Wuj Richin ri Q'axanri'il 24:14 - Kaqchiquel Bible

¹⁴ Wakami, yin kan jare' k'a xkitzolej-el, richin yibe kik'in ri nuwinaq. Jak'a pa nabey ninbij k'a kan chawe ri achike xtuben re jun tinamit re' chire ri atinamit rat re chiqawech-apo, xcha'.

Wuj Richin ri Q'axanri'il 24:14 ပူးပေါင်းရင်းမြစ်များ

Wuj Richin ri Rutikeribel 49:1

Ri Jacob xeroyoj k'a apo rik'in, konojel ri ruk'ajol y k'ari' xubij chike: Kixjel-pe wik'in richin xtinbij kan chiwe ri achike xtik'uluwachila' ri chiwech-apo.

Wuj Richin ri Isaías 24:22

Xtimol kichi' rik'in ch'olinik. Xke'uk'uex-el achi'el xa ta xke'uk'uex-el pa ximonri'il. Chupan ri q'ij ri' xkeya'ox pa cárcel, y chirij k'iy juba' q'ij xkeya'ox pa ruk'ayewal.

Wuj Richin ri Jeremías 48:47

Jak'a ri pa ruk'isibel, yin xkixinkol-pe y xtinya' urtisanik pan iwi'. Yin Jehová ri yibin, xcha' ri Dios. Jare' ri rutzijol ri rutojbalil-mak ri xtiqaqa pa kiwi' ri aj-Moab.

Wuj Richin ri Jeremías 49:39

Jak'a chiqawech-apo, yin kan xtinya' chik urtisanik pan iwi'. Yin Jehová ri yibin, xcha' ri Dios.

Dn 10:14

Wakami, in peteneq richin nonq'alajirisaj chawech ri xtipe pa ruwi' ri atinamit chawech-apo, roma ri xk'utumej chawech xa kan richin k'a ri q'ij ri', xcha'.

Dn 2:28

Jak'a, kan k'o jun Dios ri k'o chila' chikaj ri niq'alajirisan ronojel ri e ewatel. Rija' xtiq'alajirisan chawech ri xtik'uluwachitej chiqawech-apo. Wakami k'a xtinq'alajirisaj ri awachik' y ri nel chi tzij.

Os 3:5

Chirij ri' xketzolej chik pe ri israelita, kan xtikikanoj chik k'a ri Jehová ri ki-Dios. Xtikikanoj k'a ri ki-rey chikikojol ri e rijatzul kan ri David. Chupan ri ruk'isibel taq q'ij kan xtikik'en rukiy ri Jehová. Kan xkekikot k'a rik'in ronojel ri rubanon rija' kik'in.

Wuj Richin ri Miqueas 6:5

Nutinamit yin, toqaqa chi'ik'u'x ri xrajo' ta xuben chiwe ri Balac ri rey richin Moab, y ri xubij ri Balaam ri ruk'ajol ri Beor. Chuqa' toqaqa chi'ik'u'x ri xinben iwik'in toq xixq'ax-pe pa Sitim y xixapon pa Guilgal, richin niya' rejqalen ri ch'akonik ri xinya' chiwe yin, xcha' ri Jehová.

Wuj Richin ri Q'axanri'il 24:17

Yin xintz'et pa wachik', jak'a man jani tik'uluwachitej. Xtik'uluwachitej k'a, jak'a man jani. Chupan-apo ri q'ij ri' xtibek'oje' jun rey chikikojol ri israelita. Xkeruk'is k'a ri aj-Moab, y xkeruk'is ri e rijatzul kan ri Set ri ek'o pa tz'iran ruwach'ulew.

Wuj Richin ri Q'axanri'il 24:25

K'ari' xyakatej-el y xtzolej pa ruruwach'ulew; y chuqa' ri Balac xuchop-el ri rubey y xtzolej-el.

Hechos 2:17

chupan ri rutz'iban kan rija', ri Dios nubij:*f5* Chupan ri ruk'isibel taq q'ij, xtinya-pe ri Loq'olej Espíritu pan iwi' chi'iwonojel rix. Y chi xtani' chi alaboni' xtikiq'alajirisaj ri ninbij chike. Y ri k'a e k'ajola', pa jun achi'el achik' xtikitz'et ri ninq'alajirisaj chike. Y ri achi'a' e rijita'q chik, pa kachik' k'a ri k'o xkenq'alajirisaj chike.

2 Timoteo 3:1

Jantape' tik'oje' chi'ak'u'x chi chupan ri ruk'isibel taq q'ij xtipe janila ruk'ayewal.

Wuj Richin ri Josúe 13:22

Y chikikojol ri xekikamisaj ri israelita, xken chuqa' ri achin ri nubananej chi nuq'alajirisaj ri peteneq, ri rubini'an Balaam ralk'ual ri Beor.

Apocalipsis 2:10

Man tixibij-iwi' chuwech ri tijoj-poqonal ri xtipe pan iwi' ri chiwech-apo. Roma ri Itzel-Wineq xtuben chi ek'o jujun chiwe rix xkeruya' pa cárcel richin chi yerutejtobej. Lajuj k'a q'ij ri xkixk'oje' pa tijoj-poqonal. Jak'a kan kow kixk'oje' k'a toq xkixapon na chuwech ri kamik. Y yin xtinya' jun sipanik richin ch'akonik chiwe y ri' ja ri k'aslen ri man k'isel ta.

Apocalipsis 2:14

Jak'a k'o jujun ibanobal ri man yeqa' ta chinuwech; chi ri chi'ikojol ek'o ri k'a nikitzeqelibej na ri itzel taq tijonik richin ri Balaam ri xubij chire ri Balac, chi tubana' chike ri judío chi yetzaq pa mak y xubij chike chi kekitija' ri sujun chik chikiwech ch'aqa' chik dios, chi ri achi'a' y ri ixoqi' tikikanola-ki' richin yemakun.