Wuj Richin ri Q'axanri'il 21:24 - Kaqchiquel Bible

²⁴ Man rik'in ri', ri israelita xa xech'akon k'a y xekikamisaj chi espada y xok k'a kan kichin rije' ri ruwach'ulew ri', ri nitiker-el rik'in ri raqen-ya' Arnón y napon k'a rik'in ri raqen-ya' Jaboc; ri akuchi nitiker-wi-el ri kiruwach'ulew ri winaqi' amonita. Jak'a man xekich'ek ta roma ri kitinamit rije' kan jebel tz'apen chi tz'aq.

Wuj Richin ri Q'axanri'il 21:24 ပူးပေါင်းရင်းမြစ်များ

Wuj Richin ri Rutikeribel 32:22

Chupan k'a ri aq'a' ri', ri Jacob xyakatej-el, xeruk'uaj-el ri ka'i' rixjayilal, ri e ka'i' rusamajela' ixoqi', y chi julajuj ruk'ajol, y xkiq'axaj-apo ri raqen-ya' ri nibix Jaboc chire, ri akuchi xax juba' rupan ri ya',

Wuj Richin ri Nehemías 9:22

Xkichinaj k'a ajawaren y tinamit kichin ch'aqa' chik winaqi', richin xaya' ri kulew chikijujunal ri kijatzul. Xajech pa kiq'a' ri ruwach'ulew Hesbón ri akuchi xq'aton-wi-tzij ri Sihón, y chuqa' xajech ri Basán ri akuchi xq'aton-wi-tzij ri rey Og.

Wuj Richin Bix Chire ri Dios 136:19

Xukamisaj k'a ri Sehón ri ki-rey ri winaqi' amorreo: Roma ri rujoyowanik rija' kan richin jantape'.

Am 2:9

Ri amorreo kan janila e nima'q kipalen; kan e nima'q achi'el ri tiox-che'. Rije' kan janila kuchuq'a'; kan e kow achi'el ri tuq. Man rik'in ri' yin xenwelesaj-el pa kiruwach'ulew. Kan xenk'is k'a jumul achi'el nik'is jun che'; ri nitiker-pe pa rutum y k'a pa ruxe-qa.

Wuj Richin ri Q'axanri'il 21:13

Y toq xe'el chik el ri chiri' pa Zéred, xebek'oje' kan k'a chuchi' ri raqen-ya' Arnón, ri k'o chupan ri tz'iran ruwach'ulew. Y ri raqen-ya' Arnón jari' ri k'ulba't richin ri ruwach'ulew Moab, y kichin ri winaqi' amorreo. Y keri' ri israelita xe'apon k'a ri pa kiruwach'ulew ri winaqi' amorreo.

Deut 1:4

Y re' xubij ri Moisés toq xeruch'ek yan kan ri Sihón ki-rey ri winaqi' amorreo ri chiri' pa tinamit Hesbón, y ri Og rey richin ri ruwach'ulew Basán ri chiri' pa tinamit Edrei y Astarot.

Deut 29:7

Y toq xojoqaqa re wawe' xojkichop chi oyowal ri Sihón, rey richin ri Hesbón, y ri Og rey richin ri ruwach'ulew Basán, y roj kan xeqach'ek.

Deut 3:16

Jak'a chike ri e rijatzul kan ri Rubén y ri Gad xinya' chijun ri ruwach'ulew Galaad, nitiker-el rik'in ri raqen-ya' Arnón, y ri ruk'ulba't niq'ax pa runik'ajal ri raqen-ya' ri', y napon pa xaman k'a rik'in ri jun chik raqen-ya' Jaboc. Re' jare' ri kik'ulba't ri e rijatzul kan ri Amón.

Deut 31:4

Ri Jehová xtuben chike ri winaqi' ri' achi'el xuben chike ri Sihón y ri Og, ri e rey kichin ri amorreo, toq kan xeruk'is junan kik'in ri tinamit ri ek'o pa kiq'a'.

Deut 4:46

Re' xubij toq rije' k'a ek'o na chiri' pa relebel-q'ij chire ri raqen-ya' Jordán, pa taq'aj ri k'o chuwech-apo ri tinamit Bet-peor, pa ruwach'ulew kan ri rey Sihón, rey kichin ri amorreo. Rija' xk'oje' pa tinamit Hesbón, y jare' k'a xekich'ek ri Moisés y ri ruwinaq.

Wuj Richin ri Josúe 13:12

Y ri rey ri xk'oje' pa ruwi' ri ruwach'ulew ri' ja ri Og, ri xk'oje' juba' pa tinamit Astarot y juba' pa tinamit Edrei; rija' jun ruk'isibel chike ri winaqi' refaíta ri nima'q kipalen. Y ri winaqi' ri' kan e ruch'akon kan ri Moisés y xerelesaj kan chupan ri kiruwach'ulew.

Wuj Richin ri Josúe 24:8

Xixink'en k'a pe chupan ri kiruwach'ulew ri winaqi' amorreo, ri ek'o juk'an chire ri raqen-ya' Jordán. Y rije' xkiben oyowal iwik'in rix, jak'a yin kan xenjech pan iq'a'. Xenk'is k'a el chiwech y ja rix xixok kan chuwech ri kiruwach'ulew.

Wuj Richin ri Josúe 9:10

y ronojel ri xuben kik'in ri e ka'i' rey kichin ri amorreo, ri ek'o juk'an chire ri raqen-ya' Jordán, nel chi tzij: Ri Sihón rey richin ri tinamit Hesbón y ri Og rey pa ruwi' ri ruwach'ulew Basán, y pa ruwi' ri tinamit Astarot.

Wuj Kichin ri To'onela' 10:11

Y ri Jehová xubij chike ri israelita: Rix xixk'oje' pa tijoj-poqonal ojer kan koma ri winaqi' aj-Egipto, koma ri amorreo, ri amonita, ri aj-Filistea,

Wuj Kichin ri To'onela' 11:13

Y ri rey kichin ri amonita xubij-pe chike ri e uk'uey rutzijol: Kere' nubanon roma toq ri iwati't-imama' xe'el-pe pan Egipto, kimajon kan ri qaruwach'ulew ri nitiker-el pa raqen-ya' Arnón y napon pa xaman k'a pa raqen-ya' Jaboc, y nitiker chik el pa relebel-q'ij chire ri Jaboc y napon k'a pa raqen-ya' Jordán. Wakami k'a, chi utzil tuya' kan, xcha'.

Wuj Kichin ri To'onela' 21:8

Y xkik'utuj k'a chi wi k'o jun tinamit chikikojol ri tzobaj richin Israel ri man xjote' ta q'anej chuwech ri Jehová chiri' pa Mispá toq xban ri nabey molojri'il. Y xkinabej k'a chi ri aj-Jabés richin Galaad man xe'apon ta chupan ri molojri'il ri',