Wuj Richin ri Q'axanri'il 22:18 - Kaqchiquel Bible

¹⁸ Jak'a ri Balaam xa xubij chike ri achi'a' ri': Stape' ta ri Balac nuya' ri rachoch nojineq rik'in saqipueq y q'anapueq chuwe, man xtinxolq'otij ta ri ruch'abel ri Jehová ri nu-Dios, richin ninben ta jun nimalej o ko'ol etzelal.

Wuj Richin ri Q'axanri'il 22:18 ပူးပေါင်းရင်းမြစ်များ

Wuj Richin ri Q'axanri'il 24:13

Stape' ta ri Balac xtuya' ri rachoch chuwe y nojineq rik'in q'anapueq y saqipueq, yin man yitikir ta ninxolq'otij ri nubij ri Jehová chuwe. Pa nuyonil yin man jun yitikir ninben, man jun utzil, ni man jun itzel ri yitikir ta ninben. Kan nubin-wi k'a chi xaxe ri nubij ri Jehová, xaxe ri' ri yitikir ninbij.

2 Crón 18:13

Jak'a ri Micaías xubij: Chuwech k'a ri k'aslik Jehová, ninbij chi achike xtubij ri Jehová chuwe, jari' ri xtinbij yin, xcha' chire ri oyonel richin.

1 Rey 22:14

Jak'a ri Micaías xubij: Chuwech k'a ri k'aslik Jehová, ninbij chi achike xtubij ri Jehová chuwe, jari' ri xtinbij yin, xcha' chire ri oyonel richin.

Wuj Richin ri Q'axanri'il 23:26

Y ri Balaam xubij chik chire: Yin xinbij yan chawe chi ronojel ri nubij ri Jehová chuwe, jari' ri ninbij, xcha'.

Wuj Richin ri Q'axanri'il 22:38

Y ri Balaam xubij chire ri Balac: Jare' ink'o chik re wakami. Jak'a man yitikir ta yich'on rik'in ri nuch'abel yin, xa kan xaxe ri ch'abel ri xtuya' ri Dios chuwe, jari' ri xtinbij, xcha'.

Tito 1:16

Nikibij chi ketaman ruwech ri Dios, jak'a kan niq'alajin chi man qitzij ta, roma ri itzel ri nikiben. Rije' itzel yekitz'et konojel, y man yeniman ta tzij. Chuqa' man jun utz ri yetikir nikiben.

Hechos 8:20

Jak'a ri Pedro xubij chire: K'a ta pa q'aq' xkabeqaqa-wi, rachibilan ri améro, roma rat nach'ob chi rik'in ri méro naloq' ri nusipaj ri Dios.

Dn 5:17

Jari' k'a toq ri Daniel xubij chire ri rey: Ri sipanik ri naya' chuwe, xa tik'oje' kan awik'in. Xa kan taya' k'a chike ch'aqa' chik ri nasuj chuwe yin. Man rik'in ri' yin kan xtintz'et k'a ri tz'iban kan chuwech ri jay y xtinbij k'a chawe ri nel chi tzij.

Wuj Richin ri Q'axanri'il 22:19

Wakami rix tibana' k'a chuqa' utzil, kixk'oje-qa wawe' re aq'a' re', roma yin ninwajo' ninwetamaj ri achike chik ri xtubij ri Jehová chuwe, xcha' ri Balaam.

Wuj Richin ri Q'axanri'il 24:12

Y ri Balaam xubij chire ri Balac: Yin kere' nubin-pe chike ri achi'a' ri xe'ateq wik'in:

1 Rey 13:8

Jak'a ri achin xubij chire ri rey: Stape' xtaya' chuwe ri nik'aj abeyomel ri k'o pan awachoch, yin man yibe ta chawij, ni man xkiwa-xkinuk'ya' ta chupan re tinamit re',

Wuj Richin ri Q'axanri'il 22:8

Y ri Balaam xubij k'a chike: Kixk'oje-el re jun aq'a' re' y yin xtinbij-el chiwe ri xtubij ri Jehová chuwe, xcha'. Y keri' rije' xek'oje-qa chiri' ri jun aq'a' ri'.

Wuj Richin ri Josúe 24:10

Jak'a yin man xinya' ta q'ij chire ri Balaam, y roma ri' pa ruk'exel ri etzelanik ri', xinben chire chi ja ri urtisanik ri xya'ox pan iwi'. Y keri' toq yin xixinkol pa ruq'a' ri Balac.

Wuj Richin ri Achin Job 3:15

Kan yinuxlan ta chuqa' kik'in ri tata'al ri e rajaw ri q'anapueq, ri kinojisan ri kachoch chi saqipueq.