Wuj Richin ri Q'axanri'il 22:6 - Kaqchiquel Bible

⁶ Nink'utuj k'a utzil chawe chi katanpe y tawoyoj itzel pa ruwi' re jun tinamit re', roma kan q'alaj chi más kuchuq'a' chiqawech roj. Roma yin kan wetaman chi toq rat nawoyoj urtisanik pa ruwi' jun, kan keri' nibanatej y toq nawoyoj etzelanik pa ruwi' jun, kan keri' chuqa' ri nibanatej. Rik'in juba' rik'in ri jun etzelanik ri', yojtikir yeqakamisaj y yeqelesaj-el chupan re ruwach'ulew re', xcha-el ri Balac.

Wuj Richin ri Q'axanri'il 22:6 ပူးပေါင်းရင်းမြစ်များ

Wuj Richin ri Rutikeribel 12:3

Y xkenwurtisaj ri xke'urtisan awichin rat. Y ri xtikoyoj itzel pan awi', chuqa' yin xtinya' itzel pa kiwi'. Y awoma k'a rat xkenwurtisaj konojel jay winaqi' richin chijun ruwach'ulew, xcha'.

Wuj Richin ri Rutikeribel 27:29

Y xkatkisamajij k'a konojel ri tinamit. y ri tzobaj winaqi' richin nima'q taq ruwach'ulew xkexuke' k'a chawech; Jak'a rat ri xkak'oje' pa kiwi' ri awach'alal, y kan xtikiqasaj k'a ki' chawech konojel ri e ral ri ate'. Xtiqaqa etzelanik pa kiwi' ri xke'etzelan awichin; y jebel ruwa-kiq'ij ri xke'ajowan awichin, xcha'.

1 Rey 22:13

Y toq xapon ri oyonel rik'in ri Micaías, xubij chire: Konojel ri e q'alajirisey ruch'abel ri qa-Dios junan ri ch'abel nikibij chire ri rey, chi ja rija' xtibech'akon. Wakami k'a ri ach'abel rat kan ta k'a achi'el ri kich'abel rije', xcha'.

1 Rey 22:6

Y k'ari' ri Acab xerumol konojel ri e q'alajirisey ruch'abel ri ki-dios, y xkimol k'a ki' e 400 achi'a', y xuk'utuj chike: ¿Utz kami chi yibe richin ninbenbana' oyowal pa ruwi' ri Ramot ri k'o pa Galaad, o xa ninmalij-qa?, xcha'. Y rije' xkibij chire chi utz nibe roma ri kajaw kan xtujech pa ruq'a'.

1 Rey 22:8

Y ri Acab xubij chire ri Josafat: K'a k'o na kan jun achin rubini'an Micaías ruk'ajol ri Imlá ri achoq ik'in niqak'ulubej-wi achike nubij ri Jehová, jak'a yin kan itzel nina' chire roma man jun bey nuk'en ta pe utzilej taq rutzijol chuwe, xcha'. Y ri Josafat xubij chire ri Acab chi man tich'on itzel chirij ri achin ri'.

Wuj Richin ri Nehemías 13:2

Kere' xban chike, roma rije' ojer kan man xekik'ul ta ri qate-qatata' rik'in kiway-kuk'ya'. Pa ruk'exel ri' xa xkitoj ri Balaam richin ta chi xroyoj ri itzel pa kiwi'. Jak'a ri qa-Dios xa xuya' urtisanik pa kiwi' ri qate-qatata' y man ja ta ri etzelal.

Wuj Richin Bix Chire ri Dios 109:28

Tikibana' k'a ri itzel taq oyonik rije', jak'a rat kan kinawurtisaj k'a yin. Ri e yakatajineq chuwij ja ta k'a rije' ri xkek'ixbitej, y jak'a yin ri in asamajel kan ta k'a xkikikot.

Wuj Richin Etamabel-Tzij 26:2

Kan achi'el k'a ri ti tz'unun ri nirumum pa kaq'iq', o ri ti buqul-sib ri nisumum niq'ax, xa keri' nuben ri ruk'ayewal, ri xa wineq noyon pa ruwi' jun chik ri xa maneq rumak.

