Wuj Richin ri Q'axanri'il 22:16 - Kaqchiquel Bible

¹⁶ K'ari' rije' xebe k'a rik'in ri Balaam y xbekibij chik chire: Ri Balac, kere' ri rutaqon-pe rubixikil chawe: Nink'utuj utzil chawe richin man ta jun nibanon chawe richin chi man yape ta wik'in.

Wuj Richin ri Q'axanri'il 22:16 ပူးပေါင်းရင်းမြစ်များ

2 Sam 13:28

Y ri Absalón xubij chike ri e rusamajela' chi toq xtikitz'et chi ri ránima ri Amnón kan nikikot roma ri vino; y toq rija' xtubij chi tikikamisaj, kan jari' xtikikamisaj, y man tikixibij-ki', roma ja rija' ri xbin. Y xubij chuqa' chi tikitija' kiq'ij richin nikiben, y man tikixibij-ki'.

Dn 2:48

Chirij ri' ri Nabucodonosor xunimirisaj ruq'ij ri Daniel y xuya' nima'q taq sipanik chire y xuben chire chi xok aj-raqen pa ruwi' ri ruwach'ulew ri k'o pa Babilonia, y chuqa' nimalej aj-raqen pa kiwi' konojel ri etamanela' richin ri ruwach'ulew ri'.

Wuj Richin ri Q'axanri'il 22:15

K'ari' ri Balac xuteq k'a jun tzobaj más nim y ri kan más k'o kiq'ij ke chikiwech ri jusol ri xebe nabey.

Wuj Richin ri Q'axanri'il 22:17

Roma kan qitzij ninbij chawe chi kan k'iy rajel ruk'exel ri xtinya' chawe y ronojel k'a ri xtak'utuj kan xtinya' chuqa' chawe. Xaxe katanpe y tawoyoj itzel pa ruwi' re tinamit re', nubij ri Balac, xecha' rije'.

Wuj Richin ri Q'axanri'il 22:37

Y toq xkik'ul-ki', jari' toq ri Balac xubij chire ri Balaam: Yin xinteq awoyoxik chi kan katanpe chi'anin. ¿K'o kami roma chi man at peteneq ta? ¿O xa xach'ob chi yin man yitikir ta yatintoj?, xcha' chire.