Jeremías 3:15

Xkenya' k'a q'atoy taq tzij pan iwi' ri kan yeqa' chinuwech yin y ja rije' ri xkeq'aton-tzij pan iwi' rix rik'in na'oj y nojibel.

Hechos 20:28

Kan tichajij k'a qa ik'aslen rix, y keri' chuqa' tibanala' kik'in ri molaj qach'alal, achi'el nuben jun yuq'unel kik'in ri rukarne'l, roma ri Loq'olej Espíritu ix ruya'on richin jebel ye'ik'uaj, roma rije' kan e richin chik ri ajaw Jesús, roma kan ja rija' ri xkolo kichin, rik'in ri rukik'el ri xbiyin toq xkamisex.

San Juan 10:11

Y ja yin k'a ri utzilej yuq'unel, y ri jun utzilej yuq'unel nuya' ri ruk'aslen richin utz yek'oje' ri rukarne'l.

San Mateo 9:38

Roma ri' tik'utuj k'a chire ri rajaw ri samaj chi kerutaqa-pe ch'aqa' chik samajela' richin nikik'ol ri tiko'n, xcha' chike.

Ez 37:24

Xtipe k'a jun rey achi'el ri q'asen David, ri nusamajel ri xtiq'aton-tzij pa kiwi' y rija' xtichajin kichin achi'el nuben jun yuq'unel. Y rije' kan jebel xtikinimaj ri nupixa'.

Ez 34:23

Xtinteq-pe jun rijatzul kan ri rey David ri nusamajel richin nok yuq'unel pan iwi'. Rija' xkixruchajij jebel.

1 Sam 12:13

Wakami ja k'a i-rey re' ri xicha' rix. Ri Jehová kan xuya' k'a chiwe ri i-rey ri xik'utuj chuwe.

Deut 31:14

K'ari' ri Jehová xubij chire ri Moisés: Wakami naqaj chik k'a k'o-apo ri q'ij richin ri akamik, roma ri' tataqa' royoxik ri Josué y tak'uaj chupan ri wachoch richin molojri'il, richin xtinbij chire ri ruk'amon chi nuben, xcha'. Keri' ri Moisés y ri Josué junan xebe chupan ri jay richin molojri'il,

1 Rey 5:5

Roma ri' yin wakami ninwajo' ninpaba-q'anej jun rachoch ri Jehová ri nu-Dios, roma kan keri' rubin chire ri nata' toq k'a k'es na rija'. Ri Jehová xubij chire ri nata' chi xtuya' kan jun chike ri ruk'ajol pa ruk'exel rija' chupan ri ruq'atbal-tzij. Y chuqa' xubij chi ri ruk'ajol ri', jari' ri xtipaban-q'anej ri rachoch.

Wuj Richin ri Q'axanri'il 27:15

K'ari' ri Moisés xubij k'a chire ri Jehová:

2 Rey 11:8

Y kan xtisutij-rij ri rey, kan chi'ijujunal rik'in ri ikamisabal pan iq'a'; y xabachike k'a ri nok-apo chi'ikojol rix xtiken. Y kan xkixbe k'a chirij ri rey xabakuchi nrajo' nibe-wi, xcha' ri Joiadá.

Wuj Richin ri Molojri'il 12:7

Kan man k'a tamestaj ri k'iytisanel awichin rokik man jani nok chik ulew ri ach'akul y rokik chuqa' man jani nitzolin rik'in ri Dios ri awánima ri kan richin wi k'aslen ri ya'on-pe chawe roma rija'.

Wuj Richin ri Jeremías 32:27

Ja yin Jehová, Dios kichin konojel ri k'o kik'aslen ri ek'o chuwech re ruwach'ulew. Chinuwech yin kan man jun k'ayew.

Wuj Richin ri Jeremías 38:16

K'ari' ri rey Sedequías xuya' rutzij pan ewel chuwe y xubij: Ninjikiba' nutzij chuwech ri Jehová ri xya'on ri qak'aslen chi man xtinteq ta akamisaxik y man xkatinjech ta pa kiq'a' ri nikajo' yatkikamisaj, xcha'.

Ez 18:4

Roma kan konojel k'a ri winaqi' e wichin yin, chi tata'aj chi alk'ualaxela' kan e wichin yin; y roma ri' ri wineq ri nimakun, xaxe rija' k'o chi niken roma ri rumak.