Wuj Richin ri Q'axanri'il 24:17 - Kaqchiquel Bible

¹⁷ Yin xintz'et pa wachik', jak'a man jani tik'uluwachitej. Xtik'uluwachitej k'a, jak'a man jani. Chupan-apo ri q'ij ri' xtibek'oje' jun rey chikikojol ri israelita. Xkeruk'is k'a ri aj-Moab, y xkeruk'is ri e rijatzul kan ri Set ri ek'o pa tz'iran ruwach'ulew.

Wuj Richin ri Q'axanri'il 24:17 ပူးပေါင်းရင်းမြစ်များ

Wuj Richin ri Rutikeribel 49:10

Ri q'atbel-tzij*f32* kan man jun k'a xtitikir xtelesan pa ruq'a' ri Judá, ri cetro richin ri q'atbel-tzij kan man jun xtelesan chire, k'a ja toq xtoqaqa na ri rajaw, k'ari' xtujech chire, y konojel ri winaqi' chuwech ri ruwach'ulew xtikinimaj rutzij.

2 Sam 8:14

Xeri' xeruyala' tzobaj chajinela' pa ruwach'ulew Edom. Y konojel ri aj-Edom xek'oje' chuxe' ri q'atbel-tzij richin ri David. Keri' ri Jehová kan xuya' ch'akonik chire ri David xabakuchi xbe-wi.

2 Sam 8:2

Y xeruch'ek chuqa' ri aj-Moab, y xuben chike ri aj-labal chi xejupe-qa pan ulew pa jun cholaj. K'ari' xuben chi ri ruwinaq xkirik' jun kolo' pa kiwi', y xretaj jun tzobaj ri aj-Moab. Y ri achi'a' ri' xekolotej-el. K'ari' xretaj chik ka'i' mul, y janipe' chike ri achi'a' ri e jupul chuxe' ri kolo', jari' ri xekamisex. Keri' xuben chike k'a xeruk'is na konojel ri e jupul chiri'. Y roma ri' ri aj-Moab xe'ok rusamajela' ri David, y k'o chi xkitoj chire ri k'atzinel.

2 Rey 3:5

Jak'a toq xken ri Acab, ri Mesá xupaba-ri' chuwech ri rey richin ri ruwach'ulew Israel.

1 Crón 18:2

Chuqa' ri David xeruch'ek ri moabita y xeyuqe' pa samaj rik'in y k'o chi xesamej rik'in rija'.

Wuj Richin Bix Chire ri Dios 110:2

Ri Jehová xtunimirisaj ri awajawaren ri chiri' pa Sión. Kan kak'oje' k'a pa kiwi' ri e etzelanel awichin.

Wuj Richin Bix Chire ri Dios 45:6

Ri awajawaren kan ja ri Dios xya'on pan aq'a' richin q'asen. Kan ja rat xkaq'aton-tzij pa ruchojmilal.

Wuj Richin ri Isaías 15:1

Ri Dios xuq'alajirisaj chinuwech ri xtiberuk'uluwachij ri ruwach'ulew Moab. Y jare' ri rutzijol: Ri tinamit Ar kan xtik'is k'a chupan jun aq'a'. Keri' chuqa' ri tinamit Quir.

Wuj Richin ri Isaías 9:7

Ri ruq'atbal-tzij man xtik'is ta, y chuqa' ri uxlanibel-k'u'x ri xtuk'en-pe. Rija' xtibetz'uye' kan pa rutz'uyubal ri David, y xtiberuq'ata-tzij pa ruwi' ri rajawaren rija'. Kan xtiberuq'ata-tzij pa ruchojmilal, y kan nitz'aqet ri xtiberubana' chire. Ri ruq'atbal-tzij, richin tibe-q'ij tibe-seq. Y ri Jehová ri k'o ronojel uchuq'a' pa ruq'a', kan xtutz'et, wi xtibanatej ronojel re'.

Wuj Richin ri Jeremías 48:1

Ri Jehová ri k'o ronojel uchuq'a' pa ruq'a', ri qa-Dios richin Israel, xuya' re rutzijol re' chuwe pa ruwi' ri ruwach'ulew Moab: ¡Toq'ex ruwech ri tinamit Nebo roma xtiwulatej! Chuqa' ri tinamit Quiriataim xtich'akatej y xtiqasex ruq'ij. Ri tz'aq ri k'o chirij ri tinamit ri', kan jumul xtiwulatej.

Wuj Richin ri Jeremías 48:45

Rix ri ix yakatajineq chuwij, ri ix uk'uan-el, xkixapon pa tinamit Hesbón, ri rutinamit kan ri rey Sihón, roma xke'el-pe ri e etzelanel iwichin chiri' achi'el ruxaq q'aq'. Y ri q'aq' ri' xkeruk'et ri taq juyu' richin ri iruwach'ulew Moab.

