Wuj Richin ri Q'axanri'il 23:14 - Kaqchiquel Bible

¹⁴ K'ari' ri Balac xuk'uaj-el ri Balaam pa jun ulew rubini'an Sofim, pa ruwi' ri juyu' Pisgá. Y kan xaxe xe'apon chiri', ri Balac kan jari' xerupaba' chik q'anej wuqu' porobel richin kamelabel y xusuj jun nima-alaj achij wákix y jun achij karne'l pa kiwi' chikijujunal ri porobel richin niporox chijun.

Wuj Richin ri Q'axanri'il 23:14 ပူးပေါင်းရင်းမြစ်များ

Os 12:11

Ri winaqi' richin Galaad xa ja ri dios ri man e qitzij ta ri xekitzeqelibej. Ri winaqi' ri ek'o pa Guilgal xekisuj k'a richin kamelabel ri achija' taq wákix. Ri kiporobal rije' xa ruyon k'a mulumeq taq abej ri ek'o chukojol boloj ulew richin pa juyu'.

Wuj Richin ri Isaías 46:6

Ek'o jujun winaqi' nikelesaj janila q'anapueq pa taq kik'ojelibal, y niketaj saqipueq chupan jun etabel. K'ari' nikikanoj jun samajiy q'eqapueq richin nuben jun dios chire richin yexuke' chuwech y nikiya' ruq'ij.

Deut 34:1

Chirij ri' ri Moisés xel k'a el chiri' pa taq'aj richin ri Moab y xjote-el pa ruwi' jun chike ri juyu' Pisgá y xapon pa ruwi' ri juyu' Nebo, ri k'o chuwech-apo ri Jericó. Chiri' ri Jehová xuk'ut chuwech chijun ri ruwach'ulew Canaán, ri nitiker-el pa Galaad y napon k'a pa Dan.

Deut 4:49

y chupan ri ruwach'ulew ri' k'o ri taq'aj Arabá ri napon k'a pa xokon chuchi' ri Tzayi-Choy y napon k'a pa relebel-q'ij chire ri juyu' Pisgá.

Deut 3:27

Kajote-el pa ruwi' ri juyu' Pisgá, y katzu'un ri pa xaman, ri pan xokon, ri pa relebel-q'ij y ri pa qajbel-q'ij y tatzu' kan jebel, roma rat kan man xkaq'ax ta apo juk'an chire ri raqen-ya' Jordán.

Wuj Richin ri Q'axanri'il 23:29

Y ri chiri', ri Balaam xubij chire ri Balac chi tupaba' chik wuqu' porobel y chi tubana' kichojmil wuqu' nima-alaji' achija' taq wákix y chuqa' e wuqu' achija' karne'l.

Wuj Richin ri Q'axanri'il 21:20

Y toq xe'el chik k'a el ri chiri' pa Bamot, xe'apon ri pa taq'aj ri k'o chupan ri ruwach'ulew Moab, pa ruwi-el ri juyu' rubini'an Pisgá ri akuchi niq'alajin chijun ri tz'iran ruwach'ulew.

Wuj Richin ri Q'axanri'il 23:13

Y kan jari' toq ri Balac xubij chik chire: Jo' chuwij ri akuchi xa kan xaxe-ok juba' chire ri tinamit Israel ri xtatz'et y jari' ri tak'utuj itzel oyonik pa kiwi', xcha'.

Wuj Richin ri Q'axanri'il 23:15

K'ari' ri Balaam xubij chire ri Balac: Kak'oje' na kan rik'in re akamelabal y yin yibech'on na chik rik'in ri Dios, xcha'.