Wuj Richin ri Q'axanri'il 22:23 - Kaqchiquel Bible

²³ Y toq ri ti bur ri' xutz'et ri ángel pa'el pa nik'aj bey y ruk'uan jun espada pa ruq'a', xa xujech'ej ri rubey y xok pa jun ulew. Jak'a ri Balaam xa xuch'ey ti rubur richin xtzolej chupan ri bey ri akuchi beneq-wi.

Wuj Richin ri Q'axanri'il 22:23 ပူးပေါင်းရင်းမြစ်များ

Judas 1:11

Kan toq'ex k'a kiwech ri winaqi' ri', roma xa kan achi'el ri itzel k'aslen ri xuk'uaj ri Caín ojer kan, jari' chuqa' ri kik'uan rije'. Y chuqa' nikiben achi'el xuben ri Balaam ri xa ja ri ch'akoj méro ri xurayij. Chuqa' rije' kan nikipaba-ki' chuwech ri Dios, achi'el xuben ri Coré y roma ronojel ri mak ri', xkek'is konojel.

2 Pedro 2:16

Y roma beneq chubanik ri etzelal, ri rubur xbech'on-pe chire achi'el nich'on jun wineq richin xuch'olij, richin xuq'et ta chire ri ch'ujilej na'oj ri beneq chubanik.

Hechos 22:9

Ri e beneq wik'in xkitz'et ri saqil, jak'a man xkak'axaj ta ri xubij ri jun ri xch'on wik'in.

Dn 10:7

Xa kan xaxe k'a chinuwech yin ri xk'utumej-wi ri jun achin ri', y ri achi'a' ri ek'o wik'in man xkitz'et ta. Jak'a kan xpe jun nimalej xibinri'il chikij, y roma ri' xe'animej y xbekewaj-ki'.

Wuj Richin ri Jeremías 8:7

Chuqa' ri al, ri aj-xik' taq chikopi' ri yebe chikaj, ketaman toq nik'atzin yetzolin. Keri' chuqa' ri ch'aqa' chik aj-xik' taq chikopi' kan ketaman toq k'atzinel richin yebe juk'an chik ruwach'ulew. Jak'a rix ri nutinamit kan man iwetaman ta ri nuq'atoj-tzij yin.

1 Crón 21:16

Toq ri David xtzu'un-q'anej, jari' toq xutz'et ri ángel k'o pa kinik'ajal ri ruwach'ulew y ri kaj, y ruk'uan jun espada relesan-el pa ruk'ojelibal richin nuq'ijuj ri Jerusalem. Ri David y ri e tata'al ri ek'o rik'in kan jari' xkilukuba-qa-ki' pan ulew. Y rije' kikusan ri tzieq richin bis.

2 Rey 6:17

K'ari' ri Eliseo xch'on rik'in ri Dios y xubij: Tabana' utzil Jehová, tajaqa' ri runaq'-ruwech ri nusamajel richin yerutz'et ri aj-labal ri ataqon-pe rat, xcha'. K'ari' ri Jehová xuben chire ri samajel richin xjaqatej ri runaq'-ruwech. Y xutz'et k'a chi ri juyu' e nojineq chi aj-labal ri yech'oke' chirij kiej y ri e beneq pa carruaje rik'in q'aq', ri kisutin-rij ri tinamit.

Wuj Richin ri Q'axanri'il 22:22

Y roma ri Balaam xbe chikij ri achi'a' ri', ri Dios xyakatej janila royowal. Y ri Balaam ch'okol k'a el chirij ri ti rubur ri beneq, e rachibilan-el e ka'i' rusamajela'. Y jari' toq ri ángel richin ri Jehová xupaba-ri' pa rubey richin nuq'et.

Wuj Richin ri Q'axanri'il 22:24

Jak'a ri ángel xbepa'e' chik pa rubey, chukojol ka'i' tz'aq ri e banon chuchi' ka'i' ulew ri tikon uva chuwech.

Wuj Richin ri Josúe 5:13

Y ri Josué k'o k'a ke taq ri' chunaqaj ri tinamit Jericó, toq xutz'et jun achin pa'el chuwech y ruk'uan jun espada pa ruq'a' ri eleneq pa ruk'ojelibal. Y ri Josué xjel-apo rik'in y xubij chire: ¿At achike k'a rat? ¿At qachibil o xa at etzelanel qichin?, xcha' chire.