Ez 13:6

Nikibij chi k'o ri nik'utumej chikiwech, jak'a xa yesach. Nikibij ri peteneq chikiwech-apo, jak'a xa man qitzij ta ri nikibij. Kan pa nubi' yin yech'on-wi, jak'a xa man ja ta yin ri in taqayon-el kichin. Y pa ruwi' ri', kan nikoyobej chi nibanatej ri nikibij.

Wuj Richin ri Miqueas 6:5

Nutinamit yin, toqaqa chi'ik'u'x ri xrajo' ta xuben chiwe ri Balac ri rey richin Moab, y ri xubij ri Balaam ri ruk'ajol ri Beor. Chuqa' toqaqa chi'ik'u'x ri xinben iwik'in toq xixq'ax-pe pa Sitim y xixapon pa Guilgal, richin niya' rejqalen ri ch'akonik ri xinya' chiwe yin, xcha' ri Jehová.

Wuj Richin ri Q'axanri'il 22:12

K'ari' ri Dios xubij chire ri Balaam: Man kabe kik'in re achi'a' re', richin chi nabeya' ri jun itzel oyonik pa ruwi' ri tinamit ri', roma ri tinamit ri' kan k'o ri wurtisanik yin pa kiwi', xcha' ri Dios.

Wuj Richin ri Q'axanri'il 22:17

Roma kan qitzij ninbij chawe chi kan k'iy rajel ruk'exel ri xtinya' chawe y ronojel k'a ri xtak'utuj kan xtinya' chuqa' chawe. Xaxe katanpe y tawoyoj itzel pa ruwi' re tinamit re', nubij ri Balac, xecha' rije'.

Wuj Richin ri Q'axanri'il 23:13

Y kan jari' toq ri Balac xubij chik chire: Jo' chuwij ri akuchi xa kan xaxe-ok juba' chire ri tinamit Israel ri xtatz'et y jari' ri tak'utuj itzel oyonik pa kiwi', xcha'.

Wuj Richin ri Q'axanri'il 23:27

Y ri Balac xubij chik chire ri Balaam: Rik'in juba' man xqa' ta chuwech ri Dios chi nawoyoj itzel pa ruwi' ri Israel re wawe'. Nink'utuj k'a utzil chawe richin yabe chuwij y yojbe juk'an chik. Rik'in juba' chiri' ri Dios kan nuya' q'ij chawe, xcha' chire.

Wuj Richin ri Q'axanri'il 24:9

Rix kan yixuxlan achi'el jun koj; y man jun nik'ason richin. ¡Kan xtiqaqa k'a urtisanik pa kiwi' ri ye'urtisan iwichin: Kan xtiqaqa k'a etzelanik pa kiwi' ri yerayin itzel pan iwi'!

Hechos 16:16

Jun bey k'a toq qachapon-el bey richin yojbe k'a ri akuchi niban-wi ch'owen rik'in ri Dios, xqak'ul jun xten aj-ik' ri loq'on. Re xten re' k'o k'a jun itzel espíritu rik'in, y jari' ri nibanon chire chi nitikir nubij ri xtikik'uluwachila' ri winaqi'. Nuben chi nuch'ek ruméro, y ri méro ri' napon pa kiq'a' ri rajaw.

Deut 23:4

roma toq roj xojq'ax chunaqaj ri kiruwach'ulew, toq oj eleneq-pe pan Egipto, rije' man xkisuj ta juba' qaway, ni juba' qaya'. Y chuqa' xkitoj ri Balaam, ruk'ajol ri Beor, ri peteneq pa Petor richin ri Mesopotamia, richin tuya' jun etzelanik pa qawi'.

Wuj Richin ri Josúe 24:9

Y ri Balac rey kichin ri aj-Moab ruk'ajol ri Sipor xyakatej k'a pe richin nuben oyowal iwik'in rix. Y chuqa' xuteq royoxik ri Balaam, ri ruk'ajol ri Beor, richin xroyoj ta itzel pan iwi' rix.

1 Sam 17:43

Y xubij k'a: ¿In tz'i' kami yin richin ak'amon-pe jun che' chuwij?, xcha'. Y pa kibi' ri ru-dios, xroyoj itzel pa ruwi' ri David.