Wuj Richin ri Q'axanri'il 23:24 - Kaqchiquel Bible

²⁴ Rije' kan xkebeyakatej-pe achi'el jun koj ri janila ruchuq'a'. Rije' man ye'uxlan ta, k'a toq k'o na jun ri kichapon. Man nikiq'et ta ki' k'a toq kik'uxun ri etzelanel kichin, y kiqumun chik kikik'el konojel ri xekikamisaj,

Wuj Richin ri Q'axanri'il 23:24 ပူးပေါင်းရင်းမြစ်များ

Wuj Richin ri Rutikeribel 49:9

Rat Judá, at achi'el kape jun alaj koj, nuk'ajol yin, at achi'el jun alaj koj ri peteneq pa kanonik, niwune' y nikotz'e-qa pan ulew achi'el jun nimalej achij koj, achi'el chuqa' jun nimalej ixoq koj, ri man jun nitikir nijel-apo rik'in richin nuk'asoj.

Wuj Richin ri Rutikeribel 49:27

Ri Benjamín achi'el tipe jun nimalej utiw ri ronojel nuk'uaj-el, nimaq'a' nutej ri ruk'uan-el, tiqaq'ij nutaluj-el ri man nutej ta chik, xcha' ri Jacob.

Apocalipsis 5:5

Jari' toq jun chike ri achi'a' ri k'o kiq'ij xubij chuwe: Man chik k'a katoq', roma ri koj richin ri tzobaj richin Judá, ri riy-rumam kan ri rey David, ri ch'akowineq chik, kan ruk'amon richin nrelesaj ri wuqu' tz'apebel ri k'o chirij ri wuj y nujeq, xcha' chuwe.

Wuj Richin ri Zacarías 12:6

Chupan k'a ri q'ij ri' xkik'oje' kik'in ri aj-raqen ri' richin xkekik'is konojel ri ajawaren ri ek'o chikinaqaj, achi'el xa ta racheq-q'aq' chukojol si', y achi'el xa ta q'aq' chikikojol boraj trigo. Jak'a ri aj-Jerusalem xkejike' ri akuchi ek'o-wi.

Wuj Richin ri Q'axanri'il 24:17

Yin xintz'et pa wachik', jak'a man jani tik'uluwachitej. Xtik'uluwachitej k'a, jak'a man jani. Chupan-apo ri q'ij ri' xtibek'oje' jun rey chikikojol ri israelita. Xkeruk'is k'a ri aj-Moab, y xkeruk'is ri e rijatzul kan ri Set ri ek'o pa tz'iran ruwach'ulew.

Wuj Richin ri Nahum 2:11

¿Akuchi kami ixk'o-wi rix aj-Nínive, ri ix achi'el koj? ¿Akuchi kami k'o-wi kan ri isok akuchi xik'iytisaj-wi ri taq alaji' koj? ¿Y akuchi kami k'o-wi ri isok ri xixk'oje' chupan ojer, chi achij, chi ixoq y chi alaji' y kan man xixibij ta iwi'?

Am 3:8

Toq ri koj niwuyin, konojel ri winaqi' nikixibij-ki'. Y toq yin yich'on, ri q'alajirisey nuch'abel k'o chi nubij ri xinbij chire.

Dn 2:44

Chupan k'a ri q'ij toq ri winaqi' richin chijun ruwach'ulew k'o chik ri q'atbel tzij kik'in, jari' k'a toq ri Dios xtoruya-qa jun q'atbel-tzij ri kan richin rija' ri man jun xtiwulan richin. Ri q'atbel-tzij ri' kan man xtiya'ox ta k'a pa kiq'a' ri winaqi'. Kan xkeruk'is k'a ronojel ri q'atbel taq tzij ri ek'o chuwech ri ruwach'ulew, y ja ri q'atbel-tzij richin rija' ri xtik'oje' jantape'.

Wuj Richin ri Isaías 31:4

Ri Jehová k'iytisanel richin ronojel xubij chuwe chi kan xtipe pa ruwi' ri juyu' Sión richin xtorubana' oyowal richin xtuto' ri rutinamit, achi'el nuben jun koj toq rukamisan chik jun karne'l, y kan niq'ajan-pe chirij ri napon-apo rik'in. Y stape' xtikimol-ki' e k'iy yuq'unela' chirij rija', man xtuxibij ta ri', ni man jun chire rija' ri kiraqoj-chi'ij ri yuq'unela'.

Wuj Richin Etamabel-Tzij 30:30

Ri jun, ja ri koj, ri chikop ri k'o más ruchuq'a' chikiwech ri junan kichakalen; ri kan man jun achoq chuwech ri nuxibij ta ri'.

Wuj Richin Bix Chire ri Dios 17:12

Rije' e achi'el jun koj ri royoben richin k'o niqaqa pa ruq'a', chuqa' achi'el ri alaj koj ri rewan-ri' richin niq'eleben.

Deut 33:20

Rix ri tzobaj richin Gad: Ri Jehová xtiya'on ri nima-ruwach'ulew chiwe; y roma ri' tiya' ruq'ij. Rix kan ye'iq'elebej ri e etzelanel iwichin achi'el nuben jun koj, kan yerujoq' ri kiq'a' y ri kijolon.

Wuj Richin ri Q'axanri'il 23:25

K'ari' ri Balac xubij chire ri Balaam: Wi xa man nawajo' nawoyoj itzel pa ruwi' re tinamit re', utz k'ari', xaxe man tawurtisaj chuqa', xcha' chire.

Wuj Richin ri Nahum 2:12

Rix aj-Nínive, ri kan ix achi'el koj ri ojer kan; ri kan ye'ikamisaj ch'aqa' chik chikopi' richin ye'iya' chike ri alaji', richin ye'iya' chike ri ixoqi' taq koj. Y ri isok kan inojisan chi chikopi' ri e kaminaqi' chik.

1 Rey 10:20

Chikiwech-pe ri ka'i' wachibel ri', k'o chik pe ka'i' cholaj kiwachibel koj, jujun koj pa jujun grada, y keri' kibanon chi ka'i' rutza'n ri grada. Ri kajlabal ri ka'i' cholaj wachibel ri' e kablajuj. Kan man jun chik k'a q'atoy-tzij pan Israel ri xbanon jun tz'uyubel richin q'atbel-tzij achi'el ri xuben rija'.

2 Crón 9:18

Ri rutz'uyubal k'a pa waqi' grada k'o-wi-el, y xuya' jun rupalibal ri nojisan-rij rik'in q'anapueq, y ri pa ruxikin k'o ri akuchi yeruya-wi ri ruq'a', y ri tz'uyubel ri' k'o chikikojol ka'i' kiwachibel koj ri e pa'el.