Wuj Richin ri Q'axanri'il 23:19 - Kaqchiquel Bible

¹⁹ Ri Dios man junan ta rubanik rik'in jun achin y nutz'uk ta tzij, rija' man wineq ta richin chi nujel ruch'obonik. Ronojel ri nusuj rija', kan nuben-wi. Toq nich'on k'a rija', kan nibanatej-wi.

Wuj Richin ri Q'axanri'il 23:19 ပူးပေါင်းရင်းမြစ်များ

1 Sam 15:29

Roma ri Jehová ri niqaya' ruq'ij roj, man nutz'uk ta tzij, ni man nutzolij ta ri' chirij achi'el jun wineq, xcha'.

Santiago 1:17

Ronojel sipanik niqaqa-pe chila' chikaj rik'in ri Dios ri xbanon ri saqil, achi'el ri q'ij, ri ik', ri ch'umila'. Ri Dios man jun bey nijalatej achi'el nijalatej ri mach'ach'il.

Wuj Richin ri Malaquías 3:6

Ri Dios nubij: Roma yin man jun bey yijalatej ta, roma ri' man ix k'isineq ta qa chuwech re ruwach'ulew. Kan pa kiq'ijul kan ri iwati't-imama' ich'aron kan iwi' chire ri nupixa', y man itaqen ta. Wakami k'a ninbij chiwe chi titzolej-pe ik'u'x wik'in, y yin xkitzolej chik iwik'in. Jak'a rix xa nibij: ¿Achike k'a rubanik chi yojtzolej awik'in?, yixcha'.

Hebreos 6:18

Ri Dios, kan qitzij wi ri nubij y man nitikir ta nutz'uk-tzij chirij ri rusujun y ri ya'on-tzij ri rubanon. Roma ri' k'o oyobenri'il qik'in roj pa ruwi' ri peteneq chiqawech.

Tito 1:2

Y rik'in ri' kan qoyoben k'a ri utzilej k'aslen ri man jun bey xtik'is. Y ja k'aslen ri' ri sujun roma ri Dios ojer kan toq k'a man jani k'o ta re ruwach'ulew. Y kan nuya-wi, roma ri Dios kan nuben-wi ri rubin.

Romanos 11:29

Roma toq ri Dios nuya', kan man nrelesaj ta chik. Y toq nroyoj ri rutinamit, kan man nutzolij ta ri' chirij.

San Lucas 21:33

Re ruwach'ulew y ri kaj kan richin-wi yek'is. Jak'a ri nuch'abel man xtik'is ta choj keri'.

Wuj Richin ri Habacuc 2:3

Stape' re yinajin chubixik chawe, kan k'a niyaloj na juba' richin nibebanatej Man rik'in ri' kan xtapon k'a ri q'ij richin kan xtibebanatej. Rat kan tawoyobej k'a, roma xa kan xtapon k'a ri q'ij ri'.

Wuj Richin Bix Chire ri Dios 89:35

Kan xinjikiba' k'a richin q'asen, kan man xtinq'ol ta k'a ri David.

Os 11:9

Wakami xa man xtinben ta k'a ri nuch'obon ninben roma woyowal. Kan man xtinya' ta chik k'a ruk'ayewal pan iwi'. Roma yin kan in Dios y man in wineq ta. Ja yin ri in loq'olej ri ink'o chi'ikojol rix, roma ri' kan man xtinya' ta chik ri ruk'ayewal pan iwi', nicha' ri Dios.

Wuj Richin ri Miqueas 7:20

Jehová, jantape' ta k'a xtaya' pa qawi' ri awajowabal ri xasuj chire ri Abraham y ri Jacob. Ronojel ri xasuj chike ri qati't-qamama' ojer kan, jari' ta k'a ri xtaya' pa qawi' roj wakami.

1 Crón 17:17

Y pa ruwi' re', chawech rat kan ti juba' ok: Nata' Dios, kan xach'on yan chikij ri nuk'ajol yin, ri in asamajel. Y chuqa' kan xinatz'et achi'el jun achin ri kan k'o rejqalen. ¡Jehová Dios!

Romanos 9:6

Man tiqach'ob k'a chi ri Dios man rubanon ta ri rusujun. Roma man konojel ta ri e rijatzul ri Israel ri kan e qitzij e ruwinaq ri Dios.

2 Timoteo 2:13

Jak'a stape' roj niqamalij kan, rija' man xqojrumalij ta kan, roma rija' kan keri'.

Hebreos 7:21

Y toq ri Jesús xok sacerdote, jari' toq ri Dios xuya' rutzij, achi'el ri nubij chupan ri ruch'abel:*f19* Ri Jehová xuya' ri rutzij y man xtutzolij ta ri' chirij. Xubij k'a chire: Ja rat ri at sacerdote richin q'asen achi'el rubanik xinben rik'in ri Melquisedec.

Santiago 4:5

Jak'a chupan ri ruch'abel ri Dios, nubij chi rija' janila yojrajo' roma ri ru-espíritu ri ruya'on qik'in.

Wuj Richin ri Rutikeribel 28:15

Jare' ink'o awik'in y xabakuchi xkabe-wi in beneq awik'in, y xkatink'en chik pe jun bey chupan re ruwach'ulew re', man xkatinya' ta kan, k'a toq xtinben awik'in ri xinbij chawe, xcha' ri Dios chire.

