Wuj Richin ri Q'axanri'il 22:36 - Kaqchiquel Bible

³⁶ Y toq ri Balac xrak'axaj chi ri Balaam beneq, xel-pe chuk'ulik k'a pa jun tinamit richin ri Moab, ri k'o chunaqaj ri ruk'ulba't ri ruwach'ulew, chiri' pan Arnón.

Wuj Richin ri Q'axanri'il 22:36 ပူးပေါင်းရင်းမြစ်များ

Hechos 28:15

Ri qach'alal ri ek'o chiri' pa Roma kak'axan chik k'a chi yojapon. Roma ri' xojokik'ulu' ri pa bey, pa tinamit Foro richin Apio, y ri chiri' chuqa' pa Tres Tabernas. Toq ri Pablo xerutz'et k'a ri qach'alal ri', xumatioxij chire ri Dios. Y re' xuya' ruchuq'a' xuna' rija'.

Wuj Richin ri Jeremías 48:20

Y rije' xtikibij: Ri ruwach'ulew Moab xwulatej yan; xqasex ruq'ij y kan janila ruxibin-ri'. Kan kixoq' kik'in y kan tiraqa' ichi' roma ri qaq'axo'n. Tiya' rutzijol chiri' pa raqen-ya' Arnón chi ri ruwach'ulew Moab kan xk'is yan, xkecha' chiwe.

Wuj Richin ri Isaías 16:2

Ri ixoqi' aj-Moab xa ye'animej; Kitalun-el-ki' chupan ri raqen-ya' Arnón, achi'el niban chike ri aj-xik' taq chikopi' toq ye'elesex-el pa kisokaj.

Wuj Kichin ri To'onela' 11:18

Chirij re' ri qati't-qamama' xebiyin pa tz'iran ruwach'ulew y xkisutij-rij ri ruwach'ulew Edom y chuqa' ri ruwach'ulew Moab. Xepe keri' pa relebel-q'ij chire ri Moab, y xek'oje-qa ri pa xokon chire ri raqen-ya' Arnón, y man xe'ok ta apo pa ruwach'ulew Moab; roma ri Arnón jari' ri k'ulba't richin ri Moab.

Deut 3:8

Chupan k'a ri q'ij ri' xqak'en kan kulew ri e ka'i' rey kichin ri amorreo. Ri kiruwach'ulew k'o pa relebel-q'ij chire ri raqen-ya' Jordán: Nitiker-el rik'in ri raqen-ya' Arnón y napon k'a pa xaman chire ri juyu' Hermón,

Deut 2:24

Y ri Moisés xubij: Ri Jehová xubij chuwe chi tiqachapa' chik k'a el bey y tiqaq'axaj la raqen-ya' Arnón, roma rija' rujachon chik pa qaq'a' ri Sihón ri rey kichin ri amorreo ri k'o pa tinamit Hesbón. Y xubij chuqa' chi tiqabana' k'a labal kik'in richin yojok kan chuwech ri ruwach'ulew richin niqichinaj kan.

Ex 18:7

Y ri Moisés xbe k'a richin xberuk'ulu' ri rujinan, y toq xapon rik'in, xuqasaj-ri' chuwech pan ulew y xutz'ubaj. K'ari' xkik'utula' k'a rutzil kiwech y xe'ok-apo pa rachoch ri Moisés, ri banon rik'in tzieq.

Wuj Richin ri Rutikeribel 46:29

Y ri José kan xuben-wi ruchojmil ri carruaje richin chi niberuk'ulu' ri rutata' ri chiri' pa Gosen. Y toq xkik'ul-ki' rik'in, xuq'etej y janila xoq' chuwa-ruk'u'x.

Wuj Richin ri Rutikeribel 18:2

Toq xuyek-q'anej ri rujolon jari' toq xerutz'et e oxi' achi'a', e pa'el-apo chunaqaj. Jari' toq xyakatej-el junanin chiri' chuchi' ri jay richin xeberuk'ulu' y xuqasaj-qa-ri' k'a pan ulew chikiwech.

Wuj Richin ri Rutikeribel 14:17

Toq ri Abram tzolejineq-pe chubanik ri oyowal rik'in ri rey Quedorlaómer y ri ch'aqa' chik rey, jari' toq ri rey richin ri Sodoma xberuk'ulu' pa taq'aj-qa richin Savé, ri chuqa' nibix Ruwa-taq'aj richin ri Rey chire.

1 Sam 13:10

Y toq k'a juba' tik'achoj chuporoxik ri chikop, jari' toq xapon ri Samuel. Y ri Saúl xuk'ul-apo y xuq'ejela'.

Wuj Richin ri Q'axanri'il 22:35

K'ari' ri ángel richin ri Jehová xubij chire: Xa kabiyin chikij ri achi'a' y xaxe k'a ninwajo' chi ja ri ch'abel ri xtinbij yin chawe, jari' ri xtabebij, xcha'. Y keri' ri Balaam xbe k'a chikij ri achi'a' ri e rutaqon-pe ri Balac.

Wuj Richin ri Q'axanri'il 22:37

Y toq xkik'ul-ki', jari' toq ri Balac xubij chire ri Balaam: Yin xinteq awoyoxik chi kan katanpe chi'anin. ¿K'o kami roma chi man at peteneq ta? ¿O xa xach'ob chi yin man yitikir ta yatintoj?, xcha' chire.