Wuj Richin ri Zacarías 10:4

Chikikojol k'a rije' xke'el-pe e k'iy aj-raqen, ri xke'ok achi'el abej ri achoq pa ruwi' banon qa jun jay, o achi'el simej che' ri nichapo richin ri jay ri banon rik'in tzieq, o achi'el jun rute-ch'ab ri k'o ruchuq'a' ri nikusex pa labal.

Wuj Richin ri Zacarías 12:10

Xtinben chike ri e aj pa rachoch kan ri David y ri aj-Jerusalem chi xtipe rayinik kik'in richin yech'on wik'in, y xtik'oje' utzil kik'in. Stape' xkiju' jun kum pa nuch'akul, jak'a kan xkinkitzu' chik jun bey. K'ari' xkebison k'a y xke'oq' k'a woma yin, achi'el xa ta niken jun juney ak'ual.

Wuj Richin ri Q'axanri'il 21:29

¡Tijoyowex awech rat Moab! Kan xak'is k'a rat tinamit richin ri dios Quemós. Rat Quemós, xa xaya' q'ij chi ri awinaq achi'a' xe'animej, xa xaya' q'ij chi ri e kimi'al rije' xe'uk'uex pa ximonri'il. Xa xe'uk'uex roma ri Sihón, ri rey kichin ri winaqi' amorreo.

Wuj Richin ri Q'axanri'il 24:16

Yin kan noqaqa-wi ri ruch'abel ri Dios pa nuxikin: Yin kan nuk'ulun etamabel rik'in ri Jehová. Kan nintzu-wi jebel toq kan ninch'ob rij ri Dios: Kan nintzu-wi jebel toq nik'utumej chinuwech ri k'o ronojel uchuq'a' pa ruq'a'.

San Lucas 1:78

Y ri', xaxe roma ri qa-Dios nujoyowaj qawech rik'in ronojel ajowabel. Roma ri' nuteq-pe ri jun ri nosaqirisan qichin, kan achi'el ri q'ij ri nimaq'a' yan ri xtiqaqa-pe chila' chikaj.

Hebreos 1:8

Jak'a chire ri K'ajolaxel nubij:*f3* Ri awajawaren, rat Dios kan richin q'asen y ja rat xkaq'aton-tzij pa ruchojmilal.

Hebreos 7:14

Kan qetaman chi rija' riy-rumam kan ri Judá. Y ri pixa' man nubij ta chi ri e riy-rumam kan ri Judá ye'ok ta sacerdote.

2 Pedro 1:19

Y re', más nukuquba' qak'u'x chi kan qitzij ri kitz'iban kan ri e q'alajirisey ruch'abel ri Dios. Y kan janila k'a ruk'amon chi yeqak'axaj, roma chuwech re ruwach'ulew k'o jun achi'el q'equ'm. Jak'a ri kich'abel rije' kan achi'el jun q'aq' ri nisaqirisan. Y re', nisaqirisan k'a toq xtipe na ri Jesucristo richin noruq'alajirisaj ronojel, achi'el ri nima-ch'umil ri nel-pe ri nimaq'a' yan.

Judas 1:11

Kan toq'ex k'a kiwech ri winaqi' ri', roma xa kan achi'el ri itzel k'aslen ri xuk'uaj ri Caín ojer kan, jari' chuqa' ri kik'uan rije'. Y chuqa' nikiben achi'el xuben ri Balaam ri xa ja ri ch'akoj méro ri xurayij. Chuqa' rije' kan nikipaba-ki' chuwech ri Dios, achi'el xuben ri Coré y roma ronojel ri mak ri', xkek'is konojel.

Apocalipsis 1:7

Roma ri Cristo kan xtipe na wi pa sutz' y qonojel xqojtz'eton richin, chuqa' ri winaqi' ri xeya'on richin pa kamik kan xtikitz'et. Kan konojel winaqi' ri ek'o chijun ruwach'ulew xke'oq' toq xtikitz'et rija'. Ja', kan keri' wi xtibanatej.

Apocalipsis 11:15

Y jari' k'a toq ri ruwuq ángel xuxupuj ri trompeta. Y ri ek'o chila' chikaj rik'in uchuq'a' xech'on-pe, y xkibij: Ri ajawaren richin ri ruwach'ulew wakami richin chik ri Dios ri qajaw, y richin ri Jesús ri Cristo. Kan rija' ri xtiq'aton-tzij pa kiwi' ri winaqi' richin tibe-q'ij tibe-seq, xecha'.

Apocalipsis 22:16

Yin Jesús, nutaqon k'a ri nu-ángel richin nuq'alajirisaj ronojel re' chiwech rix ri molaj nimanela'. Ja yin k'a ri in riy-rumam kan ri rey David ri k'o chi xtipe. Ja yin chuqa' ri achi'el nima-ch'umil ri niyik'lun nimaq'a-yan, xcha'.

1 Sam 14:38

K'ari' ri Saúl xubij chike ri rijita'q taq achi'a' ri k'o kiq'ij: Kixjel-pe, y titz'eta' ri achike xmakun chuwech ri Dios.