Wuj Richin ri Q'axanri'il 25:8 - Kaqchiquel Bible

⁸ y xutzeqelibej-el ri achin ri' k'a pa rachoch. Chiri' xuju-wi ri rukamisabal pa kipan, ri ixoq y ri achin. Y k'ari' toq xtane' ri kamik chikikojol ri winaqi' israelita.

Wuj Richin ri Q'axanri'il 25:8 ပူးပေါင်းရင်းမြစ်များ

2 Sam 21:14

Ronojel k'a re baq re' xemuq ri akuchi muqun-wi ri Cis ri rutata' ri Saúl, chiri' pa tinamit Selá chupan ri ruwach'ulew Benjamín. Ri rusamajela' ri David kan xkiben k'a ronojel ri achike xubij rija'. Y k'ari' ri Dios xukuy rumak ri tinamit Israel.

2 Sam 24:25

Chiri' k'a xupaba-wi-q'anej ri porobel richin ri Jehová, y xusuj chikop richin niporox jumul, y sipanik richin nuq'alajirisaj chi junan ruwech rik'in ri Dios. K'ari' ri Jehová xuk'ul ri k'utunik richin ri David pa kiwi' ri ruwinaq. Keri' xk'is-el ri nima-ruk'ayewal pan Israel.

1 Crón 21:22

K'ari' ri David xubij chire: Tak'ayij chuwe re awulew re' rik'in jun utzilej rajel richin yin xtinpaba-q'anej jun porobel richin ninsuj kamelabel chuwech ri Jehová, richin keri' ri Jehová xtrelesaj-el re nimalej yabil re' ri qajineq pa ruwi' ri qatinamit, xcha'.

Wuj Richin ri Malaquías 2:5

Ri jikibel-tzij ri' xuya' k'aslen y uxlanibel-k'u'x. Re' xinya' chire richin nik'oje' ta nukiy chuwech y nuya' ta wejqalen; y rija' kan keri' xuben.

Wuj Richin ri Q'axanri'il 17:13

Roma xabachike k'a ri xtijel-apo rik'in ri rachoch ri Dios ri akuchi k'o-wi ri ruch'ame'y ri Aarón kan xtiken. ¿Xa qonojel ajk'a xqojken ri'?, xecha'.

Wuj Richin ri Q'axanri'il 25:11

Ri Finees ri ruk'ajol ri Eleazar, ri rumam kan ri nimalej sacerdote Aarón, kan xuben k'a chuwe chi xqaqa ruwi' ri woyowal chikij ri awinaq israelita. Rija' chuqa' kan xyakatej royowal achi'el yin, roma ri mak ri', y roma ri' yin man xink'is ta re tinamit.

Wuj Richin ri Q'axanri'il 25:5

K'ari' ri Moisés xubij chike ri to'onela' ri ek'o chikikojol ri kiwinaq, chi chikijujunal kekikamisaj ri achi'a' richin ri kitzobaj ri kan xebe chuya'ik ruq'ij ri Baal-peor.

Wuj Richin ri Josúe 7:26

K'ari' xkiya-q'anej jun molaj abej pa kiwi', ri k'a k'o na chiri' k'a re wakami. Keri' ri Jehová xik'o-qa ri royowal pa kiwi'. Roma ri' ri chiri' xubini'aj taq'aj kojol juyu' richin Acor*f2* k'a re wakami.