Wuj Richin ri Q'axanri'il 21:25 - Kaqchiquel Bible

²⁵ Y keri', toq ri israelita xekichop konojel ri tinamit kichin ri winaqi' amorreo, xkiben kichin chike ri tinamit ri' y xek'oje' ri pa taq jay. Chuqa' keri' xkiben rik'in ri tinamit Hesbón y ri taq kokoj tinamit ri ek'o-pe chunaqaj.

Wuj Richin ri Q'axanri'il 21:25 ပူးပေါင်းရင်းမြစ်များ

Wuj Richin ri Nimalej Bix 7:4

Ri aqul kan liq'-liq' achi'el jun torre ri banon rik'in rey tix. Ri runaq' taq awech kan yech'ich'an achi'el rubanon ri ya' chupan ri yakbel-ya' ri k'o pan Hesbón, ri k'o pan okinen chire ri tinamit ri nibe pa Bat-rabim. Ri atza'n kan jebel ok achi'el ri juyu' Líbano, ri nitzu'un-qa pa Damasco.

Wuj Richin ri Isaías 15:4

Konojel ri winaqi' ri ek'o pa tinamit Hesbón y ri pan Elalé janila xkesik'in chi oq'ej, y re' xtak'axatej k'a pa tinamit Jahas. Roma ri' ri aj-labal aj-Moab xkebaybot roma xibinri'il.

Wuj Richin ri Jeremías 48:2

Ri iruwaq'ijaj rix aj-Moab xa xtik'is, roma chiri' pa tinamit Hesbón ri e etzelanel iwichin nikich'ob richin yixkik'is. Chuqa' rix ri aj-Madmén kan xkixkik'is y ri labal man jun bey xkixruya' kan.

Wuj Richin ri Jeremías 48:34

Ri raqoj-chi'ij richin ri tinamit Hesbón xtak'axatej k'a chupan ri tinamit Elalé y ri Jahas. Xtitiker-pe pa tinamit Sóar y xtapon k'a pa tinamit Horonaim y ri Eglat-selisiya. Chuqa' ri ti raqen-ya' Nimrim xa xtichaqi'j-qa.

Wuj Richin ri Jeremías 48:45

Rix ri ix yakatajineq chuwij, ri ix uk'uan-el, xkixapon pa tinamit Hesbón, ri rutinamit kan ri rey Sihón, roma xke'el-pe ri e etzelanel iwichin chiri' achi'el ruxaq q'aq'. Y ri q'aq' ri' xkeruk'et ri taq juyu' richin ri iruwach'ulew Moab.

Ez 16:46

Ri animal pa xaman k'o-wi y ri' ja ri Samaria y ri e kokoj taq rutinamit. Y ri achaq' pa xokon k'o-wi y rija' ja ri Sodoma y ri e kokoj taq rutinamit.

Ez 16:49

Jare' k'a ri rumak ri xuben ri awach'alal Sodoma y ri kokoj taq rutinamit: Rije' kan xkinimirisaj k'a ki'. Chuqa' kan pa ruk'iyal ri xk'oje' kik'in, jak'a man xekito' ta ri e poqonatajineq y ri e molonel.

Ez 16:53

Jak'a chike ri e ka'i' awach'alal kan xtinben chi xkeyakatej chik q'anej y kan xtinya' urtisanik pa kiwi'. Y chuqa' chawe rat kan xtinben chik chi kan xkabe pa jotol y xtinya' urtisanik pan awi'.

Am 2:10

Jak'a ri kati't-kimama' ri israelita xenwelesaj-pe pan Egipto. Y kawineq k'a juna' xenk'uaj pa tz'iran ruwach'ulew. Yin xinben ronojel re' richin xinya' ri kiruwach'ulew kan ri amorreo chike.

Wuj Richin ri Q'axanri'il 21:26

Ri tinamit Hesbón jari' ri rutinamit kan ri Sihón, ri rey kichin ri winaqi' amorreo. Ri ojer kan rija' kan rubanon-wi labal rik'in ri rey ri xnabeyej-el chuwech ri k'o wakami ri chiri' pa Moab y ruch'akon kan chuwech ronojel ri ruruwach'ulew ri', ri nitiker-el chuchi' ri raqen-ya' Arnón y napon k'a pa xaman.

Wuj Richin ri Q'axanri'il 21:31

Keri' toq ri israelita xek'oje' kan chuwech ri ruwach'ulew kichin ri winaqi' amorreo.

Wuj Richin ri Q'axanri'il 32:3

Ri ruwach'ulew Atarot, Dibón, Jazer, Nimrá, Hesbón, Elalé, Sebam, Nebo y Beón

Deut 2:12

Ojer kan chupan chijun ri ruwach'ulew Seír xek'oje' ri winaqi' horeo, y xk'uluwachitej k'a chi ri edomita xekelesaj-pe chiri' y xekikamisaj konojel. Y ja k'a rije' ri xek'oje' kan chupan ri ruwach'ulew ri', kan achi'el k'a xqaben roj israelita pa ruwi' ri ruwach'ulew ri xuya' ri Jehová chiqe.

Wuj Richin ri Josúe 24:8

Xixink'en k'a pe chupan ri kiruwach'ulew ri winaqi' amorreo, ri ek'o juk'an chire ri raqen-ya' Jordán. Y rije' xkiben oyowal iwik'in rix, jak'a yin kan xenjech pan iq'a'. Xenk'is k'a el chiwech y ja rix xixok kan chuwech ri kiruwach'ulew.

Wuj Kichin ri To'onela' 11:26

Roj ri oj israelita ojk'o yan pe 300 juna' chiri' pa tinamit Hesbón y Aroer, y chupan ri kokoj taq tinamit ri ek'o chikinaqaj, y ronojel ri taq tinamit ri ek'o chuchi' ri raqen-ya' Arnón. ¿Achike roma man iwelesan ta chiqe chupan ri 300 juna' ri'?