Wuj Richin ri Q'axanri'il 22:34 - Kaqchiquel Bible

³⁴ K'ari' ri Balaam xubij chire ri ángel: Yin ximakun wakami, roma yin man wetaman ta k'a chi rat at pa'el pa bey, richin chi yinaq'et. Wi kan man utz ta k'a nuben chawech re nuchapon-el bey, más utz yitzolej, xcha'.

Wuj Richin ri Q'axanri'il 22:34 ပူးပေါင်းရင်းမြစ်များ

2 Sam 12:13

K'ari' ri David xuq'alajirisaj chuwech ri Natán chi kan makuwineq-wi chuwech ri Jehová. K'ari' ri Natán xubij chire ri David chi ri Jehová kan xukuy yan ri rumak, y man xtrelesaj ta ri ruk'aslen.

1 Sam 15:24

K'ari' ri Saúl xubij chire ri Samuel: Yin kan ximakun, roma man xinnimaj ta rutzij ri Jehová y ri ach'abel rat, roma xink'en kikiy ri aj-labal y xinnimaj kitzij. Takuyu' k'a ri numak wakami.

1 Sam 26:21

K'ari' ri Saúl xubij: In makuwineq chawech rat David ri at achi'el nuk'ajol. Katzolej k'a pe, roma xa man jun chik k'a xtinben chawe, re chiqawech-apo, roma rat kan janila apoqonan ri nuk'aslen. Yin kan man utz ta nubanon awik'in roma kan nubanon achi'el ta jun achin nakanik y kan man utz ta nubanon, xcha' ri Saúl.

1 Sam 15:30

Y ri Saúl xubij chire ri Samuel: Kan qitzij na wi chi yin ximakun, jak'a nink'utuj utzil chawe chi taya' wejqalen chikiwech ri achi'a' ri k'o kiq'ij y chikiwech konojel ri qawinaq, y katzolin chik k'a wik'in richin chi junan niqaya' ruq'ij ri Jehová ri qa-Dios, xcha'.

Wuj Richin Etamabel-Tzij 24:18

Y wi rat naben ri banobel ri', y ri Jehová kan nutzu-pe, man utz ta xtutz'et; rik'in juba' xa pan awi' chik rat nuya-wi ruk'ayewal y man pa ruwi' ta chik ri netzelan awichin.

Wuj Richin Bix Chire ri Dios 78:34

Toq nikitz'et chi k'o winaqi' nelesex-el ri kik'aslen, k'ari' nitzolej kik'u'x rik'in rija', k'ari' rik'in ronojel kánima nikikanoj ri Dios richin yeruto'.

1 Crón 21:7

Jak'a ri Dios chuqa' kan itzel xutz'et ronojel re', y xuteq-pe jun ruk'ayewal pa kiwi' ri winaqi' israelita.

1 Sam 24:17

y xubij: Rat kan más at choj chinuwech yin. Rat xatzolij rajel ruk'exel chuwe rik'in utzil, y yin xa kan ja ri itzel xinben chawe.

Wuj Richin ri Q'axanri'il 22:12

K'ari' ri Dios xubij chire ri Balaam: Man kabe kik'in re achi'a' re', richin chi nabeya' ri jun itzel oyonik pa ruwi' ri tinamit ri', roma ri tinamit ri' kan k'o ri wurtisanik yin pa kiwi', xcha' ri Dios.

Wuj Richin ri Q'axanri'il 14:40

Y pa ruka'n q'ij nimaq'a' yan xkibij: Jare' ojk'o, richin chi yojbe-el ri chiri' pa ruwach'ulew ri akuchi rubin-wi ri Jehová chi nuya' chiqe. Roj kan oj makuwineq-wi chuwech rija', xecha'. Y keri' xkichojmirisaj-ki' richin yebe-el chuwi' taq juyu' richin ri ruwach'ulew ri'.

Wuj Richin ri Q'axanri'il 11:1

K'o k'a jun q'ij, roma ri ruk'ayewal ri nikiq'axaj ri winaqi', rije' xeyakatej k'a y xexebeloj chirij ri Jehová. Y rija' kan xerak'axaj-pe y roma ri' xyakatej janila royowal y xuteq-pe q'aq' pa kiwi'; y ri q'aq' ri' kan xuk'is k'a ri q'ayis ri k'o chikichi' ri akuchi ek'o-wi-qa.

Ex 9:27

K'ari' ri rey xuteq koyoxik ri Moisés y ri Aarón y xubij chike: Wakami ninna' chi ximakun, roma ri Jehová kan janila choj ri nuben, jak'a yin y ri nuwinaq xa oj itzel taq winaqi' chuwech.

Wuj Richin ri Q'axanri'il 22:33

Ri bur xirutz'et y kan chi'anin xujel ri rubey chinuwech; y wi man ta xuch'er-ri' chinuwech, xatinkamisaj yan ta rat y la abur xink'asba' ta kan, xcha' ri ángel chire.