Wuj Richin ri Q'axanri'il 22:31 - Kaqchiquel Bible

³¹ Y jari' toq ri Jehová xuben chi xjaqatej runaq'-ruwech ri Balaam y xutz'et k'a ri ángel richin ri Jehová pa'el pa nik'aj bey y ruk'uan jun espada pa ruq'a'. Y roma ri' ri Balaam xulukuba-qa-ri' k'a pan ulew, chuwech ri ángel.

Wuj Richin ri Q'axanri'il 22:31 ပူးပေါင်းရင်းမြစ်များ

Wuj Richin ri Rutikeribel 21:19

K'ari' ri Dios xuben chire richin xujeq ri runaq'-ruwech ri Agar, y xutz'et jun pozo. K'ari' xbe y xberunojisaj-pe ri tz'um richin ya' y xuya' ruya' ri ala'.

1 Crón 21:16

Toq ri David xtzu'un-q'anej, jari' toq xutz'et ri ángel k'o pa kinik'ajal ri ruwach'ulew y ri kaj, y ruk'uan jun espada relesan-el pa ruk'ojelibal richin nuq'ijuj ri Jerusalem. Ri David y ri e tata'al ri ek'o rik'in kan jari' xkilukuba-qa-ki' pan ulew. Y rije' kikusan ri tzieq richin bis.

Wuj Richin Bix Chire ri Dios 9:20

Taya' xibinri'il kik'in rije'. Tiketamaj k'a ri ch'aqa' chik ruwach'ulew chi rije' xa e winaqi'.

Ex 34:8

Ri Moisés kan xaxe k'a xrak'axaj keri', kan jari' xxuke-qa, xuqasaj-ri' k'a pan ulew, richin xuya' ruq'ij ri Jehová.

Wuj Richin ri Q'axanri'il 22:30

Y ri bur xubij chire ri Balaam: ¿Man ja ta k'a yin ri in ach'okoliben-pe k'a re q'ij re'? Rat kan awetaman jebel chi yin man jun bey ri nubanon ta kere' chawe, xcha'. K'ari' ri Balaam xubij: Ja', kan qitzij na wi chi man jun bey ri abanon ta kere' chuwe, xcha'.

Wuj Richin ri Q'axanri'il 24:16

Yin kan noqaqa-wi ri ruch'abel ri Dios pa nuxikin: Yin kan nuk'ulun etamabel rik'in ri Jehová. Kan nintzu-wi jebel toq kan ninch'ob rij ri Dios: Kan nintzu-wi jebel toq nik'utumej chinuwech ri k'o ronojel uchuq'a' pa ruq'a'.

Wuj Richin ri Q'axanri'il 24:4

Yin kan noqaqa-wi ri ruch'abel ri Dios pa nuxikin: Kan nintzu-wi jebel toq kan ninch'ob rij ri Dios. Kan nintzu-wi jebel toq nik'utumej chinuwech ri k'o ronojel uchuq'a' pa ruq'a'.

San Lucas 24:16

Ri ka'i' k'a achi'a' ri' kan nikitzu-wi k'a ri beneq kik'in, jak'a xa man niketamaj ta ruwech.

San Lucas 24:31

Kan k'ari' achi'el xjaqatej ri runaq' taq kiwech, y jari' xketamaj ruwech chi kan ja ajk'a ri Jesús ri k'o kik'in. Jak'a xa xk'is-el chikiwech.

Hechos 26:18

Yatinteq k'a el kik'in, richin chi rije' nijaqatej ri runaq' taq kiwech, y ye'el-pe chupan ri q'equ'm y yek'oje' chupan ri saqil, ye'el k'a chuqa-pe chuxe' ri rutzij ri Satanás y ye'ok chuxe' rutzij ri Dios, y roma xkikuquba' kik'u'x wik'in, nikik'ul ri kuyubel kimak, y ri Dios k'o xtuya' chike richin nikichinaj, e kachibilan ri ch'aqa' ri ch'ajch'oj chik ri kik'aslen y e richin ri Dios, xcha' ri Jesús chuwe.

Wuj Richin ri Josúe 5:13

Y ri Josué k'o k'a ke taq ri' chunaqaj ri tinamit Jericó, toq xutz'et jun achin pa'el chuwech y ruk'uan jun espada pa ruq'a' ri eleneq pa ruk'ojelibal. Y ri Josué xjel-apo rik'in y xubij chire: ¿At achike k'a rat? ¿At qachibil o xa at etzelanel qichin?, xcha' chire.

Wuj Richin ri Josúe 5:14

K'ari' ri achin ri' xubij chire ri Josué: Man jun chike ri ka'i' ri nabij rat, yin kan in tata'al kichin ri e richin ri Jehová ri in peteneq wakami, xcha'. Jari' toq ri Josué xuxuk-xumej-ri' chuwech richin xuya' ruq'ij, y xubij chire: Ajaw ¿achike k'a nawajo' nabij chuwe yin ri asamajel?, xcha'.