Wuj Richin ri Q'axanri'il 21:33 - Kaqchiquel Bible

³³ K'ari' ri israelita xetzolin chik richin xebe pa xaman chire ri ruwach'ulew Basán. Y k'o k'a jun rey ri chiri' rubini'an Og. Y rija' xbeyakatej k'a pe e rachibilan konojel ri aj-labal, richin nibekibana' oyowal kik'in ri israelita.

Wuj Richin ri Q'axanri'il 21:33 ပူးပေါင်းရင်းမြစ်များ

Wuj Richin ri Josúe 13:12

Y ri rey ri xk'oje' pa ruwi' ri ruwach'ulew ri' ja ri Og, ri xk'oje' juba' pa tinamit Astarot y juba' pa tinamit Edrei; rija' jun ruk'isibel chike ri winaqi' refaíta ri nima'q kipalen. Y ri winaqi' ri' kan e ruch'akon kan ri Moisés y xerelesaj kan chupan ri kiruwach'ulew.

Deut 29:7

Y toq xojoqaqa re wawe' xojkichop chi oyowal ri Sihón, rey richin ri Hesbón, y ri Og rey richin ri ruwach'ulew Basán, y roj kan xeqach'ek.

Deut 1:4

Y re' xubij ri Moisés toq xeruch'ek yan kan ri Sihón ki-rey ri winaqi' amorreo ri chiri' pa tinamit Hesbón, y ri Og rey richin ri ruwach'ulew Basán ri chiri' pa tinamit Edrei y Astarot.

Am 4:1

Rix ixoqi' aj-Samaria, kan janila ix ti'oj, achi'el ri wákix ri ek'o pa ruwach'ulew Basán. Rix kan janila ye'itz'ila' ri winaqi' ri man jun k'o kik'in. Rix niben chike ri iwachijilal chi tikik'ama-pe más vino richin yixq'aber. Roma ri' tiwak'axaj re ch'abel re':

Ez 39:18

Xtikitej k'a ri kich'akul ri aj-labal y xtikiqum k'a kik' kichin q'atbel taq tzij e richin chijun ri ruwach'ulew. Y konojel rije' ri xketijo, xtikiben k'a chire achi'el xa ta nikitej ri karne'l, ri tzuntzun o ri e ti'oj taq wákix e richin ri ruwach'ulew Basán.

Ez 27:6

Richin xkiben ri taq che' ri ninimo ri barco, xkik'en-pe ri jebelej paten-che', ri nipe pa Basán. Richin xkiben ri rupan, xkik'en-pe jebelej tz'alem k'isis, ri nipe pa ruwach'ulew Chipre. Y chukojol ri tz'alem ri', xekiyala' retz'aba'l ri e banon rik'in ri rey tix.

Wuj Richin ri Isaías 33:9

Ronojel ri ruwach'ulew kan xchaqi'j y xmayamo' yan qa, achi'el jun wineq ri janila nibison y kan niken yan qa. Ri ruwach'ulew Líbano kan janila xchaqi'j y kan xmayamo' yan qa. Ri taq'aj richin Sarón xa kan tz'iran chik, achi'el ri Arabá. Chupan chijun taq'aj richin Basán y ri juyu' Carmelo kan ronojel k'a ri che' xechaqi'j yan qa.

Wuj Richin Bix Chire ri Dios 68:15

¡Juyu' richin Basán, ri kan richin ri Dios! ¡kan janila k'a nim ri ijotolen!

Wuj Richin Bix Chire ri Dios 22:12

Ri winaqi' ri itzel nikina' chuwe kan kisutin k'a wij achi'el nikiben ri achija' taq wákix. Kan e achi'el k'a ri wákix ri e richin ri ruwach'ulew Basán.

Wuj Richin ri Josúe 13:30

Ri kiruwach'ulew rije' nitiker-pe rik'in ri tinamit Mahanaim y napon rik'in ri ruwach'ulew Basán ri xk'oje' pa ruq'a' ri rey Og; y keri' chuqa' ri oxk'al kokoj tinamit ri e richin kan ri Jaír, ri xek'oje' pa Basán,

Wuj Richin ri Josúe 12:4

Y ri jun chik rey ri xch'akatej rubini'an Og, ja rija' ri ruk'isibel chike ri e rijatzul kan ri Refa ri nima'q kipalen. Rija' rey pa ruwi' ri ruwach'ulew Basán y xk'oje' juba' pa tinamit Astarot y juba' pa tinamit Edrei.

Wuj Richin ri Josúe 9:10

y ronojel ri xuben kik'in ri e ka'i' rey kichin ri amorreo, ri ek'o juk'an chire ri raqen-ya' Jordán, nel chi tzij: Ri Sihón rey richin ri tinamit Hesbón y ri Og rey pa ruwi' ri ruwach'ulew Basán, y pa ruwi' ri tinamit Astarot.

Deut 32:14

Chuqa' chiri' xitej jebelej mantequilla roma ri iwawej kan janila chi leche xkiya'. Xitej kich'akul karne'l y tzuntzun richin Basán, ri jebel e ti'ojirisan. Y xitej ri jebelej taq trigo y xiqum ri jebelej taq vino.

Deut 4:47

Keri' xok k'a kan kichin ri israelita ri kiruwach'ulew kan ri rey Sihón, y ri Og, rey richin ri Basán.

Wuj Richin ri Q'axanri'il 32:33

Keri' ri Moisés xuya' chike ri tzobaj richin kan ri Gad, ri Rubén y ri nik'aj tzobaj richin ri Manasés, ri ruwach'ulew ri akuchi xq'aton-wi-tzij ri Sihón rey kichin ri amorreo y ri ruwach'ulew Basán ri akuchi xq'aton-wi-tzij ri rey Og.

Wuj Richin Bix Chire ri Dios 68:22

Y rija' xubij chi xkeruk'en-pe chiri' pa Basán. Chuqa' xkeruk'en-pe pa runik'ajal ri palou,

Wuj Richin Bix Chire ri Dios 135:11

Xukamisaj k'a ri Sehón rey kichin ri winaqi' amorreo, ri Og rey richin ri ruwach'ulew Basán, y konojel k'a ri rey ri xek'oje' chupan ri ruwach'ulew Canaán.

Wuj Richin Bix Chire ri Dios 136:20

Xukamisaj k'a ri Og ri rey richin ri ruwach'ulew Basán: Roma ri rujoyowanik rija' kan richin jantape'.

Deut 2:30

Jak'a ri rey ri' man xuya' ta q'ij richin xojq'ax-el chupan ri ruwach'ulew, roma ri Jehová ri qa-Dios xukowirisaj ri ránima y kan xupaba-ri' chiqawech. Ri Jehová xuben keri' richin chi xujech pa qaq'a' ri Sihón y ri ruwach'ulew.