Wuj Richin ri Q'axanri'il 14:35

Yin, Jehová, kan nubin wi k'a, chi kan keri' ri xtinben kik'in konojel ri winaqi' ri e banoy etzelal; rije' kan xeyakatej chuwij re wawe' chupan re tz'iran ruwach'ulew y roma ri' kan xkek'is y xkeken kan re wawe', xcha'.

Wuj Richin ri Q'axanri'il 23:18

Y ri Balaam xuq'alajirisaj k'a ri ruch'abel chike y xubij k'a: Kan tawak'axaj k'a rat Balac, Rat, ruk'ajol ri Sipor, tawak'axaj k'a jebel ri achike xtinbij chawe.

Wuj Richin Bix Chire ri Dios 89:34

Yin kan xtinben-wi ri nujikibel-tzij ri nubanon rik'in. Kan xtinben ronojel ri nubin.

Wuj Richin Bix Chire ri Dios 110:4

Ri Jehová xuya' ri rutzij y man xtutzolij ta ri' chirij. Kere' xubij: Ja rat ri at sacerdote richin q'asen achi'el rubanik xinben rik'in ri Melquisedec, xcha' chawe.

Wuj Richin ri Isaías 21:17

Y kan e juba' ok ri aj-labal ri xkek'ase' kan. Kan ja ri Jehová ri qa-Dios richin Israel ri nibin.

Wuj Richin ri Isaías 31:2

Jak'a rija' kan aj-na'oj-wi, y kan xtuya' ri ruk'ayewal pan iwi'. Ri nubij, kan nuben y man xtutzolij ta ri' chirij. Rija' kan xtuya' rutojbalil pa kiwi' ri winaqi' ri e banoy etzelal, y chuqa' xtuya' rutojbalil pa kiwi' ri yeto'on kichin.

Wuj Richin ri Isaías 40:8

Ri q'ayis xa nichaqi'j-qa, y ri kotz'i'j xa nimayamo-qa. Jak'a ri ruch'abel ri qa-Dios kan richin tibe-q'ij tibe-seq.

Wuj Richin ri Isaías 46:11

Yin xtinwoyoj jun achin ri nipe kere' pa relebel-q'ij. Rija' xtipe anineq, achi'el nuben jun kot. Xtipe k'a kela' chire ri ruwach'ulew ri más nej, ri xtibanon ri nuch'obon chi ninben. Yin xich'on, y yin xtinben richin chi nibanatej. Kan jare' ri nuch'obon, y kan xtinben.

Wuj Richin ri Isaías 55:11

Keri' chuqa' ri ch'abel ri ninbij yin, xa kan man nitzolin ta choj keri', y man jun ta samaj nuben, jak'a kan nuben ri ninwajo' yin y kan nuben ri ninbij chire.

Wuj Richin ri Jeremías 4:28

Y roma ri wululen ri', ri ruwach'ulew xtik'oje' pa bis y ri kaj kan xtiq'equmer ruwech. Roma xinbij, xinch'ob y man xtintzolij ta wi' chuwij, kan man xtinjel ta chik ri nuch'obonik.

Dn 4:28

Xapon k'a ri q'ij y kan keri' xbanatej wik'in.

Wuj Richin ri Rutikeribel 26:3

Rokik ri' kak'oje' na juba' chupan re ruwach'ulew re'. Yin kan xkik'oje' awik'in y xtinya' urtisanik pan awi', roma chawe rat y chike ri awijatzul xtinya-wi kan re ruwach'ulew re', richin keri' xtinben achi'el toq xinya' nutzij chire ri atata' toq k'a k'es na.

Wuj Richin ri Josúe 21:45

Kan man jun k'a ch'abel ri man ta xbanatej chire ronojel ri rusujun ri Jehová chike ri e rijatzul kan ri Israel; kan ronojel k'a xbanatej.

1 Sam 3:12

Toq xtapon k'a ri q'ij ri', xtinbenbana' ri nubin chire ri Elí, pa kiwi' ri aj pa rachoch y pa kiwi' ri e rijatzul.

1 Rey 14:11

Xabachike chike ri aj pan awachoch ri xtiken chupan ri tinamit, xketij koma ri tz'i', y ri xkeken pa juyu' xketij koma aj-xik' taq chikopi'; roma keri' rubin ri Jehová.

2 Rey 7:2

Y ri to'onel richin ri rey xubij chire ri Eliseo: Stape' ri Jehová nujeq ta pe ri kaj richin yojrutzuq, man xtibanatej ta ri nabij, xcha'. Jak'a ri Eliseo xubij: Rat kan xtatz'et rik'in ri runaq' taq awech; jak'a kan man jun xtatej chire ronojel re', xcha'.

2 Rey 15:12

Y re' kan xbanatej achi'el rubin ri Jehová chire ri Jehú, toq xubij: Xaxe ri rukaj sol kichin ri ak'ajol xke'apon pa q'atbel-tzij richin Israel, xcha'. Y kan keri' xbanatej.

Wuj Richin Bix Chire ri Dios 77:9

¿Kan xumestaj kami ri rujoyowanik? ¿Kan rik'in ta k'a royowal xtutanaba' kan ri rujoyowanik pa nuwi'?, xicha-qa.

Wuj Richin Bix Chire ri Dios 132:11

Rat xajikiba' k'a atzij chire ri David y kan man xtatzolij ta k'a awi' chire re jikibel-tzij re' rat xabij k'a chire chi ja ri e rijatzul rija' ri xketz'uye' chupan ri tz'uyubel richin ri q'atbel-tzij.