Wuj Richin ri Q'axanri'il 25:2 - Kaqchiquel Bible

² roma kan ja k'a ri ixoqi' ri xe'oyon kichin ri winaqi' richin ri tinamit Israel richin nikisuj kamelabel chikiwech ri ki-dios, y rije' kan xewa-xe'uk'ya' kik'in.

Wuj Richin ri Q'axanri'il 25:2 ပူးပေါင်းရင်းမြစ်များ

1 Rey 19:18

Jak'a yin kan e nuch'aron kan e 7,000 winaqi' aj-Israel ri man xexuke' ta chikiwech ri Baal ni man xkitz'ubaj ta, xcha' ri Jehová.

Wuj Richin Bix Chire ri Dios 106:28

Ri israelita xa xkisamajij ri dios Baal-peor. Xkitej ri sipanik ri e sujun chik chikiwech ri dios ri maneq kik'aslen.

Ex 20:5

Man k'a kixxuke' chikiwech rije', ni man tiya' kiq'ij, roma ja yin Jehová ri in i-Dios ri kan man niqa' ta chinuwech richin niya' ruq'ij jun chik. Jak'a wi yiniwetzelaj, ri woyowal yin xkeruq'i' ri iwalk'ual, k'a pa rox o pa rukaj sol.

Ex 22:20

Wi k'o ta jun ri nisuju kamelabel chikiwech ch'aqa' chik dios pa ruk'exel chi nusuj chuwech ri Jehová, kan tikamisex k'a.

Ex 23:24

Man k'a kixxuke' chikiwech ri ki-dios, ni man ke'isamajij, ni man titzeqelibej chuqa' achi'el ri nikiben ri winaqi' ri'. Xa kan ke'iq'umla' k'a el konojel ri wachibel ri e kibanon y ke'iwulaj jumul.

Ex 32:6

Y keri' ri ruka'n q'ij, ri winaqi' kan nimaq'a' yan k'a xeyakatej y xekisuj kamelabel ri yeporox chijun y xekiyala' chuqa' sipanik richin nuq'alajirisaj chi junan kiwech rik'in ri Dios. Y k'ari' xetz'uye' richin xewa-xe'uk'ya' y xeri' xeyakatej-el richin xenimaq'ijun.

Wuj Richin ri Jeremías 40:11

Toq ri aj-Babilonia kichapon oyowal, jari' toq ch'aqa' chike ri winaqi' aj-Judá xe'animej-el. Jujun chike rije' xebe pa ruwach'ulew Moab, ri Amón y ri Edom. Y toq xkak'axaj chi ri rey richin Babilonia xeruya' kan jujun winaqi' pa Judá y ja ri Guedalías ri xk'oje' kan pa kiwi', jari' toq

Os 9:10

Ri Dios nubij: Kan achi'el ri uva ri k'o pa tz'iran ruwach'ulew, keri' xinwil ri tinamit Israel. Kan achi'el k'a ri nabey taq ruwech ri wíkix, keri' xentz'et ri ite-itata'. Jak'a rije' xa kan xkiya' ruq'ij ri Baal-peor, xa xkich'er kan ki' richin xkiya' kik'ix, xa xkiben k'a chi xenwetzelaj kan yin, achi'el ri xekiyala' kiq'ij.

Wuj Richin ri Miqueas 6:5

Nutinamit yin, toqaqa chi'ik'u'x ri xrajo' ta xuben chiwe ri Balac ri rey richin Moab, y ri xubij ri Balaam ri ruk'ajol ri Beor. Chuqa' toqaqa chi'ik'u'x ri xinben iwik'in toq xixq'ax-pe pa Sitim y xixapon pa Guilgal, richin niya' rejqalen ri ch'akonik ri xinya' chiwe yin, xcha' ri Jehová.

1 Corintios 10:20

Ri winaqi' ri nikisuj ri ti'ij ri', xa man chire ta ri Dios nikisuj-wi; xa chike ri itzel taq espíritu nikisuj-wi toq nikiya' chikiwech ri wachibel. Y yin man ninwajo' ta k'a chi niben keri', chi junan iwech niben kik'in ri itzel taq espíritu.

Deut 32:38

¿Akuchi kami ek'o-wi ri i-dios ri nibij chi utz nikiseq ri ruq'anal ri chikop richin ri ikamelabal? ¿Akuchi kami ek'o-wi ri i-dios ri chuqa' nibij chi nikiqum ri isipanik richin vino? ¡Keyakatej k'a richin yixkito' y yixkikol!, xticha' ri Jehová.

Wuj Richin ri Josúe 22:17

¿Kan man jun k'a chiwech rix, toq xojmakun roma xqaya' ruq'ij ri dios Baal-peor? Y k'a re wakami man jani qojch'ajch'ojir chuwech ri Jehová. Roma ri mak ri' rija' xuya' q'ij chi k'iy qawinaq xeken.

Wuj Richin ri Josúe 23:7

richin man nixol ta iwi' kik'in ri winaqi' richin ri tinamit ri k'a ek'o na kan chupan re ruwach'ulew re'. Man tiya' itzij pa kibi' ri ki-dios, ni man ke'isamajij, ni man tiya' kiq'ij y man ke'inataj.

Apocalipsis 2:14

Jak'a k'o jujun ibanobal ri man yeqa' ta chinuwech; chi ri chi'ikojol ek'o ri k'a nikitzeqelibej na ri itzel taq tijonik richin ri Balaam ri xubij chire ri Balac, chi tubana' chike ri judío chi yetzaq pa mak y xubij chike chi kekitija' ri sujun chik chikiwech ch'aqa' chik dios, chi ri achi'a' y ri ixoqi' tikikanola-ki' richin yemakun.